Yohana 4:34 - I CILAGANE CIPYA 1991

³⁴ Yesu yakawatya, “I ndigwa yangu yoyi, nitume wuhile wa mono yanhuma, no kuwukondeleza u mulimo wakwe.

Luganuzi Luswanu Kuli Wanhu Wose 2002

³⁴ Yesu yakawatya, “I ndigwa yangu yoyi, nitume wuhile wa mono yanhuma, no kuwukondeleza u mulimo wakwe.

Yohana 4:34 ပူးပေါင်းရင်းမြစ်များ

Matayo 26:39

Hanyuma yakatela tela hamwande hadodo, yakagwa funama, yakalomba, yakutya, “Gwe Baba, hono yiwe yisumice, ale icikombe cicino co wusungu cimhulutaje, ninga yilece kuwa nha vyono nyendile nene ngʼo, langa yiwe nha vyono wendile du gwegwe.”

Matayo 3:15

Ninga Yesu yakamupitula Yohana, yakamutya, “Ngʼo, ye! wulece du alu yiwe nhavivyo, hambi nha vyo yinojeye cizifisilize zose zono u Mulungu yakuzisaka.” Nayo Yohana nhondo ho yakawa kuvumila.

Matayo 9:19

Yesu nayo yakawa kutuluka, hamonga ne wejizwa wakwe, wakamutyatya u muwaha yuyo.

Luka 15:10

Ale, nghumutyenyi, vyo wosangalala wamalayika wo Mulungu, ku soko yo munhu monga munyo wubi mono yakunena.”

Luka 19:10

Hambi Mwana wo Munhu nha yaza kulondola no kuponya i wanhu wono wajiliye.”

Luka 2:49

U mwene yakawatya, “So cici lo mwali kunondola? Alo si mwali mumanyile vyono yinojeye niwe mu Nyumba ya Baba?”

Yohana 17:4

Ane nakukumya kononze, nakondya kuwumaliliza u mulimo wono wamhela nitume.

Yohana 19:28

Hanyuma Yesu, vyono yali yamanyile vyono zose zamalika, imandiko ho gafisilizwe, yakatya, “Nakaluka.”

Yohana 19:30

Nayo Yesu yaza kukondya kuyibocela yiyo siki, yakatya, “Yimalika” hodu yakenamya mutwe wakwe, yakawa kufwa.

Yohana 4:32

Ninga Yesu yakawatya, “Ane nina ndigwa yono si muyimanyile anye.”

Yohana 5:30

“Ane si nosuma kwitumila cinji mu wulajilize wangu no mweneco, ane nghulingʼaniza nha vyono hulikaga kwa Baba, ne ningʼaniza yangu ya mbeka, hamba si nyendile kwituma zo wuhile wangu no mweneco, langa vyono yendile mono yanhuma.

Yohana 5:36

Ninga ane nina wuhomelezi wangu wuwaha kuciza wa Yohana, hambi i milimo yono nghwituma, yo milimo yono yamhela Baba niyitume, nayo yo yikuhomelela vyono Baba yo yanhuma.

Yohana 6:33

Hambi indigwa yo Mulungu nha yo yulya mono yakutima kulawa ku wulanga, no kuyipela iyinze wumi.”

Yohana 6:38

Hambi nha natima kulawa ku wulanga, si vyono nitume wuhile wangu, langa ho fisilize u wuhile wa mono yanhuma.

Yohana 8:29

Nayo mono yanhuma, yali hamonga nane. Nayo si yakuwa kundeka nili wene. Hambi ane nha nitumaga nhondo zose zono zikumwendeza.”

Metumo ge Watumwa 20:35

Muli zose, namupelenyi nzila yo kwiga, kotya, mu wituma nha vivi ko wuhidimbazi, yicinojele ciwataze wono wasina vilungo, no kukumbucila, zinghani zo Muwaha Yesu zono yatya mweneco, ‘Ciba kulavya, ko yili nyemo, si nho kupegwa.’ ”

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.