Yohana 3:35 - I CILAGANE CIPYA 1991

³⁵ U Sogo yo munhu yamwendile Mwana, Nayo yamupelile vinhu vyose.

Luganuzi Luswanu Kuli Wanhu Wose 2002

³⁵ U Sogo yo munhu yamwendile Mwana, Nayo yamupelile vinhu vyose.

Yohana 3:35 ပူးပေါင်းရင်းမြစ်များ

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kononze.

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Yohana 13:3

Nayo Yesu yali yamanyile vyono Sogwe yamupeye vyose mu mawoko gakwe, na vyono yalawa kuli Mulungu, na kanyhi yakuwuya kuli Mulungu.

Yohana 15:9

Ane nimwendilenyi anye, nha vyono Baba yanyenda ane. Mwikalaje mu wendo wangu.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

Yohana 17:26

Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Yohana 5:20

U Sogo yo munhu yamwendile Mwanagwe, kanyhi kamulajilaga zose zono yakwituma mweneco, kanyhi komulajila ne metumo mawaha gono gacizize gaga, nanye mokwizina.

Yohana 5:22

Sogo yo munhu si yakumulingʼaniza munhu wo wose, ninga u mulimo wose wo kulingʼaniza, yamupela u Mwanagwe,

1 Wakolinto 15:27

Hambi imandiko nha gakutya, “U Mulungu koviwika i vinhu vyose hasi ye magulu gakwe.” Ninga, Mandiko lono gakutya “Vinhu vyose vyolowikwa hasi ye magulu gakwe ho yaviteme, yili calinze vyono u Mulungu si kosuma kwinjila mwipuga lilyo lye vinhu, vyono u mwene yo yakuviwika vinhu vivyo hasi ya Kilisito.”

Waefeso 1:22

U Mulungu yakaviwika vyose ha magulu gakwe hasi, yakamuwika mwi Kanisa ho yawe muwaha muli vyose.

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

1 Petelo 3:22

mono yabita ku wulanga, nalu yekaye ku lubavu lo Mulungu, yawatemile wamalayika, ne wawaha, na wono walawiliciye.