Yohana 9:35 - I CILAGANE CIPYA 1991

³⁵ Yesu yaza kuhulika zizo zono zijeye yakamwagana u munhu yuyo, yakamutya, “Alu agwe, umwihuwiye u Mwana wo Munhu?”

Luganuzi Luswanu Kuli Wanhu Wose 2002

³⁵ Yesu yaza kuhulika zizo zono zijeye, yakamwagana u munhu yuyo, yakamutya, “Alu agwe, wumwihuwiye u Mwana wo Munhu?”

Yohana 9:35 ပူးပေါင်းရင်းမြစ်များ

Matayo 14:33

Na wose wono wali wali mu ngalawa, wakamuhemba, wakatya, “Mbeka agwe yo gwegwe go Mwana wo Mulungu.”

Matayo 16:16

Simoni Petelo yakapitula yakatya, “Agwe yo gwegwe Kilisito u Mwana wo Mulungu mumi.”

Matayo 4:3

Hobaho Setani yakawa kumuziza, yakamutya, “Hono yo gwegwe Mwana wo Mulungu, ale wugalonjelaje i mabwe gaga gawe mikate.”

Maluko 1:1

Alu lo Luganuzi Luswanu lwa Yesu Kilisito u mwana wo Mulungu.

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Yohana 1:34

Nane nghondya kuwona, nane nghumulonjelenyi vyono yuyu yo Mwana wo Mulungu.”

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’

Yohana 11:27

Malita yakamutya, “Heya Muwaha! Ane nihuwiye vyono yo gwegwe Kilisito, u Mwana wo Mulungu u muza kononze.”

Yohana 20:28

Tomaso yakapitula yakamutya, “Muwaha wangu no Mulungu wangu!”

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo ho mutuje wumi muli mwene.

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Yohana 5:14

Hanyuma Yesu yakamwagana mu Nyumba yo Mulungu yuyo mono yaponywa, yakamutya, “Ulanje, alu wapona, ale wulece kwituma wubi kanyhi, ho yize yilece kukwagana i yimbi yono yicizize.”

Yohana 6:69

Nase cihuwiye, kanyhi cimanyile, vyono yo gwegwe Mono Welile wo Mulungu.”

Yohana 9:22

Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhangʼanilo yo wuhembelo.

Yohana 9:34

Nawo wakamupitula wakumutya, “Waco gwe, nha walelelwa mu wubi wose, alu ho kosuma nhawule kucijeza ase?” Hodu wakawa kumuwinjila kunze ye nhangʼanilo yo Wuhembelo.

Metumo ge Watumwa 8:36

Na lono wali wakali wajendeleye no muhinzo, wakafika hanhu hono hogali malenga, na yuyo munhu yakatya, “Langa ta, aga malenga, wule ho cili cono cikunyimila ho ndece kubaputizwa?” [

Metumo ge Watumwa 8:37

Filipo yakatya, “Hono wuwe wihuwiye kwe nhumbula yako yose, kosuma kubaputizwa.” Nayo yakapitula yakatya, “Heya nihuwiye vyono Yesu Kilisito yo Mwana wo Mulungu.”]

Metumo ge Watumwa 9:20

Lo lulo lulo Sawulo yakamula kulonga mu matangʼanilo gawo go wuhembelo, vyono Yesu yo Mwana wo Mulungu.

Walumi 1:4

na kusoko yo wele wakwe wo Wulungu, yahomelelwa kwe vilungo viwaha vyono, u mwene yo Mwana wo Mulungu, ku so wuzuce wa muli wafu.

Walumi 10:20

Kanyhi Isaya yakulonga yasina woga, yakutya, “Wono si wanondolaga, wakondya kumbona, Nane nghelajila kuli wono si wakuwa kumbuza.”

1 Yohana 4:15

Munhu wo wose mono yakuvumila vyono Yesu yo Mwana wo Mulungu, u Mulungu yakwikala muli munhu yuyo, nayo yakwikala muli Mulungu.

1 Yohana 5:10

Mono yakumwihuwila u Mwana wo Mulungu, u wuhomelezi wuwo muli mwene yena nawo, ninga mono siyamwihuwiye Mulungu, yakumunoza u Mulungu mulambi vyono siyehuwiye u wuhomelezi wono u Mulungu yawulavya muli Mwanagwe.

1 Yohana 5:13

Nghumwandicilenyi ho mumanye vyono mwina wumi we cibitilila, anye mono mwihuwiye mwitagwa lyo Mwana wo Mulungu,

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

1 Yohana 5:5

Alu nani ʼmbi mono kosuma kuyisuma i yinze? Yo yuyo mono yehuwiye vyono Yesu yo Mwana wo Mulungu.

3 Yohana 1:10

Holeka nane kolo nghuza, nozilajila zose zono yakwituma, sunga ne zinghani i zimbi zono yakucilonga, hamonga no wulambi wono yakuwulonga. Kanyhi hamba si nha vivyo du, ninga u mwene kanyhi si yakuwa kusaka hamba kuwacemela kwakwe wawo i wandugu wono wali mu muhinzo, kanyhi yakuwa kuwalemeza sunga na wanji wono wakusaka kuwacemela, kanyhi yakujela kuwawinjila kunze ye likanisa.