Yohana 3:15 - I CILAGANE CIPYA 1991

¹⁵ muli wose mono yakumwihuwila, ho yawe no wumi we cibitilila.

Luganuzi Luswanu Kuli Wanhu Wose 2002

¹⁵ muli wose mono yakumwihuwila, ho yawe no wumi we cibitilila.

Yohana 3:15 ပူးပေါင်းရင်းမြစ်များ

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Luka 19:10

Hambi Mwana wo Munhu nha yaza kulondola no kuponya i wanhu wono wajiliye.”

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo ho mutuje wumi muli mwene.

Yohana 3:16

Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Yohana 6:47

Mbeka nghumulonjelenyi, vyono mono yakwihuwila, yena u wumi we cibitilila.

Metumo ge Watumwa 13:41

‘Lanjenyi ta, anye mo wabedegazi, mwizine mwajilile! Hambi nha nghwituma mulimo mu vilo vyenyu, Mulimo wono si mokwihuwilila lukulu, hamba munhu yamulonjelenyi muno.’ ”

Metumo ge Watumwa 8:36

Na lono wali wakali wajendeleye no muhinzo, wakafika hanhu hono hogali malenga, na yuyo munhu yakatya, “Langa ta, aga malenga, wule ho cili cono cikunyimila ho ndece kubaputizwa?” [

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wilingʼano, na kundumilizo, wumi we cibitilila mu nzila ya Yesu Kilisito u Mutwa wetu.

1 Wakolinto 1:18

Hambi inghani yono yikulolosa zo wufwe wa Kilisito mu musalaba, yikuwa nha nghani ya wulele kuli walya wose wono wali mu mukumbo wo wajilile, ninga kuli ase mono cili mu nzila ye mhonelo, inghani yiyo, vyo vilungo vyo Mulungu.

2 Wakolinto 4:3

Hambi u Luganuzi Luswanu lono cikuluganula, hono luhundikwe, lowa luhundikwe kuli wono wakwajilila du.

Wagalatiya 2:16

Ninga cimanyiye lukulu vyono u munhu si kosuma kuvumilwa hali Mulungu ku soko yo kuwibata u Wulajilize, langa so kumwihuwila Yesu Kilisito du. Na sese cimwihuwiye Yesu Kilisito nha vivyo ho cisume kuvumilwa hali Mulungu mu nzila yo wihuwilo wetu kuli Kilisito, hamba si so wibate wo Wulajilize.

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

Wahebelaniya 10:39

Ninga ase si cili wayagwe na walya wono wakuwuya ne nyuma, no kwajilila, langa ase cihuwiye no kuponywa i zinhumbula zetu.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

1 Yohana 2:25

No wihuwizo wono yacihuwiziza ase, nha wowu, u wumi we cibitilila.

1 Yohana 5:1

U munhu wo wose mono yehuwiye vyono Yesu yo Kilisito, yuyo yo mwana wo Mulungu, na mono yamwendile u mulezi, yakuwa kumwenda no mwana wa yuyo mulezi.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.