इफिसियों 3:9 - गवली उनाई नियम

⁹ एठा सेबाई कोरोकु लिंजेन डी भेदो ओटकी होना, कि डी भेदो गा सोए चोच होय। परमेश्वर नी सेबाई दुनिया के आरुके, एठा इनी भेदो के जमाना-जमाना टे उखु डोके डा।

ದೆವಾಚಿ ಖರಿ ಕಬರ್ ನವಾ ಕರಾರ್

⁹ ತಸಸ್ ಸರ್ವ ಉತ್ಪನ್ ಕೆಲ್ಯಾಲ್ಯಾ ದೇವಾಪ ಪೈಲೆ ದರ್ನಿ ಚು಼ರುನ್ ಆಸ್‌ಲ್ಯಾಲ್ಯಾ ಖರ‍್ಯಾಚಿ ಯವಜ್ನಾ಼ ಸಗ್‌ಳ್ಯಾನಾ ದಿಲೆ.

इफिसियों 3:9 ပူးပေါင်းရင်းမြစ်များ

ಮತ್ತಾಯ್ 10:27

जो चोचकाभी इंज्नी अमाटे उखुटे मंडीवा मेना, डीके सेबाई रुपोटे बिना तुनिका हिघराटे घाले, जो चोचकाभी आम अंधरान आजोम्बा, डेगा दिउंडी हारेक जगान डाए।

ಮತ್ತಾಯ್ 13:35

जो वचन परमेश्वर गा कोनेटे मंडीमिठाच गा वोजीटे मंडीके डा, देटेन पुरायु। “इंज उदाहरण गघाल इंजा चभू खुल्लाएबा इंज डी बातो के जो दुनिया गा ओटटे पेला टे उखु थंदळके होय, घाल्टे डायेबा।”

ಮತ್ತಾಯ್ 25:34

मेटे इंज जो राजा मेना इंजा डाखुरी कोने मिंकूटे मांडेवा, “हे इंजा बाटे गा धन्य कुरकू, हेजे, डी स्वर्ग गा राज्य गा अधिकारी आरुयु, जो दुनिया गा आरुटे पेला आपे घल्जी तैयारके मेना होय।

ಮತ್ತಾಯ್ 28:19

इनिघल्जी आपे सेने डो सेबाई जाटो गा कुरकू के चेलाकू आरुकु एठा दिकुके बाटे एठा कोण गा पवित्र आत्मा गा जीमू टे बपतिस्मा जे,

लूका 24:47

एठा यरूशलेम शहर टे साटे सेबाई जाटो गेन मन इखाट गा एठा पापो गा मापो गा खाबोर दियागा का जीमू टे डाके डा?

ಯೊಹಾನ್ 10:30

इंज एठा इंजा बाटे म्याका होय।”

ಯೊಹಾನ್ 5:17

एने लिंजेन यीशु नी दिकुके जवाब जीके, “इंजा बाटे परमेश्वर हमेशा कामय दडावा होय एठा इंजेन भी कामय दडा होना।”

ಯೊಹಾನ್ 5:19

एने लिंजेन यीशु नी दिकुटे मंडीके, “इंज आपेटे सच्चो-सच्चो मंडीवा मेना, कोण खुद टे चोचका बान दडा। देटेन डीचका डाएवा होय, जो देटेन बाटे के दडा डोगेवा होय, चोयाकी जो चोचकाभी बाटे दडावा कोण भी डीका दडावा।”

ಅಪೊಸ್ತಲ್ 15:18

येटेन डीका प्रभु मंडीवा होय जो दुनिय गा ओटटे इनी बातो गा खाबोर जीटे हेन होय।

रोमियो 11:25

हे विश्वासी डाईचो, आपे अलग्गो जाटोकु के खुद लिंजेन घमंड बान दडा चाहताके। इनिघल्जी इंज इस्राएल गा कुरकू गा सेंग्गोन चोच डाएन होय, येनेगा उखु बातो घालेवा। अदा इस्राएली कुरकू जिद्दी आरोएन होय, एठा दिकु मेटे टाएन येनेगोका थंदळवा, जब टाएन कि अलग्गो जाटोकु गा पूरा संख्या परमेश्वर गा मेरान बान हेजे।

1 ಕೋರಿಂಥ್ 2:7

आले परमेश्वर गा डी रहस्यमय ज्ञान एठा मकसद गा बातो दडावा होय, जो आए टाएन उखुके मेना डा। येनेटे पेला कि परमेश्वर नी पृथ्वी आरुके, डीचनी पेलाटेका निर्णय सावे डा, कि दियागा ज्ञान आलेके महिमा जे चालेवा।

इफिसियों 1:4

परमेश्वर नी दुनिया गा आरु दडा टे पेला मसीह गेन आलेगा रिश्ता आरु गा द्वारा आलेन दियागा सम्मान चोखरा एठा निर्दोष ठहरातिंजूबा।

इफिसियों 3:2

आपे कुरकू नी जरुर आजुम्के होंगा, कि आपे कुरकू गा भालाई गा घल्जी परमेश्वर नी हेजा गा कृपा गा सोए दडा गा रोंगो इंज्के अच्छा खाबोर घागल कामय जिले होय।

इफिसियों 6:19

एठा इंजा घल्जी भी प्रार्थना डाए, कि जब इंज घागल गा घल्जी तैयारुवा, मेटे परमेश्वर इंज्के म्या खाबोर जेबा, ताकी इंज हिम्मत टे घागल होना एठा अच्छा खाबोर गा उखु बातो घल्की होना।

ಕೊಲೊಸ್ಸೆ 1:23

पेनो आपेन नी विश्वास गा आधार लिंजेन पक्का एठा अटल आरुका थंदळ होना एठा डी अच्छा खाबोर गा आसा के डीके आपेनी आजुम्के होय बाकी आरा, एठा डेगा खाबोर बदळा इटान सेबाई दुनियान डाके होय, एठा डेगा इंज पौलुस सेवक आरोएन।

ಕೊಲೊಸ್ಸೆ 1:26

मतलब डी भेदो के जो जमानानौर एठा पीढीनौर टे कुरकू टे ऊखुकेका, पेनो नका परमेश्वर गा डी चोखरा कुरकू लिंजेन ओटके होय।

ಕೊಲೊಸ್ಸೆ 3:3

चोयाकी आपे आपेगा पापो गा स्वभाव गेन गोएन मेना होय एठा आपेगा जीवन मसीह गा सेंग्गोन परमेश्वर गेन उखुके मेना होय।

ಕೊಲೊಸ್ಸೆ 4:3

डेनोगोका आले घल्जी भी प्रार्थना दडाका लक्कू, कि परमेश्वर आलेके वचन घागल गा येनेगो मौका सेगे, कि आले मसीह गा डी भेदो गा वर्णन डाकी डेगा वोजीटे इंज जेलेनके मेना।

2 ತೆಸಲೊನಿಕ್ 2:13

हे विश्वासी डाईचो, एठा प्रभु गा प्रिय कुरकू, आलेन प्रभु परमेश्वर के आपे कुरकू गा बारेन लगातार धन्यवाद जिऊ होना। परमेश्वर नी पेला फल गा रुपोन आपेके कलामजेमी, देटे आपे चोखरा दडामिठाच आत्मा द्वारा एठा सच्चाई गेन आपना विश्वास द्वारा उध्दार घाटाऊ चाले।

1 ತಿಮೊತಿ 3:16

येनेन तुनिका शक बाऊ, कि आलेगा भक्ति गा भेदो चोटो गंभीर होय, मसीह कोरो गा रुपोन ओटजे मेना, डीच पवित्र आत्मा गा द्वारा परमेश्वर गा कोणटे साबित डाएन, एठा स्वर्गदूतकुन डोके। महिमा गेन स्वर्ग गेन टूलजेनेच, अलग्गो जाटो गेन दियागा प्रचार डायेन, एठा दुनिया गा कुरकू नी दियागा लिंजेन विश्वास डाके।

2 ತಿಮೊತಿ 1:9

परमेश्वर नी आलेगा उध्दार डाके एठा चोखरा जीवन बिबातातिंजा घल्जी हाकोकेमी, एठा येनेगो डीचनी आलेगा जुना कामय वोजीटे बाने, पेनो हेजा मकसद एठा कृपा गा वोजीटे डाके। हमेशा टे इनी परमेश्वर गा योजना डा, (कि आलेके प्रभु यीशु मसीह गा कृपा घाटायु होना।)

2 ತಿಮೊತಿ 4:17

पेनो प्रभु नी इंजागा मदत डाके, एठा इंज्के शक्ती जिले, ताकी इंज मसीह यीशु गा अच्छा खाबोर गा पूरा प्रचार सेबाई अलग्गो जाटो कुरकू के घालेकी होना। एठा डीचनी इंजा जान के गुजूटे बचातिंज्के।

तीतुस 1:2

येनेगा परिणाम डी कुरकू हमेशा थंदळ गा घल्जी आसा दोडोवा, चोयाकी परमेश्वर, जो चोलाकाभी लाबाळ बान मंडी, इनी दुनिया आरुटे पेला इनी वादा डाके डा।

1 पतरस 1:20

इनी दुनिया गा आरुटे पेला, परमेश्वर नी इनी पक्काके मेना डा, कि यीशु मसीह आरामिठाच होंगा। एठा डीच आपेगा मदत दडा गा घल्जी इनी आखरी दिननौर गेन इनी दुनिया गेन हेन।

ದರ್ಶಾನ್ 13:8

पृथ्वी लिंजेन थंदळ मिंकू सेबाई कुरकू डी जानवर गा पूजा दडा लज्जे। मतलब, डी सेबाई कुरकू दिकुगा जीमू दुनिया गा सुरुवात टे मेंडा कोंटे गा जीवन गा पुस्तक गेन बान ओलडुका मेना। मेंडा कोंटे डीचका होय जो गोएन मेना डा।

ದರ್ಶಾನ್ 14:6

मेटे इंज्नी म्या एठा स्वर्गदूत के बदळा गेन ऊँचाई लिंजेन ऊळतिंजूटे डोके। डी स्वर्गदूत नी डी अच्छा खाबोर के सावे मेना डा, जो चोलाकभी बान बदलाऊ, डीचनी दुनिया गेन थंदळ मिंकू कुरकू, हर म्या देशो, हर म्या पीढी एठा हर खिजा गा भाषा गेन इनिके घाल्के।

ದರ್ಶಾನ್ 17:8

डी जानवर डीचके आमनी आए डोकेनेच, म्या टेमो जीटाका डा, पेनो नका जीटाका बाऊ होय। डीच पातल टे बल्लान हेजेमिठाच होय एठा परमेश्वर डीचके पूरा खिजाटे नशोएच्बा। पृथ्वी लिंजेन थंदळ मिंकू कुरकू दिकुगा जीमू परमेश्वर दुनिया के आरुटे पेला जीटाकु गा पुस्तक गेन बान ओलडुका, दिकु सेबाईकु अचम्बोऊवा जब दिकु इनी भायनक जानवर के डोगेचबा। म्या टेमो डीच जीटाका डा, नका डीच जीटाका बाऊ होय, पेनो डीच डाबोलटे हिराबा।

ದರ್ಶಾನ್ 4:11

“हे आलेगा प्रभु, एठा परमेश्वर, आमका महिमा, एठा आदर, एठा शक्तीगा लायको होय, चोयाकी आमका नी सेबाई चीजोनौर के आरुके एठा अमाका इच्छाटे डीच अस्तित्व गेन होय एठा दिकुगा सृष्टि डाएन होय।”