Yohana 8:20 - I CILAGANE CIPYA 1991

²⁰ Yesu yazilonga zinghani zizi lono yejizaga mu Nyumba yo Mulungu, lono yali mu cinyumba cono cali wuwiko we cisanduku ce vilavya. Hamba munhu si yamwibata, hambi i cidaha cakwe nha cali cikali si cinafika.

Luganuzi Luswanu Kuli Wanhu Wose 2002

²⁰ Yesu yazilonga zinghani zizi lono yejizaga mu Nyumba yo Mulungu, lono yali mu cinyumba cono cali wuwiko we cisanduku ce vilavya. Hamba munhu si yamwibata, hambi i cidaha cakwe nha cali cikali si nafika.

Yohana 8:20 ပူးပေါင်းရင်းမြစ်များ

Matayo 26:55

Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!

Matayo 27:6

Nawo i wakohani wawaha wakazisola zipesa zizilya, wakatya, “Si viswanu yaye ziwikwe mu ciwutwa ce zisawo ze Nyumba yo Mulungu, ku soko vyono pesa za cifo ca Sakami.”

Maluko 12:41

Yesu yali yekaye behi ne lisanduku lyo wuwiko we zisawo. Nayo yakawa yakulanjilila vyono wanhu wenji walavyaga zipesa no kuzitajila mu wuwiko we zisawo ze Nyumba yo Mulungu. Iwagoli wenji wakalavya pesa nyinji.

Maluko 12:43

Baho Yesu yakawacema iwejizwa wakwe yakawatya, “Mbeka nghumulonjelenyi, mudala ayu muciwa kanyhi mufwile, nha kalavya kuciza wanji wose wono watajiye zipesa mwisanduku lyo wuwiko we zisawo.

Luka 20:19

I wejizi wo Wulajilize ne Wakohani wawaha, wakatanga vyono cihwanicizo cici, cali ciwadomile weneco, na ku soko yiyo, wahilaga wamwibate baho baho, ninga wakogopa wanhu.

Luka 21:1

Yesu yakalanga, yakawona wagoli wono watajilaga vilavya vyawo mu wuwiko we zisawo ze Nyumba yo Mulungu.

Yohana 10:39

Wakajela kanyhi kumwibata Yesu ninga mwene yakawuka hali wene.

Yohana 2:4

Nayo Yesu yakumupitula nyina yakamutya, “Yaya wulece kunonjeleza cono nitume. Cipango cangu cikali nafika.”

Yohana 7:14

Lono sikukuu yali yikali yijendeleye, Yesu nayo yakenjila mu Nyumba yo Mulungu, yakawa kwanza kwijiza.

Yohana 7:30

Baho wanhu wakasaka kumwibata, ninga hasina hamba munhu mono yejelela kumwibata, vyono cidaha cakwe cali cikali nafika.

Yohana 7:44

Iwanhu wanji wasakaga kumwibata, ninga hasina mono yakajela kumwibata.

Yohana 7:8

Anye mubite ku sikukuu yiyo, ninga ane si nghubita, kusoko i cipango cangu cono cikwiliye nha cikali sinafika.”

Yohana 8:2

Waza kwela hakali mitondo, yakaza kanyhi mu Nyumba yo Mulungu. Wanhu wose wakamuziza, nayo Yesu yakekala yakawa kuwejiza.

Yohana 8:59

Holeka wakatondola mabwe wamugumilile ninga Yesu yakehundika, yakalawaniza mu Nyumba yo Mulungu.