इफिसियों 1:18 - गवली उनाई नियम

¹⁸ इंज इनी भी प्रार्थना दडावा मेना कि सच्चाई के समझातिंजू गा घल्जी डीच आपेगा मदत डाकी, ताकी आपे चिनाया होनाकी आपेगा हाकोऊ गा आसा चोच होय, एठा परमेश्वर गा कुरकू गा घल्जी दियागा वादा डाके मिनी आशीर्वाद नौर चोटो महान एठा महिमा टे भेट्टिके होय।

ದೆವಾಚಿ ಖರಿ ಕಬರ್ ನವಾ ಕರಾರ್

¹⁸ ಮಿ ಮಾಗಾಚ಼ ಕ್ಯಾ ಮಂಜೆ ತುಮಚಾ ಮನಾತ್ಲ ಡೊಳ ಉಗಡುನ್, ತ್ಯಚಾ ಹಾಕಟನ್ಯಾಚಿ ಆಶಾ ಕಸ್ಲಿ ಮನ್ಹುನ್ ಆನಿ ದೆವಾಚಾ ಪೊರಾಂಚಿಪ ಆಸಲ್ಯಾಲ್ಯಾ ಸ್ವಾಸತ್ಯಾಚಿ ಮೈಮಾ ಕಸ್ಲಿ ಮನ್ಹುನ್.

इफिसियों 1:18 ပူးပေါင်းရင်းမြစ်များ

ಮತ್ತಾಯ್ 13:15

चोयाकी इनी कुरकू गा दिल जिद्दोएन होय। दिकु इकुगा लुटूर टे आजुम्बा बान चहता होय, एठा दिकुनी इकुगा मेट जफीटके होय। बनकी दिकु इकुगा मेट टे दोडोवा, एठा इकुगा लुटूर आजुम्बा, इकुगा दिल टे समझातिंजटे मन बदलाएवा, मेटे इंज दिकुके सजाकुवा।”

ಮಾರ್ಕ್ 10:17

डेनोगोका यीशु हेजा गा चेलाकू सेंग्गोन डाबोलटे यात्रा दडा चालुके डा। मेटे म्या कोरो दियागा मेरान साळूप लठ्ठाका हेन। एठा दियागा सम्मान मान टे ठोपरे जेगाटे दियाटे कोम्बराके, “हे कास गुरु इंज चोच कामय डाए कि परमेश्वर इंज्के हमेशा गा जीवन जेबा?”

लूका 24:45

मेटे डीचनी दिकुके पवित्र ग्रंथ गा बातो समझातिंजू गेन मदत डाके।

ಅಪೊಸ್ತಲ್ 16:14

लुदिया जीमू थुआतीरा पूरा गा बैंजनी कपळे किकीजी मिठाच जो परमेश्वर गा म्या भक्त जापाए आजुम लक्के डा। प्रभु नी दियागा मन खुल्लाके, ताकी पौलुस गा बातो लिंजेन मन येंडाके।

ಅಪೊಸ್ತಲ್ 26:18

कि अमा दिकुगा मेट कुलकी, ताकी दिकु अंधकार टे उजाला गा कोनेन, एठा शैतान गा हाक टे परमेश्वर गा हाक गा कोनेन इखाट डे। मेटे परमेश्वर दिकुगा पापो के मापोएबा, एठा डी कुरकू गा सेंग्गोन म्या जगा घाटया, जो इनिघल्जी चोखरा हारुकेकू होय। चोयाकी दिकु इंज लिंजेन विश्वास दोडोवा होय।

रोमियो 11:29

चोयाकी परमेश्वर न मेटे हेजा कृपा हिरागेवा एठा न हेजा हाको बोचोगेवा होय।

रोमियो 2:4

चोच आपे परमेश्वर गा दया, एठा सेहेसेन, एठा आराम्बो रुपो डामाके बेकार मेंबा होय? एठा चोच इनी बान समझातिंजू कि परमेश्वर गा दया आपेन नी मन बबादला इथूवा होय?

2 ಕೊರಿಂಥ 4:4

इनी दुनिया गा राजो शैतान नी डी अविश्वासीकु गा दिमाग के अंधाके मेना होय, ताकी मसीह जो परमेश्वर गा रुपो होय, दियागा तेजोमय अच्छा खाबोर गा उजाला दिकु लिंजेन बान चमकतिंजू।

2 ಕೊರಿಂಥ 4:6

इनिघल्जी कि परमेश्वर नी मंडीके, “अंधरा तालाटे उजाला चमकातिंजू,” एठा परमेश्वर नी उजाला गा खिजा आलेगा दिलनौर गेन समझो जिले, ताकी आले परमेश्वर गा महिमा के डोगे साकतावा, जो यीशु मसीह गा द्वारा ओटबा होय।

गलातियों 5:5

पेनो परमेश्वर गा आत्मा आलेके डी धार्मिकता के हासिल दडा गा घल्जी, आसा गा सेंग्गोन इंतजार डाएवा होय डीके जिऊ गा वादा परमेश्वर नी आलेटे डाके डा, चोयाकी आले दिया लिंजेन विश्वास दडावा होय।

इफिसियों 1:11

परमेश्वर नी आले यहूदी कुरकू के भी मसीह गेन हेजा कुरकू डाऊ घल्जी कलाम्जेकु, ताकी आले परमेश्वर गा कोनेटे विरासत घाटायु होना। चोयाकी इनी सुरुवात टेका दियागा योजना डा। डीचनी हेजा योजना एठा इच्छा गा रोंगो का डाके।

इफिसियों 1:7

चोयाकी आलेके मसीह गा पचना गा द्वारा आराएन मतलब पापो गा मापो घाटाएन होय। इनी परमेश्वर गा खाट कृपा गा परिणाम होय।

इफिसियों 2:12

डी टेमो आपे मसीह के हाडाई बान डा। आपे परमेश्वर गा कालाम्के मिंकू प्रजा इस्राएल गा कुरकू तालाटे बाने डा। एठा आपे परमेश्वर गा द्वारा डाके मिनी डी करारनौर गा वादानौर गा भागी बाऊ डा, एठा इनी दुनिया गेन बिना आसा गा एठा परमेश्वर गा बिना जीवन बिबातातिंज लक्के डा।

इफिसियों 3:16

इंज बिनती दडावा मेना, कि डीच हेजा गा महिमा गा डामा गा रोंगो आपेके इनी दान जे, कि आपे दियागा आत्मा टे आपना गा तालाबिचो कोरोपणान शक्ती घाटाटे शक्तीशाली आरुयु।

इफिसियों 3:8

अगर भी इंज परमेश्वर गा सेबाई कुरकू गेन सेबाईकु टे सानी कोरो मेना, तोभी इंजा इनी कृपा डाएन, कि इंज अलग्गो जाटोकु के मसीह गा स्यागु बान मिनी डामा गा अच्छा खाबोर घालेवा।

इफिसियों 4:1

इनिघल्जी इंज जो प्रभु यीशु गा सेवा दडा गा वोजीटे कैदी मेना, आपेटे बिनती दडावा मेना, कि जो हाको गा घल्जी परमेश्वर नी आपेके हाकोलेमी होय, डेगा रोंगो आपना जीवन बितातिंजे।

इफिसियों 4:4

आले सेबाई विश्वासी कुरकू म्या कोम्बोर गा अंगो गा खिजा होय। एठा आले सेबाईकु नी म्याका पवित्र आत्मा घाटावे होय, जैसा कि आपे कुरकू के डीका आसा जीके डा, जब आपेके परमेश्वर गा कुरकू आरु गा घल्जी हाकोलेमी डा।

इफिसियों 5:8

आपे खुद अंधरा गेन थंदळ डा, लेकिन जब टे आपे प्रभु गा कुरकू आरुके होय,, आपे उजाला गेन होय। इनिघल्जी आपेके येनेगो कुरकू गा खिजा थंदळ होना जो उजाला टे संबधित होय।

ಪಿಲಿಪ್ಪಿ 3:14

इनिघल्जी स्वर्ग गेन डी पुरस्कार के घाटाऊ घल्जी इंज निशान गा कोनेन साळुपटे सेनेवा मेना, डेगा घल्जी परमेश्वर नी इंज्के यीशु मसीह गा द्वारा हाकोकेमी होय।

ಕೊಲೊಸ್ಸೆ 1:12

एठा बाटे परमेश्वर गा धन्यवाद दडा लक्कू, डीचनी आलेके इनी लायको आरुकेमी कि उजाला गा राज्य गेन चोखरा कुरकू गा सेंग्गोन विरासत गेन बेल्लायु होना।

ಕೊಲೊಸ್ಸೆ 1:23

पेनो आपेन नी विश्वास गा आधार लिंजेन पक्का एठा अटल आरुका थंदळ होना एठा डी अच्छा खाबोर गा आसा के डीके आपेनी आजुम्के होय बाकी आरा, एठा डेगा खाबोर बदळा इटान सेबाई दुनियान डाके होय, एठा डेगा इंज पौलुस सेवक आरोएन।

ಕೊಲೊಸ್ಸೆ 1:27

परमेश्वर नी दिकुके घागल चाहताके डा ताकी दिकु चिनाया, कि अलग्गो जाटोनौर गेन डी भेदो गा महिमा मूल्य चोच होय एठा डी भेदो इनी होय, कि मसीह जो महिमा गा आसा होय आपेन नी थंदळवा होय।

ಕೊಲೊಸ್ಸೆ 1:5

आपेगा विश्वास एठा प्यार डी आसा लिंजेन निर्भर होय, जो आपेगा घल्जी स्वर्ग गेन सजाका डोके होय। डेगा बारेन आपे पेलाभी आजोमके होय, जब अदा कुरकू आपेगा मेरान हेजे एठा मसीह यीशु के अच्छा खाबोर के आपेके घाल्के, जो परमेश्वर गा सच्चो वचन होय।

ಕೊಲೊಸ್ಸೆ 2:2

इंज इनी दडावा मेना, ताकी दिकुन आरी घाटायु एठा प्यार टे इकु-इकून जुळतिंज थंदळे, एठा दिकु ज्ञान गा सेबाई डामा हसिलजा होना एठा दिकुके परमेश्वर बाटे गा उखु योजना गा बारेन पूरा समझो होना, जो खुद मसीह होय।

ಕೊಲೊಸ್ಸೆ 3:15

मसीह गा शांती आपेगा मनेन राजो डाए, चोयाकी आपे सेबाईकु म्याका कोम्बोर गा अंगो होय, इनिघल्जी आपेन इनिज-दियागा सेंग्गोन शांती टे थंदळ घल्जी हाकोकेमी होय, एठा धन्यवाद डाए लक्कू।

1 ತೆಸಲೊನಿಕ್ 5:8

पेनो आले जो दिन गा कुरकू होय, विश्वास एठा प्यार के उरिया, जो डेनोगोका आलेगा राक्षा दडावा होय, जैसा म्या झिलाम म्या सैनिक गा राक्षा दडावा होय।

2 ತೆಸಲೊನಿಕ್ 1:11

इनिघल्जी आले आपे घल्जी हमेशा प्रार्थना दडावा होय, आलेगा परमेश्वर आपेके डी जीवन के बिबातातिंज गा लायको समझातिंजे डेगा घल्जी डीचनी आपेके कोंचकेमी होय। एठा डीच आपेन नी भालाई गा हर म्या इच्छा एठा विश्वास गा हर म्या कामय के शक्ती गेल्ला पुराए।

2 ತೆಸಲೊನಿಕ್ 2:16

आलेगा प्रभु यीशु मसीह हेज्का, एठा आलेगा बाटे परमेश्वर, डीचनी आलेटे प्यार डावे एठा हेजा कृपा टे हमेशा शांती एठा उत्तम आसा जीके होय।

1 ತಿಮೊತಿ 6:12

जैसा म्या लडाई मिठाच युध्द गेन लडाई बान आरा, डेनेगोका आम भी परमेश्वर लिंजेन भारोसा दडा एठा दियागा हुकूम गा पालन दडा बाकी आरा, एठा आपना घल्जी हमेशा गा जीवन के उठाकी, डेगा घल्जी आमके हाकोकेमी एठा दियागा बारेन घोनेच कुरकू गा सम्मान आमनी इनी मनातिंज्के कि आम मसीह लिंजेन विश्वास दडावा होय।

तीतुस 2:13

एठा डी धन्य दिन गा कोरा डोगे, जो आलेगा आसानौर पूराऊवा एठा आलेगा महान परमेश्वर एठा उध्दार दडामिठाच यीशु मसीह गा महिमा ओटजू होना।

तीतुस 3:7

देटे आले दियागा कृपा टे धर्मी ठहरातिंजू होना एठा हमेशा गा जीवन गा उत्तर अधिकारी आरु गा एठा हमेशा दियागा सेंग्गोन थंदळ गा आसा डोकी होना।

ಇಬ್ರಿಯ 10:32

आपे कुरकू डी बितातिंजके दिन गा बारेन सोचातिंजे जब आपेनी पेला बार मसीह गा बारेन इथूके डा। यादो डोए कि आपे चोफर टे वफादार आरुके, यादो डोकी कि तुनी खिजा आपे भायनक तक्लिप सेहेसेन गा बादोन भी विश्वास लायको आरुका थंदळे।

ಇಬ್ರಿಯ 6:4

चोयाकी जो कुरकू इकुगा विश्वास के आरागेवा होय, दिकुके डाबोलटे मन बबादला गा स्थिती टाएन डाबोलटे बान सेगु सकता। दिकुनी म्या बार परमेश्वर गा सच्चाई के चिनाये डा एठा स्वर्ग टे वरदान घाटाएन डा, एठा दिकुनी अलग्गो कुरकू गा सेंग्गोन बेल्लाटे पवित्र आत्मा घाटाएन डा।

1 पतरस 1:3

आलेगा प्रभु यीशु मसीह गा बाटे एठा परमेश्वर धन्यवाद डायु, परमेश्वर नी आलेगा प्रति हेजा खाट दया टे आलेके म्या उनाई जीवन जिले होय। चोयाकी परमेश्वर नी यीशु मसीह के गोएन मिंकूटे जीटाकेनेच, डीचनी आलेके विश्वास गा सेंग्गोन उनाई जीवन गा आसा जिले होय, मतलब इनी कि डी चीजो के हासिल दडा गा पूरा उम्मीद डाए सकतावा होय, जो डीचनी आलेके जिऊ गा वादा डाके होय।

1 पतरस 3:9

बुराई गा बेदला बुराई बाकी दडा, एठा न आराम गा बेदला आराम जे, पेनो येनेगा बेदला आशीर्वाद का जे चोयाकी परमेश्वर नी आपेके इनिघल्जी का हकोलेमी होय, अगर आपे येनोगो दडावा होय, मेटे परमेश्वर आपेके भी आशीर्वाद जेबा।

1 पतरस 5:10

परमेश्वर जो पूरा खिजाटे कृपा टे भेट्टिके होय, डीचनी आपेके यीशु मसीह गा सेंग्गोन आपेगा म्याजुट गा वोजीटे दियागा अनन्त महिमा गेन बेल्लाऊ घल्जी आपेके हाकोलेमी होय। डीच आपेगा थोळाका टेमो टाएन कासु भोबगातिंजा गा बादोन आपेके भेट्टिटे आरुकोम्बा ताकी आपे तालाटे जेका दोष बाकी थंदळ, डीच आपेगा दिल के मजबूत डाएवा ताकी आपेगा विश्वास दिया लिंजेन पक्का आरुयु।