Yohana 4:45 - I CILAGANE CIPYA 1991

⁴⁵ Ale, yaza kufika ku Galilaya, Wagalilaya wenji wakamubocela. Kusoko nawo nha vivilya, wali wali kuko ku sikukuu yiyo ye Pasaka, wakaziwona zinghani zose zono Yesu yetuma kuko ku Yelusalemi, mu cipango ce sikukuu yiyo.

Luganuzi Luswanu Kuli Wanhu Wose 2002

⁴⁵ Ale, yaza kufika ku Galilaya, Wagalilaya wenji wakamubocela. Ku soko nawo nhavivilya, wali wali kuko ku sikukuu yiyo ye Pasaka, wakaziwona zinghani zose zono Yesu yetuma kuko ku Yelusalemi, mu cipango ce sikukuu yiyo.

Yohana 4:45 ပူးပေါင်းရင်းမြစ်များ

Luka 13:1

Madaha gago, kwali kowali wanhu wanji wono wamulonjela Yesu ze wanhu wa ku Galilaya, wono Pilato yawawulaga mu cipango cono wawulagaga mitugo yawo yo kukumbicila.

Luka 8:40

Nayo Yesu yaza kuwuya ku nhumbi nzagwe ye lilamba, wanhu wenji wakamubocela na nyemo, hambi nha wamulindilaga wose.

Luka 9:53

Ninga wanyawusi wa baho siwavumila kumubocela, vyono yali yadomile ku Yelusalemi.

Yohana 2:23

Nayo Yesu, lono yali ku Yelusalemi ku sikukuu ya Pasaka, wanhu wenji wamwihuwila, waza kuviwona ivitanjilo vyono yavinoza kuko.

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 4:54

Aci co citanjilo ce kejete, cono yanoza Yesu lono yalawila ku Yudiya yakubita ku Galilaya.