Yohana 3:5 - I CILAGANE CIPYA 1991

⁵ Yesu yakamutya, “Mbeka nghukulonjela, munhu hono yalece kulelwa kwe malenga no Muhe, sikokwinjilila lukulu mu wutemi wo Mulungu.

Luganuzi Luswanu Kuli Wanhu Wose 2002

⁵ Yesu yakamutya, “Mbeka nghukulonjela, munhu hono yalece kulelwa kwe malenga no Muhe, sikokwinjilila lukulu mu wutemi wo Mulungu.

Yohana 3:5 ပူးပေါင်းရင်းမြစ်များ

Matayo 18:3

hanyuma yakawatya, “Ane nghumulonjelenyi mbeka, vyono hono mulece kupituka no kuwa nha vyono wenha i wana wadodo, si mosumila lukulu kwinjila mu Wutemi wa ku wulanga.

Matayo 19:24

Kanyhi nghumulonjelenyi nghutya nhavi, kupelu kuli ngamiya yikole mu cilanga co lusingʼani, si nha u munhu mugoli, kuwinjila mu Wutemi wa ku wulanga.”

Matayo 21:31

Alu wa hayi wa muli wawa i wejete mono yetuma u wuhile wo sogwe?” Nawo wakamupitula wakatya, “Yuyulya u mwana mulongozi.” Yesu yakawatya, “Nane nghumulonjelenyi mbeka, vyono i watoweza kodi, sunga ne wasenyha, womulongolelenyi kwinjila mu wutemi wo Mulungu.

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Matayo 3:11

Ane nghumubaputizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Hamba ane si nghwiliye kuwudinghula ne malatu gakwe. U Mwene ko mubaputizenyi ko Muhe Mono Yelile no ko moto.

Matayo 5:20

Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mwokwinjilila lukulu mu wutemi wa ku wulanga.

Maluko 10:14

Nayo Yesu yaza kuziwona zizo, yakakolwa ikuwo, yakawatya iwejizwa wakwe, “Walecenyi wawo iwana wadodo wanyizize, mulece kuwemila, hambi u wutemi wo Mulungu nha wuli so wanhu wono wenha iwana wadodo wawa.

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Maluko 9:47

Ne liso lyako hono likwiwajize, ale wuliwusaje wulitaje, hambi nha yili ciba kuliʼgwe winjile mu wutemi wo Mulungu wina liso limonga du, si nho kuwa ne meso gako gose vyono mejete, no kutagwa mu moto we Gehena.

Luka 13:24

Yesu yakawatya, Muhidimbale kwinjila mu mulango mufinyu, hambi nha nghumulonjelenyi mbeka, vyono wenji wojela kwinjila, ninga si wosuma.

Luka 13:3

Nghumutyenyi, ngʼo ye; ninga na nyenye hono mulece kunena, molofwa wose nhavivyo.

Luka 13:5

Nghumutyenyi, ngʼo ye, ninga nanye hono mulece kunena, molofwa wose nhavivyo.”

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Yohana 3:4

Nikodemo yakamuwuza yakatya, “Alu munhu hono yaza munhu mututu, kosuma kulelwa kanyhi? Si kosuma kwinjila muʼnda yo nyina ho yalelwe lwe kejete kanyhi.”

Metumo ge Watumwa 2:38

Petelo yakawatya, “Nenenyi no kubaputizwa wose, mwitagwa lya Yesu Kilisito, ho mutuje wunenelwe wo wubi wenyu; no kubocela acilya icipegwa co Muhe Mono Yelile.

Metumo ge Watumwa 3:19

Alenyi muyikawanizaje mikalile yenyu imibi, mumuwuyile u Mulungu, nayo ho yawupate wubi wenyu,

Walumi 14:17

Hambi wutemi wo Mulungu nha si wuli mu wutye no wungʼwe, langa wuli mu wilingʼano, no mulamu, ne nyemo mu Muhe Mono Yelile.

Walumi 8:2

Hambi uwulajilize wo Muhe, wono wuletaga wumi so wilunza na Kilisito Yesu, nha wanghomboza kuwulawa mu wulajilize wo wubi na we lifwa.

1 Wakolinto 15:50

Holeka wandugu zangu, nghutya nhavi, acilya cono canozwa ko muwili ne sakami, si cosuma kwinjila mu wutemi wo Mulungu, naco cono cihodanjikaga, hamba si cosuma kuwa no wuwe wono si wuhodanjikaga.

1 Wakolinto 2:12

Ninga ase alu, si cabocela u muhe we yinze, langa camubocela u Muhe mono yakulawa kuli Mulungu, ho yacipele u wumanye wo kuzimanya azilya zono capegwa no Mulungu.

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwitagwa lyo Muwaha Yesu Kilisito na ko Muhe wo Mulungu wetu.

Wagalatiya 6:15

Holeka kwalama hamba wuleka kwalama si cinji yaye, langa u wuwumbwe wupya co cinhu ciwaha.

Waefeso 5:26

Yanoza nhavivyo ho yalyezeze mu nghani yakwe, yaliwice siya kuli Mulungu, lono yakondya kulyeza ko kulihovuga kwe malenga,

1 Petelo 1:2

Nayo Mulungu u Sogo yo munhu yakamuhagulenyi nyenye ko wuhile wakwe, no kwezwa no Muhe Mono Yelile, ho mumuhulice Yesu Kilisito no kukwemwa ne sakami yakwe. Lihewa no mulamu vyonjelecele kuliʼnye.

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenyeʼlu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezagwa mu ciselinji ciswanu. Cikumuponyenyi mu nzila yo wuzuce wa Yesu Kilisito,

1 Yohana 2:29

Mumanyile nha vyono Kilisito yo we lingʼani muno, holeka yinojeye munhu wo wose yamanye vyono mono yakwituma zo wilingʼano yuyo yo mwana wo Mulungu.

1 Yohana 5:1

U munhu wo wose mono yehuwiye vyono Yesu yo Kilisito, yuyo yo mwana wo Mulungu, na mono yamwendile u mulezi, yakuwa kumwenda no mwana wa yuyo mulezi.