Yohana 4:14 - I CILAGANE CIPYA 1991

¹⁴ Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Luganuzi Luswanu Kuli Wanhu Wose 2002

¹⁴ Ninga muli wose mono kong'wa malenga gono nomupela, si kokalucila lukulu. Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 4:14 ပူးပေါင်းရင်းမြစ်များ

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Matayo 5:6

Wamoti wono wena nzala ne nyhilu, yo kwituma zo wuhile wo Mulungu, hambi u Mulungu nha kowegutya.

Yohana 10:10

U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

Yohana 11:26

nayo mono yakali mumi, hono yawe kwikala yanyihuwiye nene, si kolofwila lukulu. Wule, wihuwiye muli zizi?”

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Yohana 4:11

U mucekulu yuyo, yakamutya, “Muwaha, agwe wusina ciya co kunejela, ne lisima nalyo itali, alu kogasola hayi gago malenga go wumi?

Yohana 4:13

Yesu yapitula yakamutya, “Muli wose mono yakungʼwa malenga gaga, kokaluka kanyhi.

Yohana 4:36

Mono yakutwanga, yakubocela u musahala wakwe, nayo yakukonghola i nhwanga, ku soko yo wumi we cibitilila, mono yakuhadika na mono yakutwanga, ho wasangalalane hamonga.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Yohana 6:35

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

Yohana 6:58

Ayi yo ndigwa yono yatima kulawa ku wulanga, si yinhe mana yono walizaga i wasogo zenyu, wakafwa. Mono yakulya ndigwa yiyo, kokwikala mumi cibitilila.”

Yohana 7:37

Mwizuwa lyo mumalilizo we sikukuu yiyo, lyali izuwa iwaha. Yesu yakema yakalonga yenuye lizi, yakutya, “Munhu wo wose, mono yakaluce, yaze kwangu yangʼwe.”

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wilingʼano, na kundumilizo, wumi we cibitilila mu nzila ya Yesu Kilisito u Mutwa wetu.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

2 Wakolinto 1:22

kanyhi yo yaciwicila mutozo wo kuwela cili sawo yakwe mweneco, kanyhi yakacipela no Muhe Mono Yelile mu zinhumbula zetu, ho ciwe co cipingo ca zose zono yaciwiciye.

Waefeso 4:30

Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wugubule 7:16

“Nawo si wolowonela lukulu nzala hamba nyhilu, ne lizuwa hamba moto wunji, si wolowatowa kanyhi,

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”