Yohana 21:23 - I CILAGANE CIPYA 1991

²³ Ne nghani yiyo yikamanyika muli we zindugu, vyono u mwijizwa yuyo si kolofwa. Ninga Yesu si yamulonjela vyono u mwijizwa yuyo si kolofwa, langa yatya, “Hono nyende yuyu yekale sunga kolo nghuza, agwe wina nghani ʼci?”

Luganuzi Luswanu Kuli Wanhu Wose 2002

²³ Ne nghani yiyo yikamanyika muli we zindugu, vyono u mwijizwa yuyo si kolofwa. Ninga Yesu si yamulonjela vyono u mwijizwa yuyo si kolofwa, langa yatya, “Hono nyende yuyu yekale sunga kolo nghuza, agwe wina nghani 'ci?”

Yohana 21:23 ပူးပေါင်းရင်းမြစ်များ

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Metumo ge Watumwa 1:15

Hanyuma ya vilo vicefu, hakawa na mukungʼano wa wono wali wakondya kwihuwila, wali waficile nha wanhu igana limonga na makumi mejete. Petelo yakema hamwande yawo,

Metumo ge Watumwa 28:14

Na kuko cikawagana we zindugu, wono wacilomba cikalane nawo kwa vilo mupunghati. Nhavivyo cikawa kufika ku Lumi.

Metumo ge Watumwa 6:3

Holeka wandugu zetu, mwiyihagulaje muli nyenye, wanhu mupunghati, we lilumbo, wono wamemile Muhe ne mahala, ciwawice mu mulimo wuwu.

1 Wakolinto 11:26

Hambi nha ho hose lono mukuwulya u mukate wuwu no kucingʼwa i cikombe cici, nha mukwanza ze lifwa lyo Muwaha, sunga kono kolo kuziza.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

Yakobo 5:7

Ale, wandugu zangu, mweze no wukangalile sunga Muwaha kolo kokuziza. Lanjenyi ta u mulimi vyono kalindilaga ko wukangalile i ndudula yakwe yilete ndigwa swanu. Umwene kalindilaga ko wukangalile i mvula ye lifuku ne ye lihwela.

Wugubule 2:25

Ninga munojeye mukamisize lukulu cono mwina naco lulu, sunga kolo neza kuza.