Yohana 6:27 - I CILAGANE CIPYA 1991

²⁷ Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Luganuzi Luswanu Kuli Wanhu Wose 2002

²⁷ Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Yohana 6:27 ပူးပေါင်းရင်းမြစ်များ

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Matayo 6:19

“Mulece kwiwutila sawo ya mononze, kono imakuni ne nghangaga vihodangaga, ne wahizi wenjilaga no kuhiza.

Matayo 8:20

Ninga Yesu yakamupitula yakamutya, “Imacewe, gena mamwina, ne zindeje nazo zina manhuli, ninga u Mwana wo Munhu, yasina hamba hanhu ho kuceha.”

Maluko 1:11

Ne lizi likahulikwa kulawa ku wulanga likutya, “Agwe yo gwegwe mwanangu mwendece; mono nyendezwe nagwe.”

Maluko 9:7

Ale, likaza ivunde likawagubika, ne lizi likahulikwa likulawa mwivunde lilyo, likutya, “Ayu yo Mwanangu mwendece wangu, mweze kumuhulika.”

Luka 3:22

no Muhe Mono Yelile yakamutimila, futa yakwe, yehwanile nziwa, izi likalawa ku wulanga likutya, “Agwe yo gwegwe Mwanangu mwendece, mono nyendezwe nagwe.”

Luka 9:35

Lizi likalawa mwivunde, likutya, “Ayu yo Mwanangu muhagulwa wangu: mweze kumuhulika.”

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yohana 11:42

Nane manyile vyono wukuwa kuhuliciza ane nhondo zose. Ninga ku soko ye wanhu wono wali baha, holeka nonjile, ho nawo wehuwile, vyono yo gwegwe mono wanhuma.”

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 15:24

Mhali si netuma kwawo imetumo gono yunji wo wose yakali si nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nha vivilya.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 3:15

muli wose mono yakumwihuwila, ho yawe no wumi we cibitilila.

Yohana 3:33

Ninga munhu wo wose mono yakuwubocela wuhomelezi wakwe, yakukangaza vyono, Mulungu yo we mbeka.

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Yohana 6:47

Mbeka nghumulonjelenyi, vyono mono yakwihuwila, yena u wumi we cibitilila.

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Yohana 6:53

Baho Yesu yakawatya, “Mbeka nghumulonjelenyi, Hono mulece kulya u muwili wo Mwana wo Munhu, no kuyingʼwa isakami yakwe, mowa musina wumi muli nyenye.

Yohana 6:54

Mono yakulya u muwili wangu no kuyingʼwa isakami yangu, yena wumi we cibitilila, nane nolomuzukula Mwizuwa lya ku ndumo.

Yohana 6:58

Ayi yo ndigwa yono yatima kulawa ku wulanga, si yinhe mana yono walizaga i wasogo zenyu, wakafwa. Mono yakulya ndigwa yiyo, kokwikala mumi cibitilila.”

Yohana 6:62

Yowa wule alu hono mumuwone u Mwana wo Munhu yakubita kuko ku wulanga kono yali ha lulongozi?

Yohana 6:68

Simoni Petelo yakamupitula yakatya, “Muwaha cobita kuli nani? Nha yo gwegwe mono wina zinghani zo wumi we cibitilila.

Yohana 8:18

Ane nghwiyihomelela no mweneco, na Baba mono yanhuma nayo yakuhomelela zangu.”

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Walumi 4:11

Abulahamu yalama hanyuma yayo, na mu walame wuwo, cali citanjilo cono cakangazaga vyono, u Mulungu yali yamuvumila vyono yali lingʼani, ku soko yo wihuwilo wakwe wono yali yena nawo, sunga na lono yali yakali si nalama. Holeka Abulahamu yaweza Sogo ya wose wono, hamba wawe si walame, ninga wamwihuwiye u Mulungu no kunozwa lingʼani.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

1 Wakolinto 6:13

Kosuma kutya, “Indigwa yili so yinda, nayo yinda yili so ndigwa.” Heya, ninga u Mulungu, kolovihodanga vyose vyono vyejete. Ninga u muwili wo munhu si wawumbwa ho witumamilwe mu wusenyha, aa, ngʼo, langa wawumbwa ho wumwitumamile u Muwaha, nayo u Muwaha so muwili.

1 Wakolinto 9:2

Hamba niwe si nili mutumwa kuli wanhu wanji, ninga ane nili mutumwa kulinye. Anye nyenye, wo wuhomelezi wo wutumwa wangu, ku soko yo wilunze wenyu no Muwaha.

2 Wakolinto 4:18

Holeka ase cikuvilanjliila muno muno vinhu vyono si vijelaga, hamba si vinhu vyono vijelaga. Ku soko vyono vijelaga, nha vya cidaha cidodo du, ninga avilya vyono si vijelaga, vyo vikalaga cibitilila.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Wafilipi 2:13

hambi u Mulungu nha yoketumaga u mulimo muli nyenye nhondo zose, no kumupelenyi u wusume wo kusaka no kufisiliza zose zono zili mu wulunji wo wuhile wakwe mweneco.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

Wakolosayi 2:22

I zinghani zizo zose zili mu vinhu avilya vyono vihodanjikaga kamonga du lono vikwitumamilwa, ago nha malajilizo ne mafundo ge ci munhu munhu du.

Wakolosayi 3:2

Mwibataje mukamise zinghani za ku wulanga, ninga si zono zili mononze.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, ale yimunojeye yeleje no wavu.”

Wahebelaniya 12:16

Muhidimbale ho halece kuwa muli nyenye na munhu yunji musenyha hamba munhu mono si yakumogopo Mulungu nha vyono Esawu, mono yawuguza u wilingʼano wakwe wo kuwa u mulelwa u mulongozi ku soko yo wulye wa kamonga.

Wahebelaniya 4:11

Holeka cihidimbale, ciwutuje u wuceho wuwo, ho halece kuwa yunji muli nyenye yanjile kuwinjlia mu wuceho wuwo, nha vyono wanoza wawo, ku soko yo wuleka kwihuwila kwawo.

Yakobo 1:11

Hambi lizuwa nha lidulaga, na kolo likukalipa linyazaga mahanze, ne maluwa gayo gakungʼunhikaga, no wuswanu wayo wose wuhodanjikaga. Ale nha vivyo, no mugoli nayo kolo kongomezezwa mu metumo gakwe.

1 Petelo 1:24

Nha vyono i Mandiko gatezaga: “I wanhu wose nha wenha mahanze no lukumyo lwakwe lose nha lwinha maluwa ga mu mbago. Imahanze ganyalaga ne maluwa gakunghunhikaga.

2 Petelo 1:17

Ase cali baho mu cipango cono yapelelwa icogopo no kukumywa no Mulungu Sogo yo munhu, lono lizi likamuziza kulawa kuli mwene, mono yo Lukumyo Luwaha, likutya, “Ayu yo Mwanangu mwendece mono nyendezwe nayo.”