ಕೊಲೊಸ್ಸೆ 1:10 - गवली उनाई नियम

¹⁰ ताकी आपे प्रभु इच्छा रोंगो जीवन बिबातातिंज गा लायको आरोए एठा हमेशा जो दियेन अच्छा लगातिंजुवा होय डीका डाए, एठा आपे हमेशा हरेक प्रकार गा अच्छा कामय डाए ताकी आपे परमेश्वर के येठाभी जादा बेहतर तरीका टे चिनाएच होना।

ದೆವಾಚಿ ಖರಿ ಕಬರ್ ನವಾ ಕರಾರ್

¹⁰ ಪ್ರಭುಲಾ ಆವ್ಡಸಾರ ತುಮಿ ಚಾ಼ಂಗ್ಲಾ ಜೀವ್ನಾ ಕರಾಯಾ ವ್ಹಯಿಸಾ ಮನ್ಹುನ್, ಸಗ್‍ಳ್ಯಾ ಚಾ಼ಂಗಲ್ಯಾ ಕಾಮಾತ್ನಿ ಪ್ಯಾಯ್ದಾ ದಿಯಿತ್ ದೇವಾಚಾ ಗಿನ್ಯಾನಾನಿ ಬರುನ್ ರಾಯ್ಹಾವ್ಹಯಿ ಮನ್ಹುನ್,

ಕೊಲೊಸ್ಸೆ 1:10 ပူးပေါင်းရင်းမြစ်များ

ಯೊಹಾನ್ 15:16

आपेनी इंज्के बान कलामडुका पेनो इंज्नी आपेके कलाम्केमी होय एठा ठहरातिंज्केमी होय ताकी आपे सेने डो फल सेगे। एठा आपेगा फल पक्का थंदळकु, चोयाकी आपे इंजा चेलाकू होय, आपे बाटे टे जो चोचकाभी आसेवा देटेन आपेके जेबा।

ಯೊಹಾನ್ 15:8

इंजा बाटे गा महिमा येनेटे डाऊवा होय कि आपे घोनेच जाऊगे मेटे का आपे इंजा चेलाकू ठहरातिंजूबा।

ಯೊಹಾನ್ 17:3

हमेशा गा जीवन इनी होय, कि कुरकू आमके चिनाकोम मतलब बस म्याका सच्चो परमेश्वर के एठा यीशु मसीह के, एठा इंज्के डीचके आमनी कुल्केनेच होय।

रोमियो 1:13

हे विश्वासी डाईचो, इंज चाहतावा मेना कि आपे चिनाया कि इंज्नी बार-बार आपेगा मेरान हेजे चाहताके, चोयाकी जैसा इंज्नी अलग्गो जाटोकु गा तालान मसीह गा घल्जी चेलाकू आरुकेकु, डीका रोंगो टे आपे तालान भी मसीह गा चेलाकू आरुकु, पेनो आए टाएन रुकातिंज्केका।

रोमियो 4:12

एठा आलेगा जुना सना अब्राहम खतना दडा मिंकुगा बाटे होय, एठा दिकुगा अलावा विश्वास दडामिंकू गा भी बाटे होय, जो डीका विश्वास मिनी जीवन बिबातातिंज्बा होय जैसा आलेगा जुना सना अब्राहम नी खतना डाऊटे पेला बितातिंज्बे डा।

रोमियो 6:4

इनिघल्जी जब आलेनी बपतिस्मा सावे मेटे आले मसीह गा सेंग्गोन गोएन एठा दियागा सेंग्गोन गळातिंजे। ताकी जैसा मसीह परमेश्वर बाटे गा महिमा गा द्वारा गोएन मिठाच जाटे जीटाएन, डेनोगोका आलेभी जीवन के उनाई तरीका टे बितातिंजेवा।

2 ಕೊರಿಂಥ 2:14

पेनो परमेश्वर गा धन्यवाद डायु, जो मसीह गेन हमेशा आलेके जीटाऊ गा उत्सव गेन साटे इखाटबा होय। एठा डीच मसीह के चिचाना गा सुकींज आलेगा द्वारा हर जगान फैलातिंजू लक्के होय।

2 ಕೊರಿಂಥ 4:6

इनिघल्जी कि परमेश्वर नी मंडीके, “अंधरा तालाटे उजाला चमकातिंजू,” एठा परमेश्वर नी उजाला गा खिजा आलेगा दिलनौर गेन समझो जिले, ताकी आले परमेश्वर गा महिमा के डोगे साकतावा, जो यीशु मसीह गा द्वारा ओटबा होय।

2 ಕೊರಿಂಥ 5:9

इनिघल्जी आले चाहे दियागा सेंग्गोन स्वर्ग गेन होय, चाहे आले पृथ्वी लिंजेन होय, आलेगा म्याका इच्छा इनी होय, कि आले प्रभु के अच्छा लगातिंजे।

2 ಕೊರಿಂಥ 9:8

परमेश्वर आपे कुरकू के जरुरतनौर टे भी जादा आशीर्वाद जे सकतावा होय, देटे हर बातो गेन एठा हर टेमो गेन, सेबाई चोच्का, जो आपेन जरुरी होय, आपेगा मेरान थंदळे, ताकी हर म्या भला कामय गा घल्जी आपेगा मेरान घोनेच चोच्का होना।

इफिसियों 1:17

इंज परमेश्वर टे प्रार्थना दडावा मेना, कि परमेश्वर जो आलेगा प्रभु यीशु मसीह गा महिमा टे भेट्टिके बाटे होय। डीच आपेके आत्मिक ज्ञान एठा समझो जे, ताकी आपे दिकुके पूरा तरीका टे हाडाईयु होना।

इफिसियों 2:10

चोयाकी परमेश्वर नी यीशु मसीह गा द्वारा आलेगा आरुकेमी होय, देटे आले डी अच्छा कामयनौर के डाए लक्कू, डीके दडा गा घल्जी परमेश्वर नी आलेके पेला टे तैयारकेमी होय।

इफिसियों 4:1

इनिघल्जी इंज जो प्रभु यीशु गा सेवा दडा गा वोजीटे कैदी मेना, आपेटे बिनती दडावा मेना, कि जो हाको गा घल्जी परमेश्वर नी आपेके हाकोलेमी होय, डेगा रोंगो आपना जीवन बितातिंजे।

इफिसियों 4:13

इनी मेटे टाएन डाऊ चालेवा जब टाएन कि आले सेबाई विश्वास दडा गा द्वारा म्या बान आरु टाएन। मेटे परमेश्वर गा कोण गा सेंग्गोन रिश्ता डाऊ गा वाजाटे पक्का विश्वासी आरुवा एठा पूरा रितो टे मसीह यीशु गा रेंगो आरुयु जो बिलकुल पक्का होय।

इफिसियों 5:10

डीके इथू गा कोशिश डाए, जो प्रभु के खुशोएच्बा होय।

इफिसियों 5:15

इनिघल्जी ध्यान गा सेंग्गोन डोगे चाले कि आपे टोनोगो जीवन बिबातातिंज लक्के होय। बेदिमागकु गा रोंगो बाने पेनो दिमागदारकु गा रोंगो बितातिंजे।

इफिसियों 5:2

मसीह गा उदाहरण गा डेगाका खिजा दडा लठ्ठाका, दूसराकु गा घल्जी प्यार टे भेट्टी जीवन बितातिंजे, जो आपेटे प्यार दडावा होय एठा आपेके पापो के लेंक्कीन गा घल्जी खुदके बलिदान कीवा होय। एठा परमेश्वर खुशो डा, चोयाकी डी बलिदान दिकुगा घल्जी सिंबिल सुनूम गा खिजा डा।

ಪಿಲಿಪ್ಪಿ 1:11

आपेगा जीवन धार्मिकता गा अच्छा गुणनौर टे एठा स्वाभवनौर टे भेट्टीयु, जो बस यीशु मसीह का आपेगा तलान ओटडेवा होय, दियागा द्वारा परमेश्वर गा महिमा एठा स्तुति डाऊवा लक्कू।

ಪಿಲಿಪ್ಪಿ 1:27

बस येटोका डाए कि आपेगा चाल-चालन मसीह गा अच्छा खाबोर गा लायको होय। चाहे इंज हेजेवा डो आपेके डोकोम, चाहे बाकी भी दोडो। मेटे भी आपेगा बारेन इनिका आजुमे, कि आपे म्याका मकसद टे एठा म्या मन आरुटे अच्छा खाबोर गा विश्वास गा घल्जी मेहनात दडावाका होय।

ಪಿಲಿಪ್ಪಿ 4:18

जो चोच्काभी आपेनी इंज्के जिले डी सेबाईका इंजा मेरान होय, पेनो घोनेच टे भी जादा होय। जो चीजोनौर आपेनी इपफ्रुदीतुस गा टी टे कुल्ले डा, डीके घाटाटे इंज भेट्टेनका मेना। डी मेटे परमेश्वर गा सम्मान सुकीटे सुकींज, मनेन नेज लायको बलिदान गा रोंगो होय, जो दियेन अच्छा लगातिंजुवा होय।

ಕೊಲೊಸ್ಸೆ 2:19

डीचनी कोम्बोर गा आए टेमो खाबोर के मनेन दडा एठा इथू बंदोके, जो मसीह गा मेन खाबोर डा, जो खिजा म्या कापर कोम्बोरके सुचना दडावा होय, डीका रोंगो मसीह हेजा गा सेबाई कुरकू के सुचना दडावा होय ताकी दिकु म्यामुठ्ठी थंदळे एठा जुळतिंज थंदळे एठा बळातिंजू चाले, जैसा कि परमेश्वर चाहतावा होय दिकु विकसित डायु।

ಕೊಲೊಸ್ಸೆ 2:6

इनिघल्जी, जैसा आपेनी मसीह यीशु के प्रभु मेंटो मनेन केनेच होय, डेनोगोका डीका के डेका रोंगो डाए लठ्ठाका आपना जीवन बितातिंजे।

ಕೊಲೊಸ್ಸೆ 3:20

हे चाफ्निकु, मसीही आरु गा नाते हमेशा आपना आंटे-बाटे गा हुकूम गा पालन डाए, चोयाकी येनेटे परमेश्वर खुशोऊवा होय।

ಕೊಲೊಸ್ಸೆ 4:5

साही मौका गा इस्तमाल डाटे अविश्वासीकु गा सेंग्गोन दिमागदरी गा सेंग्गोन व्यवहार डाए।

1 ತೆಸಲೊನಿಕ್ 4:1

इनिघल्जी हे विश्वासी डाईचो, आपेनी आलेटे इथूके होय कि तुनिरोंगो परमेश्वर के कुखोशो होना एठा टोनोगो व्यवहार दडा होना एठा डीका खिजाटे आपे जीवन बिबातातिंज भी लक्के होय। एठा नका आले प्रभु यीशु गा जीमू टे बिनती दडावा होय, कि इनी विषय गेन आपे सेबाई येठाभी बळातिंजू लक्कू।

2 ತಿಮೊತಿ 2:4

म्या योद्धा जो सेना गेन हेजा सेवा जे लक्के होय, डीच तुनिकाभी रोंगो गा दुनियादरी कामयनौर गेन बान पसाऊ, चोयाकी डीच हेजा अधिकारी के खुशो दडा गा कोशिश दडावा होय।

तीतुस 3:1

आपना विश्वासी कुरकू के यादो जे, कि दिकु इकुगा हाकिमकु एठा अधिकारीकु गा इटान थंदळकु, एठा दिकुगा हुकूम गा पालन डाए एठा दूसराकु गा घल्जी अच्छा कामय दडा गा घल्जी तैयार थंदळे।

तीतुस 3:14

आलेगा कुरकू भी जारुरातनौर के पुपारा गा घल्जी अच्छा कामयनौर गेन चालु थंदळ इठोए। इनी रोंगो दिकु खुद गा जरुरत गा घल्जी दूसराकु लिंजेन निर्भर बाकी थंदळ, एठा दिकु म्या मकसद गा सेंग्गो जीवन बितातिंजे।

ಇಬ್ರಿಯ 11:5

विश्वास गा वोजीटे हनोक जीमू गा म्या कोरो स्वर्ग गेन जीटाका टूलजेनेच, ताकी डीचके गुजू गा अनुभव बाकी डाऊ। इनी खिजा डीच डाबोलटे बान दोडुका। चोयाकी परमेश्वर नी डीचके टूलजेनेच डा। पवित्र ग्रंथ दियागा बारेन मंडीवा होय कि तुटूल गा पेला “डीचनी परमेश्वर के कुशोकेनेच डा।”

ಇಬ್ರಿಯ 13:16

आपे कुरकू इनिज-दियागा गा मदत दडा चोलाकाभी बाकी भुलाऊ चोयाकी इनी रोंगो गा बलिदाननौर टे परमेश्वर खुशोऊवा होय।

2 पतरस 1:8

अगर आपे घोनेच टे घोनेच इनी खिजाटे जीवन बिबतातिंजवा होय, मेटे आपे आलेगा प्रभु यीशु मसीह के चिनायेचवा, जो आपेके इस्तमाल एठा फलदायक आरुकोम्बा।

2 पतरस 3:18

बनकी इनी खिजाटे जीवन बितातिंजे, कि आपे आलेगा उध्दार दडामिठाच यीशु मसीह गा प्रति एठा जादाटे जादा कृपा गेल्ला रुपोटे कामय डाए एठा इनी कि आपे डीचके एठा जादा अच्छा तरीका टे चिनाया होना। दियागा का महिमा नका एठा हमेशा डाऊ चाले। आमीन।

1 ಯೊಹಾನ್ 3:22

जो चोच्काभी आले परमेश्वर टे आसिवा होय, डीच आलेके जेबा होय। चोयाकी आले दियागा हुकूमनौर के मनातिंजेवा होय, एठा डीका कामय दडावा होय देटे परमेश्वर खुशोऊवा होय।

1 ಯೊಹಾನ್ 5:20

एठा इनी भी हाडाई होय, कि परमेश्वर गा कोण यीशु मसीह हेन होय, एठा डीचनी आलेके समाझो जिले होय, कि आले सच्चो परमेश्वर के चिनाएच, आले सच्चो परमेश्वर गेन थंदळवा होय, चोयाकी आले दियागा कोणटे यीशु मसीह गेन थंदळवा होय। इनिज्का सच्चो परमेश्वर एठा हमेशा गा जीवन होय।

3 ಯೊಹಾನ್ 1:6

दिकुनी येटेन मसीह गा मंडली गा सम्मान अमागा अच्छा व्यवहार गा बारेन गवाही जीके डा। इनिघल्जी कृपा डाटे दिकुगा यात्रा गा घल्जी येनोगो सोए डाए देटे परमेश्वर खुशोके होय।