Yohana 7:37 - I CILAGANE CIPYA 1991

³⁷ Mwizuwa lyo mumalilizo we sikukuu yiyo, lyali izuwa iwaha. Yesu yakema yakalonga yenuye lizi, yakutya, “Munhu wo wose, mono yakaluce, yaze kwangu yangʼwe.”

Luganuzi Luswanu Kuli Wanhu Wose 2002

³⁷ Mwi'zuwa lyo mumalilizo we sikukuu yiyo, lyali yizuwa yiwaha. Yesu yakema, yakalonga yenuye lizi, yakutya, “Munhu wo wose, mono yakaluce, yaze kwangu yang'we.”

Yohana 7:37 ပူးပေါင်းရင်းမြစ်များ

Matayo 11:28

Ale, muze kuliʼne anye wose mono mukugazika, na mono muvunice ne mitegulo yenyu, nane nomucehezenyi.

Matayo 3:3

Yuyu Yohana yo yuyulya mono u muwizi Isaya yalonga izakwe, lono yatya, “Ilizi lyo munhu lihulikwa ku nyika, Muwikanizizenyi u Muwaha inzila yakwe, Muwugololaje u wukolo wakwe.”

Matayo 5:6

Wamoti wono wena nzala ne nyhilu, yo kwituma zo wuhile wo Mulungu, hambi u Mulungu nha kowegutya.

Yohana 1:23

Yohana yakatya, “Ane yo nene, mono muwizi Isaya yalonga. ‘Ane nili izi lyono likuhulikwa ku nyika, Gololenyi nzila yo Muwaha.’ ”

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Yohana 4:11

U mucekulu yuyo, yakamutya, “Muwaha, agwe wusina ciya co kunejela, ne lisima nalyo itali, alu kogasola hayi gago malenga go wumi?

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 5:40

Hamba nha vivyo, anye si mwendile kuza kwangu ho mutuje wumi.

Yohana 6:35

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

Yohana 6:37

Wose wono yakumhela Baba wokuza kwangu, nane si nomutaga kunze wo wose mono yakuza kwangu.

Yohana 6:55

Hambi u muwili wangu nha yo ndigwa ye mbeka, ne sakami yangu co cingʼwegwa ce mbeka.

Yohana 7:28

Holeka Yesu lono yejizaga mu Nyumba yo Mulungu, yakenula lizi lyakwe, yakatya, “Ati, mumanyile hongo, sunga na kono ndawile mukumanyile! Hamba yiwe nha vivyo, ane si neyiziza ko wulajilize wangu no mweneco, ninga u mwene mono yanhuma yo we mbeka, nanye si mumumanyile.

1 Wakolinto 10:21

Si mosuma kungʼwela i cikombe co Muwaha, hamonga ne cikombe ce masetani, hamba si mosuma kuhanga mu meza yo Muwaha hamonga ne meza ye masetani.

1 Wakolinto 10:4

Na kanyhi wakangʼwa ne cingʼwegwa cicilya ce cimuhe, hambi nha wangʼwa mu wulawa mwibwe lililya lye cimuhe lyono lyawatyatyaga, ne libwe lyeneco lilyo, lyali yo Kilisito mweneco.

1 Wakolinto 11:25

Nha vivyo kanyhi wali weza kukondya kulya, yakacisola i cikombe yakatya, “Aci co cikombe ce cilagane cipya cono cikukangazizwa mu sakami yangu. Mweze noza nha vivi ho hose lono mukungʼwa, so wukumbucila nene.”

1 Wakolinto 12:13

Hambi ase hamba ciwe cili Wayahudi, hamba ciwe cili wanhu we makungugo ganji, i wawanda, hamba wono si wawanda, wose cabaputizizwa mu Muhe monga du, mu muwili wuwo monga, kanyhi ase wose cikangʼweswa yuyo Muhe monga.

Waefeso 5:18

Mulece kugala wujimbi, hambi wuwo nha wuletaga i mikalile ye caka caka, langa mweze mumemile u Muhe Mono Yelile.

Wugubule 21:6

Hanyuma yakawa kunonjela yakutya, “Zose ʼlu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kungʼwa bwete, kuwulawa mu mivwilo ye malenga go wumi.

Wugubule 22:1

Hanyuma kanyhi malayika yakandajila i likolongo lye malenga go wumi gono gakungʼalala nha cilole, gakulawilila heʼgoda lyo wutemi lyo Mulungu, hamonga ne Mwana we ngholo.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, ale yasole bwete.