Yohana 8:31 - I CILAGANE CIPYA 1991

³¹ Yesu yakawalonjela Wayahudi wawalya wono wamwihuwila, yakatya, “Hono mwibate i mejizo gangu, mbeka mowa wejizwa wangu.

Luganuzi Luswanu Kuli Wanhu Wose 2002

³¹ Yesu yakawalonjela Wayahudi wawalya wono wamwihuwila, yakatya, “Hono mwibate i mejizo gangu, mbeka mowa wejizwa wangu.

Yohana 8:31 ပူးပေါင်းရင်းမြစ်များ

Matayo 24:13

Ninga u munhu wo wose mono kolokangalila sunga ko ku ndumo, yuyo langa yo kolopona.

Yohana 1:47

Yesu yakamuwona Nataneli yakuza kuli mwene, yakalonga zo mwene “Mulanje! Ayo yo Muyisilayeli we mbeka, mono yawusina wukonji wo wose muli mwene.”

Yohana 2:2

nayo Yesu ne wejizwa wakwe wakalalikwa ku halusi.

Yohana 6:55

Hambi u muwili wangu nha yo ndigwa ye mbeka, ne sakami yangu co cingʼwegwa ce mbeka.

Yohana 8:36

Holeka u Mwana hono yamuwicenyi welecele, ho mowa welecele mbeka.

Metumo ge Watumwa 13:43

Wihanghulize wuwo waza malika, Iwayahudi wenji, hamonga ne wanya makungugo ganji wono wali wayipitucila i dini ye Ciyahudi, wakawatyatya wa Pawulo na Balanaba. Nawo watumwa, wakaduwana nawo, wakawasikamya, wajendelele kwikala akuno wakulitumbila lihewa lyo Muwaha.

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

Metumo ge Watumwa 26:22

Ninga u Mulungu yakanhaza, holeka sunga ne zuwalili, nimile cilumelume, nghuwahomelela wose iwawaha ne wadodo. Sinongaga zinji, langa zizilya du zono wazilonga iwawizi na Musa, vyono zolokwijela,

Walumi 11:22

ale, weze kukumbucila vyono, u Mulungu muswanu kanyhi mukali. U mwene mukali kuli wono wagwa, ninga mwene muswanu kuli gwegwe, hono wujendelele mu wuswanu wakwe, hono si nha vivyo, nagwe kodumulwa.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

1 Timoteyo 2:15

Ninga hamba nhavivyo umucekulu koloponywa so wulela wana, hono yekale mu wihuwilo, wendo, wele, no winenenyhezi.

1 Timoteyo 4:16

Wiyikamisaje muno muno go mweneco hamonga ne mejizo gako. Wuhidimbale muno muno mu wituma zizo, hambi nha kokwiponya go mweneco, hamonga na wawo wono wakukuhuliciza.

2 Timoteyo 3:14

Ninga agwe go mweneco, wikalaje mu mbeka yiyilya yono wejizwa kanyhi wukayivumila muno muno. Na wono wakwijiza wuwamanyile,

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

Wahebelaniya 8:9

Ne cilagane cico si cowa cihwanile ne cilagane acilya lono nawebatila muwoko niwahamye mu yisi ya Misili. Hambi nha si wekalaga mu cilagane cangu. Holeka nane sinawalanga, yakutya u Muwaha.

Yakobo 1:25

Langa umunhu mono yakuwulanjisa muno muno wulajilize wono wukwilaniciye wono wupelaga wanhu welecele, no munhu mono yakujendelela loiwibata, hamba sikuwuhulika du, no kuwusemwa hanyuma yayo, langa yakwitumamila, umunhu yuyo kowa mumoti muli vyose vyono yakwitumama.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

1 Yohana 2:24

Holeka i nghani yi yilya yono mwayihulika kuwulawa mwamulizo, yikalaje mu zinhumbula zenyu. Ne nghani yiyilya yono mwayihulika hono yikale muli nyenye, ale mokwikala nhondo zose muli mu wumonga no Mwana no Sogo yo Munhu.

2 Yohana 1:9

Nayo mono siyakwibata no kwikala mu mafundo ga Kilisito hamba kugatyatya, yuyo yamusina u Mulungu. Langa mono yakwikala mu mafundo gago, yuyo yo yena u Sogo yo munhu kanyhi no Mwana.