Yohana 7:28 - I CILAGANE CIPYA 1991

²⁸ Holeka Yesu lono yejizaga mu Nyumba yo Mulungu, yakenula lizi lyakwe, yakatya, “Ati, mumanyile hongo, sunga na kono ndawile mukumanyile! Hamba yiwe nha vivyo, ane si neyiziza ko wulajilize wangu no mweneco, ninga u mwene mono yanhuma yo we mbeka, nanye si mumumanyile.

Luganuzi Luswanu Kuli Wanhu Wose 2002

²⁸ Holeka Yesu lono yejizaga mu Nyumba yo Mulungu, yakenula lizi lyakwe, yakatya, “Ati, mumanyile hongo, sunga na kono ndawile mukumanyile! Hamba yiwe nhavivyo, ane si neyiziza ko wulajilize wangu no mweneco, ninga u mwene mono yanhuma yo we mbeka, nanye si mumumanyile.

Yohana 7:28 ပူးပေါင်းရင်းမြစ်များ

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 2:23

yakahamila mwikaya lyono likucemwa lya Nazaleti. Nha vivi vyo zaficilicila izinghani zono zalonjelwa mu nzila ye wawizi, zono zikutya vyono, “Kocemwa Munazalayo.”

Matayo 26:55

Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Luka 2:11

hambi izuwalili nha mulelelwa Muponyi ku soko yenyu mu kaya ya Dawudi, yo Kilisito u Muwaha.

Luka 2:39

Nawo walezi waza kondya kufisiliza zose za mu Wulajilize wo Muwaha, wakawuya kwawo ku Nazaleti mu yisi ya Galilaya.

Luka 2:4

Yusufu nayo yakatuluka kulawa Nazaleti ya Galilaya, yakabita ku Betelehemu mu yisi ya Yudiya kukaya ya Dawudi. Vyono mwene nayo yali we mhuga ya Dawudi,

Luka 2:51

Hodu, yakawuya nawo sunga ku Nazaleti. Yakawa ne cihuliko kuli wene. U nyina yakazikamisa zinghani zizi zose mu nhumbula yakwe.

Yohana 1:46

Nataneli yakamutya Filipo, “Hambi ku Nazaleti nako kosuma kulawa cinhu ciswanu?” Filipo yakamutya, “Wuze wulanje.”

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’

Yohana 12:49

Ku soko ane si nonjile ko wulajilize wangu no mweneco, langa Baba mono yanhuma, yo yandajilize zono nolonga na zono notya.

Yohana 14:10

Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Yohana 14:31

Ninga we yinze yiwanojeye wamanye vyono ane nimwendile Baba, holeka nghuzituma zose nha vyono Baba yandajiliza nitume. Inucenyi ciwuce baha!

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

Yohana 17:25

Gwe, Baba we lingʼani, we yize si wakumanya, ane langa nakumanya, na wawa wamanya vyono yo gwegwe mono wanhuma.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 3:33

Ninga munhu wo wose mono yakuwubocela wuhomelezi wakwe, yakukangaza vyono, Mulungu yo we mbeka.

Yohana 5:32

Ninga ho yali yunji mono kahomelelaga, ane manyile vyono, zose zono yakuhomelela muliʼne zo ze mbeka.

Yohana 5:43

Ane niziza mu wulajilize wa Baba, ninga anye hamba si mukumbocela yaye, munhu yunji hono yazize mu wulajilize wakwe mweneco, nanye momubocela.

Yohana 6:42

Wakatya, “Mwene yuyu si yo Yesu u mwana wa Yusufu? sunga u sogwe no nyina ciwamanyile! Alu kosuma wule kutya yatima kulawa ku wulanga?”

Yohana 7:14

Lono sikukuu yali yikali yijendeleye, Yesu nayo yakenjila mu Nyumba yo Mulungu, yakawa kwanza kwijiza.

Yohana 8:14

Yesu yapitula yakawatya, “Ninga ane hamba niyihomelele no mweneco, wuhomelezi wangu wa mbeka, hambi nha manyile kono nalawa, na kono nghubita. Ninga anye si mumanyile kono nalawa, hamba kono nghubita.

Yohana 8:16

Hamba niwe nghulingʼaniza, ningʼaniza yangu nha ya mbeka, hambi ane nha si nili wene, langa cina na Baba mono yanhuma.

Yohana 8:19

Baho nawo wakamutya, “U Sogo yali hayi?” Yesu yakawatya, “Anye vyono si mumanyile ane, yo yikuleka si mumumanyile na Baba. Ninga hono mwali mumanye ane, mwali mumumanye na Baba nha vivyo.”

Yohana 8:26

Nina nghani nyinji zo kulonga, no kulavya ningʼaniza mulinye. Ninga mono yanhuma yo we mbeka, nane nghuwalonjela iwanhu we yinze, zinghani zizo du, zono nazihulika kuli mwene.”

Yohana 8:42

Yesu yakawatya, “Mhali Mulungu yo Sogo yenyu, mwali munyende ane, hambi ane nha nalawa kuli Mulungu nghaza baha. Hamba si neyiziza ko wulajilize wangu no mweneco, langa umwene yo yanhuma.

Yohana 9:29

Ase cimanyile vyono u Mulungu yalonga na Musa, ninga ase si cimumanyile munhu yuyo kono yalawile.”

Metumo ge Watumwa 17:23

Ku soko, lono nali kukola ako na ako, nghulanga vihwani vyo wuhembelo wenyu, niwa kuwona wuhembelo wunji wono wina mandiko aga, ‘Kuli mulungu yulya mono si yamanyice.’ Ale, yuyo mono mumuhembaga si mumumanyile, yo yuyo yo nghumulonjelenyi anye.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 3:4

Aa, ngʼo! Hambi u Mulungu nha kekalaga mwihuwilwa cibitilila, hamba yiwe iwanhu wose walambi. Nha vyono gakulonga i Mandiko Gono Gelile, “Gwe go Mulungu, ho hose hono wukulonga, Zinghani zako zo ze lingʼani, Na mu ningʼaniza, agwe wukuwa kusuma.”

2 Wakolinto 1:18

Ninga u Mulungu yo we mbeka yose, holeka azilya zono camulonjelenyi anye, si zali nghani za “Heya” ne “Ngʼo.”

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli hamwande yetu.

1 Yohana 5:10

Mono yakumwihuwila u Mwana wo Mulungu, u wuhomelezi wuwo muli mwene yena nawo, ninga mono siyamwihuwiye Mulungu, yakumunoza u Mulungu mulambi vyono siyehuwiye u wuhomelezi wono u Mulungu yawulavya muli Mwanagwe.