Yohana 6:56 - I CILAGANE CIPYA 1991

⁵⁶ Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

Luganuzi Luswanu Kuli Wanhu Wose 2002

⁵⁶ Mono yakuwulya u muwili wangu no kuying'wa isakami yangu, yo kekalaga mugati mwangu, nane nghwikala mugati mwakwe.

Yohana 6:56 ပူးပေါင်းရင်းမြစ်များ

Yohana 14:20

Mwizuwa lilyo, anye ho molomanya vyono ane nili muli Baba, nanye muli muli nene, nane nili muli nyenye.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 6:55

Hambi u muwili wangu nha yo ndigwa ye mbeka, ne sakami yangu co cingʼwegwa ce mbeka.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, Nane nowa Mulungu wawo, Nawo wowa wanhu wangu.”

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

1 Yohana 2:24

Holeka i nghani yi yilya yono mwayihulika kuwulawa mwamulizo, yikalaje mu zinhumbula zenyu. Ne nghani yiyilya yono mwayihulika hono yikale muli nyenye, ale mokwikala nhondo zose muli mu wumonga no Mwana no Sogo yo Munhu.

1 Yohana 3:24

Mono yakugebata malajilizo go Mulungu, yo kekalaga muli Mulungu, nayo Mulungu yakwikala muli mwene. Mu nzila yo Muhe mono Mulungu yacipela, nase mo cikumanyila vyono Mulungu yakwikala muli sese.

1 Yohana 4:12

Hasina hamba hadodo u munhu mono yakondya kumuwona Mulungu, ninga hono ciyende, Mulungu yakwikala muli sese, no wendo wakwe wukuwa wukwilaniciye muli sese.

Wugubule 3:20

Wuhulicize ta! Ane nimile ha mulango, nghukongʼonha. Munhu hono yalihulice lizi lyangu, no kudigulo mulango, ane nokwinjila mumo mu nyumba yakwe, nane nolizana nayo zindigwa, nayo kolya hamonga nane.