Yohana 9:22 - I CILAGANE CIPYA 1991

²² Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhangʼanilo yo wuhembelo.

Luganuzi Luswanu Kuli Wanhu Wose 2002

²² Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhang'anilo yo wuhembelo.

Yohana 9:22 ပူးပေါင်းရင်းမြစ်များ

Luka 6:22

“Muli wamoti nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Yohana 1:19

Awu wo wuhomelezi wa Yohana wono yawulonga, lono wawaha we Wayahudi wa ku Yelusalemi, wamutumila wakohani ne Walawi wamuwuze vyono mwene yo nani.

Yohana 16:2

Wanhu wolowa kumuwinjenyi mu matangʼanilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Yohana 19:38

Zaza kukondya zizi, Yusufu wa Alimataya, yuyo yakamulomba Pilato, yawusole u muwili wa Yesu. (Nayo Yusufu yali mwijizwa wa Yesu, ninga kwa cinyele hambi nha yawogopaga i walongola we Wayahudi.) Nayo Pilato yakalumba. Holeka Yusufu yakaza yakawusola u muwili wa Yesu.

Yohana 20:19

Mwizuwa lilyo lye jumapili cinyamihe, iwejizwa wali wehangulize hamonga mu nyumba mugati, ne milango yikawa midinde, kusoko vyono wawogopaga iwalongola we Wayahudi. Nayo Yesu yakaza, yakema haciligati yawo, yakawatya, “Mulamu wuweze muli nyenye.”

Yohana 7:13

Hamba nha vivyo, hasina munhu mono yejelela kumulonga ciwonelela so kuwogopa i walongola we Wayahudi.

Yohana 9:18

I walongola we Wayahudi si wehuwila vyono munhu yuyu yali yali cibofu kulawa wulelwe wakwe, nalu yakuwona, sunga wakawacema i walezi wakwe.

Yohana 9:21

Ninga vyono yatujile kuwona, magu, ase si cimanyile, hamba na mono yamunuguza meso gakwe, ase si cimumanyile. Holeka mumuwuzaje mweneco nha munhu mututu, mweneco kokwilonjela.”

Yohana 9:34

Nawo wakamupitula wakumutya, “Waco gwe, nha walelelwa mu wubi wose, alu ho kosuma nhawule kucijeza ase?” Hodu wakawa kumuwinjila kunze ye nhangʼanilo yo Wuhembelo.

Yohana 9:35

Yesu yaza kuhulika zizo zono zijeye yakamwagana u munhu yuyo, yakamutya, “Alu agwe, umwihuwiye u Mwana wo Munhu?”

Metumo ge Watumwa 4:18

Holeka wakawacema wenjile, wakawalonjela vyono walecele lukulu kuganula calinze, hamba kwijiza mwitagwa lya Yesu.

Metumo ge Watumwa 5:13

Ninga, hasina muli wanhu wono si wali wehuwiye mono yejelela kwilunza nawo. Langa sunga ne wanhu wono si wali wehuwiye, wakawakumya.

Metumo ge Watumwa 5:40

Nawo waza kuwacema watumwa, wakawakuna viboko, no kuwalonjela vyono, walecele lukulu kwijiza mwitagwa lya Yesu, hanyuma wakawa kuwaleka wabite.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lyeʼfwa lye kejete.”