Yohana 21:7 - I CILAGANE CIPYA 1991

⁷ U mwijizwa yuyo mono yali yendigwe na Yesu, yakamutya Petelo, “Yo mwene Muwaha.” Nayo Petelo yaza kuhulika vyono yo mwene Muwaha, yakawa kwitunga mwenda wakwe (hambi nha si yali yetunjile) yakelujila mwilenga.

Luganuzi Luswanu Kuli Wanhu Wose 2002

⁷ U mwijizwa yuyo mono yali yendigwe na Yesu, yakamutya Petelo, “Yo mwene Muwaha.” Nayo Petelo yaza kuhulika vyono yo mwene Muwaha, yakawa kwitunga mwenda wakwe (hambi nha si yali yetunjile) yakelujila mu malenga.

Yohana 21:7 ပူးပေါင်းရင်းမြစ်များ

Maluko 11:3

Hono munhu yunji yamuwuzenyi, ‘Alu so cici mukunoza nhavivyo?’ Muteze, ‘Umuwaha yakuyisaka, ninga kanyhi koyigomola bahano musunho.’ ”

Luka 12:35

“Mweze mwiwikanize muli yoyose yono yokwijela, ne misipi yenyu yeze miwope mu viwino, ne zitala zenyu ziwe kwaka;

Luka 2:11

hambi izuwalili nha mulelelwa Muponyi ku soko yenyu mu kaya ya Dawudi, yo Kilisito u Muwaha.

Luka 7:47

Holeka nghukutya, wendo wakwe wukulajila vyono, hamba yawe yali yena wubi winji, kanenelwa. Ninga wowose mono kanenelagwa nghani ndodo yo kendaga hadodo.”

Yohana 13:23

Yumonga muyagwe ne wejizwa, mono Yesu yali yamwendile muno, yali yekaye behi na Yesu.

Yohana 19:26

Holeka Yesu yaza kumuwona u nyina, hamonga no mwijizwa mono yali yamwendile, yemile behi no nyina, baho yakamutyo nyina, “Yaya, wulanje ta, yuyo yo Mwanago!”

Yohana 20:2

Nayo yakawa kubita lumangho sunga kwa Simoni Petelo, no mwijizwa muyagwe mono yali yendigwe na Yesu, yakawatya, “Wamuwusa Muwaha mu citenjelo, hamba si cimanyile hono wamuwicile.”

Yohana 20:20

Nayo yaza kukondya kulonga zizi, yakawalajila imiwoko yakwe, no lubavu lwakwe. Nawo iwejizwa wakasangalala waza kumuwona u Muwaha.

Yohana 20:28

Tomaso yakapitula yakamutya, “Muwaha wangu no Mulungu wangu!”

Yohana 21:20

Baho Petelo yakapituka, nayo yakamuwona yuyulya u mwijizwa mono Yesu yali yamwendile, yakuwatyatya. U mwijizwa yuyu, yo ayulya u mwijizwa mono yali yekaye behi muno na Yesu ha zindigwa ze cinyamihe, mono yamuwuza Yesu yakutya, “Muwaha nani mono kokugaluka.”

Yohana 21:24

Ayu yo mwijizwa mono yazihomelela zinghani zizi, no kuzandika. Nase cimanyile vyono wuhomelezi wakwe wa mbeka.

Yohana 21:8

Ninga awalya iwejizwa wanji wakaziza mu cigalawa sunga ko ku nhumbi, akuno wakulukwega lwavu lono lwali lumemile masomba, hambi nha si wali walikutali ne yisi nghavu, langa yali nha meta igana limonga du, kuwulawa ku nhumbi.

Metumo ge Watumwa 10:36

Ayi yo nghani yo Mulungu yono yawategulila iwana wa Isilayeli, yakuganula u Luganuzi Luswanu lono lukule ta mulamu muli Yesu Kilisito, mono yo Muwaha wa wose.

Metumo ge Watumwa 2:36

“Ne mhuga yose ya Isilayeli yiwanojeye wamanye manyi manyi, nha vyono, u Mulungu yamunoza yuyo, kuwa yo Muwaha kanyhi yo Kilisito, yuyo Yesu mono mwamutumbika nyenye.”

1 Wakolinto 15:47

Nayo Adamu u mulongozi, nha yawumbwa ko muhangha, holeka u mwene wa muhangha, ninga u munhu we kejete, ayo yalawa ku wulanga.

2 Wakolinto 5:14

Hambi ase nha citemigwe no wendo wa Kilisito, mono cikwizuka nha vyono u munhu monga du, yafwa ku soko ya wose, nayo yiyo yikulajila nha vyono wose wakuhangana i lifwa lyakwe.

Yakobo 2:1

Wandugu zangu, hono muwe mumwihuwiye u Muwaha Yesu Kilisito, u Muwaha wo lukumyo, mulecele lukulu kuwawagula wanhu.