Yohana 4:24 - I CILAGANE CIPYA 1991

²⁴ U Mulungu wo Muhe, ne wanhu wosuma kumuhemba mumbeka, kwe vilungo vyo Muhe wakwe.”

Luganuzi Luswanu Kuli Wanhu Wose 2002

²⁴ U Mulungu wo Muhe, ne wanhu wosuma kumuhemba mu mbeka, kwe vilungo vyo Muhe wakwe.”

Yohana 4:24 ပူးပေါင်းရင်းမြစ်များ

Yohana 4:23

Ninga i cipango cikuza, na lulu caza, lono wahembi we mbeka, womuhemba u Sogo yo munhu mu mbeka, mu vilungo vyo Muhe wo Mulungu. Hambi Sogo yo Munhu nha wo kasakaga i wanhu wono wakumuhemba mu nzila yiyo.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

2 Wakolinto 3:17

Na ahano hono yikutya “U Muwaha,” nha cinji wo wutya, “U Muhe,” na ho hose hono hoyuli u Muhe wo Muwaha, ale baho ho howuli no welecele.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.