Yuda 1:20 - I CILAGANE CIPYA 1991

²⁰ Ninga anye mo wendece, mujendelele kwiyizenga mu wukwilanicile mu wihuwilo wenyu wono welile. Mweze kulombela mu vilungo vyo Muhe Mono Yelile.

Luganuzi Luswanu Kuli Wanhu Wose 2002

²⁰ Ninga anye mo wendece, mujendelele kwiyizenga mu wukwilanicile mu wihuwilo wenyu wono welile. Mweze kulombela mu vilungo vyo Muhe Mono Yelile.

Yuda 1:20 ပူးပေါင်းရင်းမြစ်များ

Metumo ge Watumwa 15:9

Hamba si yanoza wisimajile wa ase na wene, ninga yaweza zinhumbula zawo ko wihuwilo.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 6:7

Inghani yo Mulungu yikacila kutandala, ne liwalo lya wono wehuwila kuko ku Yelusalemi, likacila konjelezeka, ne mhuga mbaha ye Wakohani, wakawubocela u wihuwilo.

Metumo ge Watumwa 9:31

Nhondo ilikanisa lya mu Yudiya, na mu Galilaya, na mu Samaliya mose, likatuga mulamu mwidaha lilyo. Likasinyhimikwa no kuwilucila mu cogopo co Muwaha, likonjelezeka no kusindamikwa no Muhe Mono Yelile.

Walumi 15:2

Yicinojeye ase wose, cimwendeze munhu na muyagwe mu wuswanu, ho nayo yasume kwima mu wihuwilo.

Walumi 8:15

Hambi u Muhe mono mwamubocela, nha si Muhe mono komunozenyi muwe wawanda kanyhi, no kumuwicenyi mu woga, ninga mwamubocela u Muhe mono yakumunozenyi anye, ho muwe wana wo Mulungu, na mu vilungo vyo Muhe yuyo, nase cosuma kumucema u Mulungu, “Aba” wo wutya, “Baba.”

1 Wakolinto 1:8

U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

1 Wakolinto 10:23

Kuliʼne ivinhu vyose visina mwiko, ninga hamba nha vivyo, si vyose vyono vikwiliye. Vinhu vyose visina mwiko ninga si vyose vyono vizengaga.

1 Wakolinto 14:15

Alu ho noze nhawule lu? Ale, nolombela mu muhe wangu kanyhi nolombela na mu mahala gangu nokwimbila mu muhe wangu, na kanyhi nokwimbila sunga na mu mahala gangu nha vivyo.

1 Wakolinto 14:26

Nye wandugu zangu, alu cilonje ciwe kutya nhawule? Ninga kolo mwehanguliza hamonga, yunji yembe lwimbo, na yunji yejize, na yunji yaweze no wugubulilwe wono wukulawa kuli Mulungu, yunji nayo yetumamilaje cipegwa co kulonga mu milonjele mijenzi na yunji yalolose zono zikulongwa. Na zose zitumwe ku soko yo kulizenga likanisa.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Waefeso 4:12

Yanoza nhavivyo ho yawawikanize i wanhu wose wo Mulungu, ku soko yo mulimo wo kumwitumamila Kilisito ho muwili wa Kilisito wuzengwe.

Waefeso 4:16

na mu wutonji wakwe mo vikulunzizwa hamonga i vilunzwa vyose vyo muwili, no muwili wose wukwitumbila u wutazi we vilunzwa vyakwe. Holeka icilunzwa hono citume u mulimo waco nha vyono yinojeye, ale u muwili wose wukuwiluka no kwizenga weneco mu wendo.

Waefeso 4:29

Ne makani mabi galece kuhuikwa muli nyenye hamba hadodo, izinghani zenyu ziweze zono zina cambuzi nhondo zose, zono zikuwazenga no kuwataza wanji, ho ziwapele lihewa wono wakumuhulicizenyi.

Waefeso 6:18

Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

Wakolosayi 2:7

Kanyhi munojeye muhomele milela muli mwene no kwizenga muli mwene kanyhi musikame mu wihuwilo wenyu nha vyono mwejizwa. Muweze ne lilumbo iwaha.

1 Watesalonike 5:11

Holeka mwisindamikaje no kwitaza munhu na muyagwe nha vyono mukunoza lulu.

1 Timoteyo 1:4

Kanyhi wuwalonjelaje walecele lukulu zisimo zizilya zono zisina nhunizo yo yose hamba hadodo, hamonga ne zinghomo zinhali ze zindelwa ze wasetu, zono ziletaga wiwanganile wa bwete, hamba siziwazengaga wanhu mu wuhile wo Mulungu wono wumanyice mu nzila yo wihuwilo.

2 Timoteyo 1:5

Nane nghuwukumbucila wihuwilo wako we mbeka, no wihuwilo wono yali yena nawo mamayo Loyisi, hamonga no nyina yako Ewunike. Nane nitumbiye vyono na gwegwe vyo winha.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

Yakobo 2:22

Ale, wona ta, vyono wihuwilo wakwe wetumana ne metumo gakwe, u wihuwilo wakwe wukakwilanicizwa mu metumo gakwe.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

1 Yohana 5:4

Hambi muli wose mono yawa mwana wo Mulungu nha kosuma kuyisuma i yinze. Mumo mo cikuyisumila i yinze, u wihuwilo wetu.

Yuda 1:3

Anye wandugu zangu wendece, lono nghali nili mu wupiligazi wo kumwandicilenyi muli zo wukombozi awulya wono cihanjile wose hamonga, mbona vyono yinojeye nimwandicilenyi, kanyhi nimuswaswanizenyi ho mujendelele no wihomi ku soko yo wihuwilo wono Mulungu yawapelela lukulu i wanhu wakwe lwa kamonga du.

Wugubule 13:10

Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa, ko mumaje du. Holeka yiwanojeye i wanhu wo Mulungu wawe no wukangalile wuwaha hamonga no wuhuwilo.”