Yuda 1:4 - I CILAGANE CIPYA 1991

⁴ Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Luganuzi Luswanu Kuli Wanhu Wose 2002

⁴ Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu, no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga ku wulawa katali zo wuling'anizwe wono wuwalindiye i wanhu wawo.

Yuda 1:4 ပူးပေါင်းရင်းမြစ်များ

Matayo 13:25

Ninga lono wanhu wali wagona, u mulugu wakwe yakawa kuza, yakawa kugahadika mabalwe muciligati yo wuhemba, yakawa kubita.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Metumo ge Watumwa 11:23

Nayo yaza fika kuko, no kuwona vyono Mulungu yawamosizye wanhu, yakasecelela, yakawanena wose wajendelele kuwa wehuwilwa muli Muwaha.

Metumo ge Watumwa 15:24

Cihulika vyono wanji wayetu wono walawa kukuno kono kwetu, wakumutimvyenyi no kumukalazenyi ne zinghani zawo, na vyono wakumutajilenyi mahwele mu zinhumbula zenyu. Ninga mumanye vyono, wetuma zizo, na akuno si wakomboywe na sese.

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Wagalatiya 5:13

Hambi anye mo wandugu zangu nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

1 Timoteyo 5:8

Ninga munhu mono si kalulaga wanhu we mhuga yakwe, ko muno wawalya wa mu kaya yakwe, ale, umunhu yuyo yakondya kuwukana wihuwilo, kanyhi mubi kuciza no munhu yuyo mono siyehuwiye.

2 Timoteyo 2:12

Na hono cijendelele no wukangalile, ale, colotemana nayo nha vivyo. Ninga hono cimukane, ale, kolocikana nayo nha vivyo

2 Timoteyo 3:6

Na wanji muli wene, wo wabitaga mu zinyumba ze wanhu, no kuwateka wacekulu wasocele, wono wavunice ne mitegulo yo wubi, na wono wakutongwa no wusulumizi we mawala gose,

1 Petelo 2:16

Mwikalaje nhe wanhu welecele, ninga mulece kuwitumamila u welecele wenyu wuwe nha cigubicizo co wubi, langa i mikalile yenyu yeze nhe wetumami wo Mulungu.

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, italawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa kuwulawa mwamulizo.

1 Petelo 4:18

Nha vyono i Mandiko Gono Gelile gakutya, “Hono vikamu kuli wanhu we lingʼani kuponywa, yolowa wule lu, kuli wanhu wono siwamogopago Mulungu ne Wanyo wubi?”

2 Petelo 2:10

Na ko muno wa walya wono watyatyaga imasulumizi mabi go muwili na wono wakubedegala no kulema kutemwa no Mulungu. Iwanhu we liwala lilyo wasina cihuliko kanyhi wedunhumuzi, hambi nha watovulaga, kanyhi wasina cogopo kuli viwumbwa vyono vyelile vya kucanyha.

2 Petelo 2:7

Yakamuponya Loti, munhu muswanu ne mikalile mibi ye wanhu wawo wafyuzi.

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololingʼanizwa no kongomezwa.

1 Yohana 2:22

Alu u mulambi yo nani? Yo yuyo mono si yakuvumila vyono Yesu yo Kilisito. No munhu we nha vivyo, yo mulugu wa Kilisito, si yakuwavumila wose, u Sogo yo munhu no Mwana.

Yuda 1:15

ho yalavye u wulingʼanizwe kuli wanhu wose, kuwalingʼaniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”

Yuda 1:18

Wamulonjelenyi wakatya, “Mu vilo vya ku ndumo vilakuza, wolokuza wanhu wono wolowa kumuzwajizenyi, wanhu wono wakutyatya masulumizi gawo mabi.”

Wugubule 15:4

Go Muwaha, alo naniʼmbi mono si yakogopile gwegwe? Hamba naniʼmbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali lingʼani kanyhi gejeye ne wanhu wose.”