Yohana 6:51 - I CILAGANE CIPYA 1991

⁵¹ Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Luganuzi Luswanu Kuli Wanhu Wose 2002

⁵¹ Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Yohana 6:51 ပူးပေါင်းရင်းမြစ်များ

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Luka 22:19

Hanyuma, yakasola mukate yakalumba yakawubegula, yakawapela, yakutya, “Awu wo muwili wangu [wono weza kulavywa ku soko yenyu, Mweze noza nha vivi so wukumbucila nene.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 11:26

nayo mono yakali mumi, hono yawe kwikala yanyihuwiye nene, si kolofwila lukulu. Wule, wihuwiye muli zizi?”

Yohana 3:13

“Hasina munhu mono yabita ku wulanga, langa hono si u Mwana wo Munhu, yo yatima kulawa ku wulanga.”

Yohana 3:14

“Nha vyono Musa yatumbika lizoka lye shaba ku nyika, ale nha vivyo no Mwana wo Munhu, si koleka kutumbikwa,

Yohana 3:16

Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 6:33

Hambi indigwa yo Mulungu nha yo yulya mono yakutima kulawa ku wulanga, no kuyipela iyinze wumi.”

Yohana 6:35

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

Yohana 6:41

Nawo Wayahudi wakawa kwanza kungʼungʼulika kusoko vyono yatya, “Ane yo nene i ndigwa yono yatima kulawa ku wulanga.”

Yohana 6:47

Mbeka nghumulonjelenyi, vyono mono yakwihuwila, yena u wumi we cibitilila.

Yohana 6:48

Ane yo nene indigwa yo wumi.

Yohana 6:50

Ayi yo ndigwa yono yikutima kulawa ku wulanga, indigwa yono mono yakuyilya si kofwa.

Yohana 7:38

Nha vyono gakutya i Mandiko Gono Gelile, “Mono yakunyihuwila nene, i makolongo ge malenga momi, gohuluma kulawa mu nhumbula yakwe.”

2 Wakolinto 5:19

Wo wutya, u Mulungu yakuyilamula yinze no mwene mu nzila ya Kilisito, no kuleka kuwawalila wanhu u wubi wawo. Umwene yacipela nghani yo kuwalamula i wanhu no Mwene.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Waefeso 5:25

Nanye mo walume muwendaje iwagolece zenyu nha vyono Kilisito yalyenda Likanisa, yakelavya mweneco cilavya ku soko ye Likanisa.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 10:20

Mwene yo yacitulila i nzila mhya, nzila yo wumi, yono yikoleye mwibupa, nha cinji mu nzila yo muwili wakwe mweneco.

1 Petelo 2:4

Ale, mubitilenyi Muwaha! Umwene lyo libwe lyumi lyono lyalemwa ne wanhu, ninga hali Mulungu, lyo libwe lyono lihaguywe, lyono lina wuguzi wukamu.

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

1 Yohana 4:10

No wendo vyo winha nha vivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe ikumbiko lyo kuciwusiza wubi wetu.

1 Yohana 4:14

Ase cakondya kumuwona no kuwalonjela i wanji vyono u Sogo yo munhu yamutuma yawe Mukomboza yinze.