ಇಬ್ರಿಯ 3:6 - गवली उनाई नियम

⁶ मसीह म्या कोंटे गा रोंगो परमेश्वर खटला गेन विश्वास लायको अधिकारी होय एठा डी खटला आले खुद होय। अगर आले हिम्मत टे गोलाऊवा होय, मेटे इनी आसा गेन घमंड दडा लठ्ठाका आखरी टाएन मजबूत टे पक्का थंदळे।

ದೆವಾಚಿ ಖರಿ ಕಬರ್ ನವಾ ಕರಾರ್

⁶ ಕ್ರಿಸ್ತ ತರಿ ಲ್ಯೊಕ್ ವ್ಹವುನ್ ದೇವಾಚ಼ ಘರ್ ಚಾ಼ಲ್ವಾಚಾತ್ ಇಸ್ವಾಸಾಚಾ಼ ಜಾ಼ಲ್ಯಾ. ಆಮಿ ಆಮಾನಾ ಆಸ್‌ಲ್ಯಾಲೆ ಆಶೆತ್ ಘಟ್ ಗರ‍್ಹಾವ್ನಿ ರಾಹ್ಯಾಚ಼ ಜಾ಼ಲತ ದೇವಾಚಾ ಗರ‍್ಹಾತ್ಲಿ ಜಾ಼ಲ್ಯಾವ್.

ಇಬ್ರಿಯ 3:6 ပူးပေါင်းရင်းမြစ်များ

ಮತ್ತಾಯ್ 10:22

चोयाकी आपे इंज लिंजेन विश्वास दोडोवा होय। इनी वाजाटे सेबाई कुरकू अमाटे दुश्मनी डोएबा। लेकिन जो कुरकू इंजगा आजुम्बा होय एठा आखरी टाएन इंज लिंजेन भरोसा दोडोवा होय। एठा हार बान ममानातिंज दिकु परमेश्वर गा व्दारा बचातिंजूवा।”

ಮತ್ತಾಯ್ 16:18

एठा इंजभी आपेके मंडीवाकी, कि आम पतरस होय, एठा इंज इनी घोटा लिंजेन इंजगा मसीह गा मंडली आरोयेवा एठा पातल गा फाटक डे लिंजेन जीटा डाए बाने।

ಮತ್ತಾಯ್ 24:13

पेनो लेकिन जो कुरकू इंजगा आजुम्बा होय एठा कासु स्यागु टाएन इंज लिंजेन भरोसा दोडोवा होय। एठा हार बान ममानातिंज दिकु परमेश्वर गा व्दारा बचातिंजू।

रोमियो 11:22

परमेश्वर गा दयालुता एठा कठोरता, बाएरा लिंजेन बिचार डाए। जो बोचोएन, दिकु लिंजेन कळाक्को, पेनो अमा लिंजेन दयालुता गा लायको आरुका थंदळे, बानकी मेटे आपेके भी म्हाटे अलग्गो कोम्बा।

रोमियो 12:12

आपेगा मेरान जो आसा होय, डेन आपेके खुश थंदळजू होना, आपना परीशाननौर गेन आराम्बो डोए एठा हारेक टेमो प्रार्थना डाए।

रोमियो 15:13

इंज प्रार्थना दडावा मेना, परमेश्वर जो आसा गा पाजेर होय, आपे कुरकू के विश्वास गा द्वारा खुशी एठा शांती जे चाले, देटे पवित्र आत्मा गा शक्तीटे आपे कुरकू गा आसा पुरायु।

रोमियो 5:2

चोयाकी आलेगा विश्वास गा वोजीटे डीच आलेके परमेश्वर गा कृपा गा अनुभव गेन सालेमी होय, डेन आले नका थंदळवा होय। आले आत्मविश्वास एठा खुशीटे परमेश्वर गा महिमा के घागल गा घल्जी तैयारके होय।

1 ಕೋರಿಂಥ್ 3:16

आपे अच्छा खिजाटे हाडाई होय, कि आपे परमेश्वर गा मंदिर होय, एठा परमेश्वर गा आत्मा आपेन नी थंदळवा होय।

1 ಕೋರಿಂಥ್ 6:19

आपे अच्छा खिजाटे हाडाई होय, कि आपेगा कोम्बोर पवित्र आत्मा गा मंदिर होय। एठा डीच आपेके परमेश्वर टे हासिलजे होय एठा परमेश्वर आपेन नी थंदळवा होय। एठा आपेन आपेगा कोम्बोर गा मठान तुनिका हाक बाऊ होय।

2 ಕೊರಿಂಥ 6:16

परमेश्वर गा मंदिर गा मूर्तिनौर गा तुनिका जगा बाऊ होय। चोयाकी आले जीटा परमेश्वर गा मंदिर होय, जैसा कि पवित्र ग्रंथ गेन परमेश्वर नी मंडीके होय, “इंज डी कुरकू गा तालान पेळावा एठा दिकुगा सेंग्गोन सेंदरावा। इंज दिकुगा परमेश्वर आरुवा एठा दिकु इंजा प्रजा आरुवा।”

गलातियों 6:10

इनिघल्जी जब टाएन आलेके मौका घाटाऊ लक्के होय, आले सेबाई कुरकू गा सेंग्गोन भलाई डाए चाले लज्जे, मेन तौर टे डी कुरकू गा, जो मसीह गेन विश्वास गा वाजा आलेगा डाई होय।

गलातियों 6:9

आले भालाई डा-डाटे हिम्मत बान हारातिंजू, चोयाकी अगर आले मजबूत आरुका थंदळवा मेटे टेमो हेजे लिंजेन जरुर ईनाम घाटाऊवा।

इफिसियों 3:12

चोयाकी आले मसीह गेन विश्वास दडावा होय, एठा इनी वोजीटे आले पूरा भारोसा गा सेंग्गोन हिम्मत टे परमेश्वर गा मेरान सेनेवा होय।

ಕೊಲೊಸ್ಸೆ 1:23

पेनो आपेन नी विश्वास गा आधार लिंजेन पक्का एठा अटल आरुका थंदळ होना एठा डी अच्छा खाबोर गा आसा के डीके आपेनी आजुम्के होय बाकी आरा, एठा डेगा खाबोर बदळा इटान सेबाई दुनियान डाके होय, एठा डेगा इंज पौलुस सेवक आरोएन।

1 ತೆಸಲೊನಿಕ್ 5:16

आपे हमेशा खुशो थंदळे।

2 ತೆಸಲೊನಿಕ್ 2:16

आलेगा प्रभु यीशु मसीह हेज्का, एठा आलेगा बाटे परमेश्वर, डीचनी आलेटे प्यार डावे एठा हेजा कृपा टे हमेशा शांती एठा उत्तम आसा जीके होय।

ಇಬ್ರಿಯ 1:2

पेनो इनी आखिरी दिनेन परमेश्वर नी हेजा कोंटे गा द्वारा बातो डावे। इनिज डीचका होय दियागा द्वारा परमेश्वर नी पूरा दुनिया आरुके, एठा डीचके परमेश्वर नी सेबाई चीजोनौर गा वारिश ठहरातिंज्केनेच।

ಇಬ್ರಿಯ 10:19

हे विश्वासी डाईचो, नका आले विश्वास दडावा होय, कि यीशु मसीह गा जीवन बलिदान दडा गा वोजीटे आलेन इनी हिम्मत होय, कि आले स्वर्गीय खाट चोखरा जगान मु सकतावा होय।

ಇಬ್ರಿಯ 10:21

नका आलेके म्या महान याजक घाटाएन होय, जो परमेश्वर गा उरा लिंजेन कालाम्के मेना होय।

ಇಬ್ರಿಯ 10:23

आले बिना घबरातिंज गा आलेगा आसा गा गवाही के मजबूत टे रोकातिंजटे डोकी, चोयाकी परमेश्वर हेजा वादा के पूरा दडा गेन विश्वास लायको होय।

ಇಬ್ರಿಯ 10:35

इनिघल्जी आपे कुरकू आपना देटेन पक्का विश्वास बाकी आरा, ताकी आपेन परमेश्वर गा कोनेटे म्या खाट ईनाम घाटायु।

ಇಬ್ರಿಯ 11:1

विश्वास डी बातो गा पक्का निश्चय होय, दिकुगा आले आसा दडावा होय एठा डी चीजोनौर गा अस्तित्व गा बारेन पक्का साबुत होय, आपेके आले बान दोडो।

ಇಬ್ರಿಯ 3:14

चोयाकी अगर आले आपना पेला विश्वास के आखरी टाएन सजाका आरुका डोएबा होय, मेटे आले मसीह गा बेल्लाऊ आरुका थंदळवा होय।

ಇಬ್ರಿಯ 4:11

इनिघल्जी आले डी आराम्बो जगान मुगा कोशिश डाए, एठा तुनिकाभी कोरो के डी कुरकू गा नकल बाकी दडा होना, दिकुनी परमेश्वर गा हुकूम ममानातिंज टे इंकार डाके।

ಇಬ್ರಿಯ 4:14

यीशु जो स्वर्ग गेन ओले होय, डीच परमेश्वर गा कोण होय। डीच आले सेबाईकु गा महान खाटयाजक होय। इनिघल्जी हेजे आले डी विश्वास के आराके बिना मजबूत टे आरुका थंदळे देटे आलेनी सेबाईकु गा सम्मान मनातिंज्के डा।

ಇಬ್ರಿಯ 4:16

इनिघल्जी हेजे आबु बिना तुनिका हिगरा गा परमेश्वर गा सिंघासन गा मेरान सेंजू जो कृपा टे भेट्टिके मेना होय, मेटे परमेश्वर आलेके दया डाएवाका, एठा आलेगा जरुरीनौर गेन डीच आलेगा मदत डाएवा।

ಇಬ್ರಿಯ 6:11

इनिघल्जी आपे आळसी बाकी आरु। आले घोनेच चाहतावा होय कि काळक्को मेहनत दडामिठाच गा खिजा आपेके आखरी टाएन आराम्बो एठा विश्वास गा सेंग्गोन मजबूत आसा दोडो लठ्ठाका इनी कामय के दडा चलुका दोडो होना, ताकी परमेश्वर गा वादा के हासिले, आपे आळसी बाकी आरु, बानकी डी कुरकू गा रोंगो डाए, जो आपना विश्वास एठा हिम्मत गा वाजा वादा गा उत्तराधिकारी डाऊवा होय।

ಇಬ್ರಿಯ 6:18

मेटे डाबोलटे इनी बरी बातो होय डेगा वादा एठा दियागा कासोम जो चोलाकाभी बान बदलातिंजू एठा दिकुगा बारेन परमेश्वर चोलाकाभी लाबाळ बान मंडी साकता। इनिघल्जी आले जो परमेश्वर गा मेरान सुरक्षा घगाटा हेन होय, एठा जो आसा डीचनी आलेके जिले होय, डीके रोकातिंज्का डोकी।

ಇಬ್ರಿಯ 7:19

चोयाकी मूसा गा नियम चोच्काभी पूर्णता टाएन बान आदिरडुका। आलेके एनेटे महान आसा जिले मेना होय एठा येनेगा आसरा टे आले परमेश्वर गा मेरान आदिरु सकतावा होय।

1 पतरस 1:8

आपेनी यीशु के चोलाकाभी बान दोडुका होय, पेनो फिरभी आपे दियाटे प्यार दडावा होय। आपे डीचके आए बान दोडुका, पेनो आपे दिया लिंजेन विश्वास दडावा होय। इनिघल्जी, आपे खुशी एठा महिमा टे भेट्टिके ठायका खुशोयु डीके शब्दनौर गेन बयान बान डाए साकता।

1 पतरस 4:17

चोयाकी न्याय दडा गा टेमो हेन मेना होय, कि पेला परमेश्वर गा कुरकू गा न्याय डाएवा एठा जब कि डीच पेला आले विश्वासीकु गा न्याय डाएवा, मेटे डी भयानक चीजो गा बारेन सोचातिंजे, जो डी कुरकू गा सेंग्गोन डाऊवा, जो डी अच्छा खाबोर के बान ममानातिंज, जो प्रभु गा कोनेटे हेजेवा होय।

ದರ್ಶಾನ್ 2:18

“डीचनी इंजाटे इनी भी मंडीके,” थुआतीरा शहर गा मसीह गा मंडली गा स्वर्गदूत के इनी ओले, “परमेश्वर गा कोण गा कोनेटे इनी खाबोर होय। दियागा मेट सिंगेल गा आफो गा खिजा एठा दियागा नंगा भेट्टीन जुलू मिनी पितरा गा खिजा होय।”

ದರ್ಶಾನ್ 2:25

सिवाय एनेगा कि जो शिक्षा आपेगा मेरान होय, दिया लिंजेन इंजा हेजे टाएन मजबूत आरुका थंदळे।

ದರ್ಶಾನ್ 2:26

जो बुराई लिंजेन जीटाऊवा एठा आखिरी टेमो टाएन इंजा हुकूम गा पालन दडा लक्के, इंज दिकुके सेबाई जाटो गा कुरकू लिंजेन हाक जेबा।

ದರ್ಶಾನ್ 3:11

इंज जल्दीका हेजेमिठाच मेना, आपना खुदके विश्वास गेन मजबूत आरुका डोए, ताकी जेकाभी आमगा फल रुटीया बाकी, जो मुकूट गा खिजा होय।