Yohana 4:48 - I CILAGANE CIPYA 1991

⁴⁸ Yesu yakamutya, “Hono mulece kuwona vitanjilo ne mapoto, si mokwihuwila ngʼo.”

Luganuzi Luswanu Kuli Wanhu Wose 2002

⁴⁸ Yesu yakamutya, “Hono mulece kuwona vitanjilo ne mapoto, si mokwihuwila ng'o.”

Yohana 4:48 ပူးပေါင်းရင်းမြစ်များ

Matayo 16:1

Nawo i Wafalisayo ne Wasadukayo, wakamubitila Yesu, ho wamujele, wakamulomba yanoze citanjilo cono cikulawa ku wulanga.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Matayo 27:42

“He! yawaponyaga wanji ninga alu kuwiponya mweneco, hamba si yakusuma yaye! Ati u mwene yo mutemi we Wayahudi! heya, yatime le, mu musalaba, nase ho cimwihuwile.

Maluko 13:22

Hambi nha wolokwijela wanhu wo wulambi lambi wono wokwiyitya weneco yo Kilisito, ne wawizi wo wulambi lambi, nawo wolonoza vitanjilo ne mezino, ho wajilize i wahagulwa wo Mulungu, hono yisumice.

Luka 10:18

Mwene Yesu yakawatya, “Namuwona Setani yakugwa yakulawa ku wulanga kotya limuli.

Luka 16:31

Nayo Abulahamu yakatya, ‘Hono walece kuwahulika Musa ne Wawizi, hamba yunji yenuce mu wafu, si wokwihuwila yaye.’ ”

Yohana 12:37

Ninga hamba yawe yanoza vitanjilo vinji hali wene, hamba si wamwihuwila ngʼo.

Yohana 15:24

Mhali si netuma kwawo imetumo gono yunji wo wose yakali si nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nha vivilya.

Yohana 2:18

Baho iwawaha we Wayahudi wakamuwuza Yesu wakutya, “Alo konoza citanjlioci, cono colajila vyono agwe wina lingʼani yo kunoza zizi?”

Yohana 20:29

Yesu yakamutya, “Alu ho wehuwila vyono wambona? Ninga wamoti wono wehuwiye, lono wakali si nawona.”

Yohana 4:49

Yuyo u muwaha we likulu yakamutya, “Muwaha nghukunena cibite lono mwanangu yakali si nafwa.”

Metumo ge Watumwa 14:3

Holeka wa Pawulo na Balanaba wakajendelela kwikala kuko vilo vilo. Wakulonga wasina woga muli Muwaha, nayo Muwaha yakayikamya i mbeka ye lihewa lyakwe yono wayiganulaga, ko kuwapela vilungo vyo kunozeza mapoto ne mezino.

Metumo ge Watumwa 15:12

Imhuga yose wakanyamala, wakawahuliciza wa Balanaba na Pawulo, wakusimulila vitanjilo ne mezino, vyono u Mulungu yanoza kwe miwoko yawo muli wanhu we makungugo ganji.

Metumo ge Watumwa 2:19

Kanyhi nololajila imezino ku wulanga kucanyha, Ne vitanjilo kononze hono hasi, kolowa na sakami, no moto ne nghungulyosi yizito.

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Metumo ge Watumwa 2:43

Mapoto menji ne vitanjilo vinji vikanozwa ne watumwa, sunga wanhu wose wakenjilwa no woga.

Metumo ge Watumwa 4:30

Ugolole muwoko wako no kuwaponya wanhu. Mapoto ne mezino, ganozezwe mwitagwa lyo Mwitumami wako mono yelile, Yesu.”

Metumo ge Watumwa 5:12

I Watumwa wakanoza mapoto ne mezino menji muli wanhu. Wono wehuwila, wakawa wakwitangʼanila kuko wose hamonga, kwikumbo lya Solomona.

Metumo ge Watumwa 6:8

Mulungu yakamupela Sitefano lihewa ne vilungo vinji, sunga yakawa kwituma mapoto ne mezino muli wanhu.

Metumo ge Watumwa 7:36

Yo yuyo yo yawawusa ku yisi ya Misili, mu nzila yo kunoza mapoto, na mezino mu yisi ya Misili, na mwilenga lya Shamu na mu nyika, myaka makumi mane.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghuluganula no kulukwiza u Luganuzi Luswanu lwa Kilisito.

1 Wakolinto 1:22

Alu ati i Wayahudi wakusaka citanjilo, nawo i Wagiliki wakulondola mahala,

2 Wakolinto 12:12

I mapoto ne mezino vyono yikulajila calinze vyono nane nili mutumwa, nha vyanozezwa muli nyenye ko wukangalizi wose.

2 Watesalonike 2:9

Nayo yuyo u Mubi, kolokuziza mu vilungo vya Setani, no kunoza vitanjilo vye mawala gose ne mezino go wulambi,

Wahebelaniya 2:4

Nayo u Mulungu yakonjeleza u wuhomelezi wakwe nha vivyo, lono yanozeza vitanjilo ne mezino ge mawala menji, na lono yawagawila wanhu i vipegwa vyo Muhe Mono Yelile nha vyono mweneco yali yendile.