इफिसियों 6:20 - गवली उनाई नियम

²⁰ इनिजा गा घल्जी इंज साखळीनौर गेन जाकळातिंजटे राजदूत गा सम्मान सेवा दडा लक्के मेना। प्रार्थना डाए कि इंज, जो प्रकार इंज्के मंडी होना, डीका खिजा बिना हिगरा गा सेंग्गोन अच्छा खाबोर गा प्रचार डाकी होना।

ದೆವಾಚಿ ಖರಿ ಕಬರ್ ನವಾ ಕರಾರ್

²⁰ ತಿ ಬರಿ ಖಬರ್ ಗಿಹುನ್ ಜಾ಼ತ್ಯಾಲಾ ವಕಿಲ್ ಮೀ ತುರುಂಗಾತ್ ಹಾ ನವ್ಹ. ತ್ಯಚೆ ಗುಸ್ಟಿತ್ ಮೀ ಬೊಲಾಯಾ ವ್ಹಯಿ ಆಸ ಧೀರಾನಿ ಬೊಲಾಯಾ ಮಾಜಿಸಾಟಿ ಮಾಗ್ನ ಕರಾ.

इफिसियों 6:20 ပူးပေါင်းရင်းမြစ်များ

ಅಪೊಸ್ತಲ್ 21:33

मेटे पलटण गा सरदार नी पौलुस गा मेरान हेंडो डीचके उठायेनेच। एठा बरी सकळी टे तोटोल गा कि हुकूम जीटे कोम्कोम्बारा लज्जे, “येटेन जे होय, एठा इनिजनी चोच डाके होय?”

ಅಪೊಸ್ತಲ್ 26:29

पौलुस नी मंडीके “परमेश्वर टे इंज प्रार्थना इनी होय, कि थोडसा गेन, चोच घोनेच गेन, बस अमाका बाने। पेनो चोटो कुरकू टैंज इंजागा आजुम्बा होय, इंज इनी बंधन के आराटे दिकु इंजा रोंगो जू।”

ಅಪೊಸ್ತಲ್ 28:20

इनिघल्जी इंज्नी आमके हाकोलेमी होय, कि आमटे मिलातिंजकु एठा बातो चितो डाए। चोयाकी इस्राएली कुरकू गा आसा गा घल्जी, जो कि मसीह होय, इंज इनी साकळी टे टोल्के होय।”

ಅಪೊಸ್ತಲ್ 5:29

मेटे पतरस एठा अलग्गो कलामके मिंकू चेलाकू जवाब जीके, “कोरोकु गा हुकूम टे खाट्टे परमेश्वर गा हुकूम गा पालन दडाका आलेगा कामय होय।

2 ಕೊರಿಂಥ 3:12

इनिघल्जी येनोगो आसा धोटे आले हिम्मत गा सेंग्गोन मंडीवा होय।

2 ಕೊರಿಂಥ 5:20

इनिघल्जी आले मसीह गा राजदूत होय, मेंकी परमेश्वर आलेगा द्वारा आपे कुरकू टे बिनती दडा लक्के होय। आले मसीह गा जीमू लिंजेन आपे कुरकू टे इनी बिनती दडावा होय, कि आपे परमेश्वर टे मिलातिंजू लक्कू।

इफिसियों 3:1

इनिघल्जी इंज पौलुस आपे अलग्गो जाटोकु के मसीह यीशु गा अच्छा खाबोर घागल वोजीटे जेलेन केटके मेना, एठा इंज आपेगा घल्जी परमेश्वर टे प्रार्थना दडावा मेना।

इफिसियों 4:1

इनिघल्जी इंज जो प्रभु यीशु गा सेवा दडा गा वोजीटे कैदी मेना, आपेटे बिनती दडावा मेना, कि जो हाको गा घल्जी परमेश्वर नी आपेके हाकोलेमी होय, डेगा रोंगो आपना जीवन बितातिंजे।

इफिसियों 6:19

एठा इंजा घल्जी भी प्रार्थना डाए, कि जब इंज घागल गा घल्जी तैयारुवा, मेटे परमेश्वर इंज्के म्या खाबोर जेबा, ताकी इंज हिम्मत टे घागल होना एठा अच्छा खाबोर गा उखु बातो घल्की होना।

ಪಿಲಿಪ್ಪಿ 1:20

इंजा इनी हार्दिक इच्छा एठा आसा होय, कि इंजेन तुनिका बातो टे सेरोमजु बाकी होना, पेनो इंज पूरा बेफिकर टे मसीह गा बारेन मंडे जैसा आए भी मंडी लक्के मेना। देटे इंजगा कोम्बोर टे, चाहे जीटा टेमोन या गुजू टेमोन मसीह गा महिमा डाऊका लक्कू।

ಪಿಲಿಪ್ಪಿ 1:7

इंजा घल्जी इनी साही होय, कि इंज्नी आपे सेबाईकु घल्जी येनोगोका सोचातिंज्के, चोयाकी आपे सेबाईकु इंजा दिलेनके होय। चोयाकी नका इंज जेलेन केटके मेना एठा डीच जब इंज अच्छा खाबोर गा घल्जी जवाब एठा प्रणाम जिऊ गेन आजादी रुपोटे कामय दडा लक्के डा। डी टेमो भी आपे सेबाईकु इंजा सेंग्गोन डी कृपा गेन बेल्लायु होना, जो परमेश्वर नी इंजा लिंजेन डाके होय।

ಕೊಲೊಸ್ಸೆ 4:3

डेनोगोका आले घल्जी भी प्रार्थना दडाका लक्कू, कि परमेश्वर आलेके वचन घागल गा येनेगो मौका सेगे, कि आले मसीह गा डी भेदो गा वर्णन डाकी डेगा वोजीटे इंज जेलेनके मेना।

ಕೊಲೊಸ್ಸೆ 4:4

प्रार्थना डाए, कि इंज मसीह गा भेदो के खुल्लाटे खाबोर घाल्की होना जैसा इंजेन दडा होना।

1 ತೆಸಲೊನಿಕ್ 2:2

आपे हाडाई होय कि आलेनी आपेगा मेरान थिस्सलुनीका शहर गेन हेजे टे पेला फिलिप्पी शहर गेन चोटो कासु एठा अपमान सहेनके, एठा देटेन येटो जदा विरोध टाकुटेभी परमेश्वर नी आलेके येनेगो हिम्मत जिले कि आले परमेश्वर गा अच्छा खाबोर आपेके घल्के।

2 ತಿಮೊತಿ 1:16

उनेसिफुरुस गा पीढी लिंजेन प्रभु दया डाए, चोयाकी डीचनी चोटोका बार इंजाटे हेन डो मिलातिंज्के एठा हिम्मत बळातिंज्के होय। डीच इंजा जेलेन थंदळ गा वोजीटे सेरोमडुका।

2 ತಿಮೊತಿ 2:9

इंज अपराधी गा रोंगो जेलेन केटके मेना एठा मुसीबत तुटूल लक्के मेना, चोयाकी इंज्नी अच्छा खाबोर गा प्रचार डाके। पेनो परमेश्वर गा अच्छा खाबोर फैलातिंजुटे जेका रोराकातिंज बान साकता।

फिलेमोन 1:10

इंज उनेसिमुस गा घल्जी बिनती दडावा मेना, जो इंजा घल्जी कोण गा रोंगो होय। जब डीच जेल गेन डा मेटे डीच मसीह गेन इंजा कोण हारोयेन।

1 ಯೊಹಾನ್ 3:16

यीशु मसीह नी आलेगा घल्जी हेजा गा जान जीके, इनी वोजीटे आलेके प्यार गा बारेन मालूमजे, इनिघल्जी आलेन भी आपना डाईचो गा घल्जी जान जिऊ होना।

यहूदा 1:3

हे इंजा प्यारे विश्वासी डाईचो, हालाकी इंज आपेके परमेश्वर गा उध्दार गा बारेन घोनेच चोच्का ओल चाहता डा, डेन आले सेबाईकु बेल्लाके होय, इंज डीके जरुरी समझातिंजेवा मेना, कि आपेके आरी दडा गा घल्जी ओलकी कि आपे डी विश्वास गा रक्षा गा घल्जी पूरा खिजाटे कोशिश डाए, जो म्याका बार हमेशा गा घल्जी परमेश्वर नी हेजा कुरकू के जीके होय, एठा जो चोलाकभी बान बदलाऊ।