Yohana 8:53 - I CILAGANE CIPYA 1991

⁵³ Alo agwe, ukwinoza wuli muwaha wumucizize u sogo yetu Abulahamu mono yafwa? Sunga ne wawizi nha wafwa. Alo u kwinoza nha wuli nani gwegwe?

Luganuzi Luswanu Kuli Wanhu Wose 2002

⁵³ Alo agwe, wukwinoza wuli muwaha wumucizize u sogo yetu Abulahamu mono yafwa? Sunga ne wawizi nha wafwa. Alo wukwinoza nha wuli nani gwegwe?

Yohana 8:53 ပူးပေါင်းရင်းမြစ်များ

Matayo 12:6

Holeka nghumulonjelenyi vyono, bahano hoyuli u muwaha muno, mono yayicizize sunga ne Nyumba yo Mulungu.

Matayo 3:9

Mulece kwihwesa mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

Yohana 10:33

Wayahudi wakamutya, “Ase si cikukutowa ne mabwe kusoko ye milimo miswanu, langa kusoko vyono wukumutovula u Mulungu! Kusoko agwe wukwinoza nha wuli Mulungu, na kumbe agwe ho wuli munhu du.”

Yohana 12:34

Holeka lipuga lye wanhu likamupitula, likatya, “Ase cahulika mu Wulajilize, vyono Kilisito kekalaga cibitilila. Alu agwe kosuma nhawule kutya, ati ‘U Mwana wo Munhu si koleka kwinulwa?’ Alu yuyo u Mwana wo Munhu yo nani.”

Yohana 19:7

Wayahudi wakamupitula wakatya, “Ase cina uwulajilize, na lono cikuwutyatya wulajilize wuwo, ayu yimunojeye yafwe. Ku soko vyono yenoza Mwana wo Mulungu.”

Yohana 4:12

Hamba alu agwe wukwinoza wuli muwaha si nho Sogo yetu Yakobo? Mwene Yakobo yacipela ase lisima lili, nayo yakangʼwa mweneco i malenga ge lisima lili, ne wanagwe, sunga ne zimitugo zakwe?”

Yohana 5:18

Ku soko ye zinghani zizo, iwalongola we Wayahudi wakacila muno kulondola nzila yo kumuwulaga Yesu, si so wuhodanje wo wulajilize we Sabato du, langa na so wulonje wono yateye Mulungu yo Sogwe, na kusoko yiyo yakwinoza sawa no Mulungu.

Yohana 8:58

Yesu yakawatya “Ane nghumulonjelenyi mbeka, vyono lono Abulahamu yali yakali si nalelwa, ane nali nili baho.”

Walumi 9:5

Wene wo wezukulu wa wakoko, nayo Kilisito ku lubavu lo wunhu wakwe, yalawilila mu mbeyu yawo. U Mulungu mono yatemile muli vyose, yalumbwe cibitilila, Heya.