ಕೊಲೊಸ್ಸೆ 1:12 - गवली उनाई नियम

¹² एठा बाटे परमेश्वर गा धन्यवाद दडा लक्कू, डीचनी आलेके इनी लायको आरुकेमी कि उजाला गा राज्य गेन चोखरा कुरकू गा सेंग्गोन विरासत गेन बेल्लायु होना।

ದೆವಾಚಿ ಖರಿ ಕಬರ್ ನವಾ ಕರಾರ್

¹² ದೇವಾಚಾ ಬಕ್ತಾಂಚೆಸಾಟಿ ಉಜೀಡ್‍ ಗೆತ್ಯಾಲ್ಯಾ ಆಮಾನಾ ಚಾ಼ಂಗ್ಲ ಮನ್ಹುನ್ ಕೆಲ್ಯಾಲ್ಯಾ ಬಾ ಜಾ಼ಲ್ಯಾಲ್ಯಾ ದೇವಾಲಾ ಸಂತೊಶಾನಿ ಕ್ರತಜ್ಞತಾಸ್ತುತಿ ಕರಾಯಾವ್ಹಯಿ ಮನ್ಹುನ್ ದೇವಾಪ ಮಾಕ್ತೊ.

ಕೊಲೊಸ್ಸೆ 1:12 ပူးပေါင်းရင်းမြစ်များ

ಮತ್ತಾಯ್ 25:34

मेटे इंज जो राजा मेना इंजा डाखुरी कोने मिंकूटे मांडेवा, “हे इंजा बाटे गा धन्य कुरकू, हेजे, डी स्वर्ग गा राज्य गा अधिकारी आरुयु, जो दुनिया गा आरुटे पेला आपे घल्जी तैयारके मेना होय।

ಯೊಹಾನ್ 14:6

यीशु नी दियाटे मंडीके, “कोरा एठा सत्य एठा जीवन इंज का मेना। बिना इंजा द्वारा जेका बाटे परमेश्वर मेरान बान आदिरु।

ಯೊಹಾನ್ 20:17

यीशु नी दियाटे मंडीके, “इंजा नंगाके बाकी उठा। चोयाकी इंज आए टाएन बाटे गा मेरान माठान बान सेंडुका मेना, बनकी इंजा चेलाकू मेरान सेने डो एठा दिकुटे मंडीकी कि इंज इंजा बाटे, जो आपेगा बाटे भी होय, जो इंजा परमेश्वर, जो आपेगा परमेश्वर भी होय दिकु मेरान चेल्के मेना।”

ಯೊಹಾನ್ 4:23

पेनो देटेन टेमो हेजेवा होय, यानेकी आए भी होय, डेन सच्चो भक्त बाटे परमेश्वर गा आराधना आत्मा एठा सच्चाई गेन डाएवा, चोयाकी बाटे परमेश्वर हेजा घल्जी येनोगोका भक्तकुके घागटावा होय।

ಅಪೊಸ್ತಲ್ 20:32

एठा नका इंज आपेगा परमेश्वर के, एठा दियागा कृपा गा वचन के जे वा। जो आपेके आरुकोम्बा होय। एठा परमेश्वर आपेके देटेन विरासत जेबा, डीचके जिऊ गा वादा डीचनी डी सेबाई कुरकू टे डाके होय जो दियागा द्वारा चोखरा आरुके।

ಅಪೊಸ್ತಲ್ 26:18

कि अमा दिकुगा मेट कुलकी, ताकी दिकु अंधकार टे उजाला गा कोनेन, एठा शैतान गा हाक टे परमेश्वर गा हाक गा कोनेन इखाट डे। मेटे परमेश्वर दिकुगा पापो के मापोएबा, एठा डी कुरकू गा सेंग्गोन म्या जगा घाटया, जो इनिघल्जी चोखरा हारुकेकू होय। चोयाकी दिकु इंज लिंजेन विश्वास दोडोवा होय।

रोमियो 11:17

पेनो अगर खिटी बिट्बे मिनी जैतून गा सिंज गा अदा डांगोल के टुक्काके मेना होय, एठा म्या डोंगोर जैतून गा सिंज गा म्या डांगोल येने गेन बेल्लाएन होय। मेटे आपे अलग्गो जाटोकु डोंगोर जैतून गा सिंज गा जळी गा खिजा होय, एठा नका आपे यहूदिकु गा मजबूत आत्मिक जीवन के साजा दडावा होय।

रोमियो 15:27

दिकुनी इनी खुशीटे डाके होय, दिकु यरूशलेम शहर गेन थंदळ मिंकू गा कर्जोदार भी होय, चोयाकी अलग्गो जाटोकु नी यरूशलेम गा विश्वासीकु टे अच्छा खाबोर गा आत्मिक आशिष घाटावे। इनिघल्जी दिकुन लगातिंजुवा होय, कि बदलान दिकु कम से कम दिकुगा डामा गा मदत डाए सकतावा होय।

रोमियो 8:17

एठा अगर कोण होय टासो मेटे वारिश भी होय, पेनो परमेश्वर गा वारिश एठा मसीह गा सेंग्गो वारिश होय, अगर आले यीशु गा खिजा ताक्लिप सेहेसेनबा होय, मेटे आले दियागा महिमा गेन भी हिस्सा साहवा।

रोमियो 9:23

एठा डीच हेजा महिमा के ओट चाहतावा डा, जो आले लिंजेन बरसातिंज्के मेना डा, जो दियागा दया गा सामोन होय, एठा दया गा बर्तननौर लिंजेन डीके डीचनी महिमा गा घल्जी पेलाटेका तैयारके डा।

1 ಕೋರಿಂಥ್ 9:23

एठा इंज इनी सेबाई चोच्का मसीह गा बारेन अच्छा खाबोर गा प्रचार दडा गा घल्जी दडावा मेना, ताकी इंजेन अच्छा खाबोर गेन वादा डाके मिनी आशीर्वाद गा हिस्सा जिकी होना।

2 ಕೊರಿಂಥ 11:14

इनी चोच्का अचम्बो गा बातो बाऊ, चोयाकी शैतान खुद भी चमकतिंजू मिनी रुपो स्वर्गदूत गा रुपो साटे बहकतिंजकुवा।

2 ಕೊರಿಂಥ 5:5

परमेश्वर नी खुद इनी उद्देश गा घल्जी आलेके तैयारकेमी होय एठा गोलाके डामा गा रुपोन आलेके पवित्र आत्मा जिले होय।

इफिसियों 1:11

परमेश्वर नी आले यहूदी कुरकू के भी मसीह गेन हेजा कुरकू डाऊ घल्जी कलाम्जेकु, ताकी आले परमेश्वर गा कोनेटे विरासत घाटायु होना। चोयाकी इनी सुरुवात टेका दियागा योजना डा। डीचनी हेजा योजना एठा इच्छा गा रोंगो का डाके।

इफिसियों 1:18

इंज इनी भी प्रार्थना दडावा मेना कि सच्चाई के समझातिंजू गा घल्जी डीच आपेगा मदत डाकी, ताकी आपे चिनाया होनाकी आपेगा हाकोऊ गा आसा चोच होय, एठा परमेश्वर गा कुरकू गा घल्जी दियागा वादा डाके मिनी आशीर्वाद नौर चोटो महान एठा महिमा टे भेट्टिके होय।

इफिसियों 2:18

चोयाकी मसीह द्वारा आले सेबाईकु भी म्याका पवित्र आत्मा गा द्वारा बाटे गा मेरान आदिरुवा होय।

इफिसियों 3:6

डी भेदो इनी होय कि मसीह यीशु गा अच्छा खाबोर गा द्वारा यहूदिकु गा सेंग्गोन अलग्गो जाटोकु म्याका विरासत का हकदार होय, म्याका कोम्बोर गा अंगो होय एठा डी सेबाई चीजोनौर गेन दिकुगा हिस्सा होय, डीके जिऊ गा वादा परमेश्वर नी यहूदी कुरकू टे डाके डा।

इफिसियों 4:6

म्याका परमेश्वर होय, डीच सेबाईकु प्रभु होय, डीच सेबाईकु लिंजेन राज्य दडावा होय, डीच आले सेबाईकु गा द्वारा कामय दडावा होय, एठा डीच आलेगा तालान थंदळवा होय।

इफिसियों 5:11

एठा अंधकार गा पापो कामय के दडा गेन दिकुगा साथो बाकी जिऊ। येनेगा बाजाय, कुरकू के घाले कि इनी कामय बुरा होय।

इफिसियों 5:20

आलेगा प्रभु यीशु मसीह गा जीमू लिंजेन हर टेमो, सेबाईका गा घल्जी, परमेश्वर बाटे गा धन्यवाद जे चाले।

इफिसियों 5:4

एठा न बेसेरोम, न बेदिमाग गा बातो डाए, एठा न मजाक डाए चाले, कि इनी बातो सोबा बान जिऊ, पेनो आपे परमेश्वर के धन्यवाद जे चाले।

इफिसियों 5:8

आपे खुद अंधरा गेन थंदळ डा, लेकिन जब टे आपे प्रभु गा कुरकू आरुके होय,, आपे उजाला गेन होय। इनिघल्जी आपेके येनेगो कुरकू गा खिजा थंदळ होना जो उजाला टे संबधित होय।

ಕೊಲೊಸ್ಸೆ 2:2

इंज इनी दडावा मेना, ताकी दिकुन आरी घाटायु एठा प्यार टे इकु-इकून जुळतिंज थंदळे, एठा दिकु ज्ञान गा सेबाई डामा हसिलजा होना एठा दिकुके परमेश्वर बाटे गा उखु योजना गा बारेन पूरा समझो होना, जो खुद मसीह होय।

ಕೊಲೊಸ್ಸೆ 3:15

मसीह गा शांती आपेगा मनेन राजो डाए, चोयाकी आपे सेबाईकु म्याका कोम्बोर गा अंगो होय, इनिघल्जी आपेन इनिज-दियागा सेंग्गोन शांती टे थंदळ घल्जी हाकोकेमी होय, एठा धन्यवाद डाए लक्कू।

ಕೊಲೊಸ್ಸೆ 3:17

जो चोच्काभी आपे मंडे या डाए, सेबाईका प्रभु यीशु गा जीमू टे डाए, एठा दियागा द्वारा परमेश्वर बाटे गा धन्यवाद डाए।

तीतुस 2:14

जो मसीह यीशु नी हेज खुदके आलेगा जीके मेना। कि देटे डीच आलेके सेबाई रेंग्गो गा बुरा कामय टे बचातिंजकोम्बा एठा आलेके चोखरा प्रजा आरुकोम्बा, जो चोखरा डाऊवा, जो दियागा खुद गा डाऊवा एठा अच्छा कामय दडा गा घल्जी तैयार थंदळवा।

ಇಬ್ರಿಯ 12:23

आपे परमेश्वर गा सेबाई टे पेला जनम घाटाएन मिनी कोंकूटे होय, जो सभा गेन हेन होय। दिकुगा जीमू स्वर्ग गेन ओल्के मेना होय, एठा आपे खुद परमेश्वर गा मेरान हेन होय। जो सेबाई चीजोनौर लिंजेन फैसला दडामिठाच होय। स्वर्ग गेन डी धर्मी कुरकू गा आत्मानौर होय, डीके नका पूरा तरीका टे परिपक्व ठहरातिंज्केकु होय।

ಇಬ್ರಿಯ 3:1

इनिघल्जी हे विश्वासी डाईचो परमेश्वर नी आपेके स्वर्ग गेन हेजा गा सेंग्गोन बेल्लाऊ घल्जी हाकोलेमी होय। इनिघल्जी मसीह यीशु लिंजेन ध्यान जे, जो आलेगा घल्जी परमेश्वर गा अच्छा खाबोर गा संदेशो जिऊमिठाच एठा खाटयाजक होय।

ಇಬ್ರಿಯ 3:14

चोयाकी अगर आले आपना पेला विश्वास के आखरी टाएन सजाका आरुका डोएबा होय, मेटे आले मसीह गा बेल्लाऊ आरुका थंदळवा होय।

ಯಾಕೊಬ್ 3:9

लांज टे आले प्रभु एठा परमेश्वर बाटे गा स्तुति दडावा होय, एठा जो परमेश्वर गा रुपो गेन आरुके होय डीच कुरकू के सरापो भी जिऊवा होय।

1 पतरस 5:1

अदा येनोगो बातो होय, जो इंज डेगा जुनाकु टे मंडी चाहतावा मेना, चोयाकी इंजभी आपेगा खिजा म्या जुना सनाकु होय। इंज्नी खुद डी कासुके डोके होय, जो घोनेच टेमो पेला मसीह नी सेहेनके। जब डीच डाबोलटे हेजेवा, मेटे इंजभी दियागा महिमा गेन बेल्लाऊवा।

1 ಯೊಹಾನ್ 1:3

जो चोच्काभी आलेनी दियागा डोके एठा आजुम्के होय दियागा अच्छा खाबोर आपेके भी घालेवा होय। इनिघल्जी कि आपे भी आलेगा सेंग्गोन डी बेल्लाऊ गेन बेल्लायु होना जो बाटे परमेश्वर गा सेंग्गोन एठा दियागा कोंटे यीशु मसीह गा सेंग्गोन होय।

ದರ್ಶಾನ್ 21:23

शहर के सूर्य यानेकी चंद्र गा उजाला गा जरुरत बाऊ होय, चोयाकी परमेश्वर गा महिमा दियागा उजाला एठा मेंडा कोंटे दिकुगा उजाला होय।

ದರ್ಶಾನ್ 22:14

धन्य होय दिकु, जो हेजा गा स्वभाव रुपो कपळे आबुंजबा होय, दिकु हमेशा गा जीवन गा अधिकारी आरुवा एठा फाटाको टे सेने टे पूरा गेन मुवा।

ದರ್ಶಾನ್ 22:5

देटे, डाबोलटे चोलाका राटोऊ बाने। दिकुके दिवा या सूर्य गा उजाला गा जरुरत बान बोचो, चोयाकी प्रभु परमेश्वर दिकुके आलोकित डाएवा एठा दिकु जमाना-जमाना टाएन राजो दडावा।