Yohana 9:39 - I CILAGANE CIPYA 1991

³⁹ Yesu yakatya, “Ane naza akuno kononze ho ndavye wulingʼanize, wono si wakuwona, watuje kuwona, na wono wakuwona, wabofule.”

Luganuzi Luswanu Kuli Wanhu Wose 2002

³⁹ Yesu yakatya, “Ane naza akuno kononze ho ndavye wuling'anize, wono si wakuwona, watuje kuwona, na wono wakuwona, wabofule.”

Yohana 9:39 ပူးပေါင်းရင်းမြစ်များ

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 6:23

Ninga imeso gako hono gawe mabi, ale no muwili wako wose wowa wuli mu wutitu. Holeka uwuzelu wono wuli muli gwegwe hono wuwe wutitu, uwutitu wuwo, wowa wa kogofya muno muno.

Luka 1:79

kuwamulicila wono wekaye mu citi ce lifwa. No kuyitonga migulu yetu mu nzila yo mulamu.”

Luka 13:30

Na lanjenyi ta, kowali wa munyuma wono wolowa walongozi, na kowali walongozi wono wolowa wa munyuma.

Luka 2:34

Simiyoni yakawalugutiza, yakamulonjela nyina Malyamu, “Muli mwana yuyu wenji wa mu Waisilayeli wokwajilila na wenji wopona.

Luka 4:18

“U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Luka 7:21

Mu cipango cico, Yesu yakawaponya wenji mu zinhamwa no wugazwe ne macisi, ne wabofu wenji yakawapela wuwone.

Yohana 12:31

Alu co cipango co kulingʼanizwa iyinze yiyi, alu muwaha we yinze yiyi kotagwa kunze.

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 3:17

Hambi u Mulungu, nha si yamutuma Mwanagwe kononze, ho yayilingʼanize iyinze, langa ho yayikomboze.”

Yohana 3:19

Ne ningʼaniza yeneco nha yoyi, uwuzelu waza kononze, ninga wanhu wakenda wutitu si nho wuzelu, vyono metumo gawo mabi.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 8:15

Anye mukuwa kutyatya mahweso ge cimunhumunhu mu ningʼaniza zenyu, ninga ane si nghuwa kumulingʼaniza munhu.

Yohana 9:25

Nayo yakawapitula yakatya, “Hono yena wubi, ane si manyile. Langa ane manyile nghani monga du, vyono, nali nili cibofu, ninga alu nghuwona.”

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

2 Wakolinto 2:16

Kuliʼwalya wono wakwajilila, i mhunjile yiyo yikuwa nha munungho mubi kuli wene, yikuleta ʼfwa, ninga kuliʼwalya wono wakuponywa, i mhunjile yiyo, yikuwa mhunjile swanu kuli wene yono yikuleta wumi. Alu nani mbi mono kosuma kuwituma u mulimo we liwala lilyo?

Waefeso 5:14

Na co cose cono cikwanzalikwa cikuwa wuzelu. Na co cikuleka i Mandiko gakutya “Wusinhuce agwe mono wugonile: Kanyhi wuzuce muli wafu Nayo Kilisito kokubulilila.”

2 Watesalonike 2:10

nayo kokwitumamila u wulambi we mawala gose kuli awalya wono wali mu wajilile. Wawo nawo wolokwajilila ku soko vyono si wawubocela hamba si wayenda yiyilya i mbeka ho wapone.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Yohana 2:11

Ninga mono yamusulile u nduguye, yuyo yakali mu wutitu, kanyhi yakujendela mu wutitu, hamba siyamanyile na kono yakubita, hambi u wutitu nha wumubofuze i meso.