Yohana 5:44 - I CILAGANE CIPYA 1991

⁴⁴ Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Luganuzi Luswanu Kuli Wanhu Wose 2002

⁴⁴ Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Yohana 5:44 ပူးပေါင်းရင်းမြစ်များ

Matayo 23:5

Iwene izawo zose, wetumaga du ho wanhu wawawone. Hambi nha wendile kuvwala ha wusu wawo na mu miwoko yawo icitambala cono cihonele malajilizo, kanyhi wendile konjeleza ne masune mu majoho gawo.

Luka 19:17

Nayo yakamutya, ‘Ale, kunoza viswanu, uli mwitumami muswanu. Vyono wali mwihuwilwa mu nghani ndodo muno, ale weze muwaha mu makaya ikumi.’

Yohana 12:43

Hambi wene nha wali wendile kukumywa ne wanhu si nho kukumywa no Mulungu. I nghani ya Yesu yikulingʼaniza

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 3:20

U munhu wo wose mono ketumaga i metumo mabi, yuyo kawusulaga wuzelu, hamba si kazaga kono wuzelu, hambi nha si yendile i metumo gakwe mabi gamanyice.

Yohana 5:41

“U wuhile wangu, si vyono ho nhuje u lukumyo kulawa kuli wanhu.

Yohana 8:43

Alu kusokoci si mukwizuka zono nghulonga? Kusoko vyono si mwendile kuyihuliciza inghani yangu.

Walumi 2:10

Ninga u Mulungu kowapela u lukumyo ne lilumbo no mulamu, awalya wono wakwituma iziswanu, lulongozi Wayahudi, hanyuma sunga ne wanhu we makungugo ganji nha vivilya.

Walumi 2:29

U Muyahudi wa mbeka, yo yulya u Muyahudi wa mugati, yuyulya mono yalame mu nhumbula. Ne nghani yiyi, yo nghani ya Muhe, hamba si nghani ya mandiko go Wulajilize. No munhu we liwala lilyo, yakutuga lilumbo, si muli wanhu, langa muli Mulungu.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

2 Wakolinto 10:18

Nayo mono yakuvumilwa, si yulya mono yakwiyikumya mweneco ngʼo, langa yo yulya muno Muwaha yakumukumya.

Wafilipi 2:3

Mulece kwitumila nghani yo yose mu mutima wo wivu, hamba mu widunhumuzi wa bwete, mweze mwina winenenyhezi nyenye wose, na munhu wo wose yamuwonaje muyagwe yo yamucizize lilumbo sinha mweneco.

1 Watesalonike 2:6

Hamba si calondola lilumbo muli wanhu hamba muli nyenye, hamba kulawa kuli munhu wo wose,

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Wahebelaniya 3:12

Holeka wandugu zangu, mwilanjililaje, halece kuwa na yunji muli nyenye mono yena i nhumbula yimbi nha vivyo, mono si yehuwiye no kumuleka u Mulungu mumi.

Yakobo 2:1

Wandugu zangu, hono muwe mumwihuwiye u Muwaha Yesu Kilisito, u Muwaha wo lukumyo, mulecele lukulu kuwawagula wanhu.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zenezo, zono zihodanjikaga, zijelagwa no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

Yuda 1:25

kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.