Yohana 5:19 - I CILAGANE CIPYA 1991

¹⁹ Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, kusoko cicilya cono sogwe ketumaga, no mwana nayo vyo ketumaga nha vivyo.

Luganuzi Luswanu Kuli Wanhu Wose 2002

¹⁹ Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, ku soko cicilya cono sogwe ketumaga, no mwana nayo vyo ketumaga nhavivyo.

Yohana 5:19 ပူးပေါင်းရင်းမြစ်များ

Matayo 26:39

Hanyuma yakatela tela hamwande hadodo, yakagwa funama, yakalomba, yakutya, “Gwe Baba, hono yiwe yisumice, ale icikombe cicino co wusungu cimhulutaje, ninga yilece kuwa nha vyono nyendile nene ngʼo, langa yiwe nha vyono wendile du gwegwe.”

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Yohana 10:18

Hasina munhu mono yakumboka u wumi wangu, langa nghuwulavya nene no mweneco. I vilungo vyo kuwulavizya, nina navyo, ne vilungo vyo kuwusolela, kanyhi nina navyo. Na Baba vyo yandajiliza nitume.”

Yohana 12:49

Ku soko ane si nonjile ko wulajilize wangu no mweneco, langa Baba mono yanhuma, yo yandajilize zono nolonga na zono notya.

Yohana 12:50

Nane manyile vyono ililajilizo lyakwe, liletaga wumi we cibitilila, holeka ane nghulonga zizilya du, zono Baba yanonjela, zo nghulonga.

Yohana 14:10

Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Yohana 2:19

Yesu yakawapitula yakatya, “Muyimwagulaje Nyumba yiyi yo Mulungu, nane noyizenga mu vilo vidatu.”

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Yohana 5:21

Nha vyono u Sogo yo munhu kawazukulaga i wafu no kuwapela wumi, nha vivyo nayo Mwana kawapelaga wumi awalya wono yendile.

Yohana 6:38

Hambi nha natima kulawa ku wulanga, si vyono nitume wuhile wangu, langa ho fisilize u wuhile wa mono yanhuma.

Yohana 8:28

Holeka Yesu yakawalonjela “Kolo mwakondya kumutumbika Mwana wo Munhu, baho ho molomanyila vyono ‘Ane yo Nene.’ Na kanyhi vyono si nghwitumila cinji co cose mu wulajilize wangu, langa nghulonga zizilya du zono nejizwa na Baba.

Yohana 9:4

Yicinojeye ciwitume u mulimo wa mono yanhuma lono hakali misi, hambi i cilo nha cikuza, lono munhu si kosuma kwituma.

Metumo ge Watumwa 2:24

Ninga u Mulungu yamuzukula, yakamuponya mu wusungu we lifwa, ku soko si yali yisumice hamba hadodo lifwa limwibate.

Walumi 6:4

Holeka calunzwa ne lifwa lyakwe, lono cabaputizizwa, cikazikanwa nayo, nha vyono Kilisito yazukulwa muli wafu ko lukumyo lo Sogo yo munhu, ale nha vivyo nase, ceze kujendela mu Mikalile mipya.

Walumi 8:11

U Muhe wo Mulungu, mono yamuzukula Kilisito mu wafu, hono yekale muli nyenye, yuyo mono yamuzukula Kilisito mu wafu, koloyiwumifya miwili yenyu yono yifwizaga, so Muhe wakwe mono yekaye muli nyenye.

1 Wakolinto 15:12

Ninga nha vyono yikuganulwa, vyono Kilisito yazukulwa kuwulawa mu wafu, alu wanji wa muli nyenye, wosuma kutya nhawule vyono ati hasina wuzuce we wafu?

2 Wakolinto 4:14

Nase cimanyile vyono u Mulungu mono yamuzukula u Muwaha Yesu muli wafu, kocizukula nha vivilya na sese hamonga na Yesu, no kucinyasula hamonga nanye no kuciwika hali mwene.

2 Wakolinto 5:10

Hambi ase wose nha yowa yicinojeye kwima heʼgoda lyo wulingʼanizi lya Kilisito, u munhu wo wose ho yabocele zono zimunojeye nha vyono genha i metumo gakwe gono yetumaga lono yali yakali yekaye moonze, hono maswanu, hamba mabi.

Waefeso 2:5

hamba yiwe cali cifwiye ku cimuhe ku soko yo wubi wetu, yaciwumifya hamonga na Kilisito. Na ku so ilihewa lyo Mulungu, nanye mwaponywa.

Waefeso 3:16

Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Wafilipi 3:21

Mwene koloyihundusa i miwili yetu yono yifwizaga, ho yiwe yihwanile no muwili wakwe wo lukumyo, so vilungo vyono yadahile kuviwicila vinhu vyose hasi yo wutemi wakwe.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

Wakolosayi 1:16

Hambi nha muli mwene mo Mulungu yaviwumbila vinhu vyose vyono vili mono yinze na vyono vili ku wulanga, vinhu vyono vijelaga ne vinhu vyono si vijelaga, we magoda matambule, ne Watemi, i Wawaha na wose Wono wena u wulajilize. Vivi vyose u Mulungu yaviwumbila muli mweneco, na ku soko yakwe.

1 Watesalonike 4:14

Ase cihuwiye vyono Yesu yafwa, yakazuka, na ku soko yiyo, holeka nase cihuwiye vyono u Mulungu kowaleta hamonga na Yesu wawalya wose wono wawuka mononze akuno wamwihuwiye u mwene.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.