Yohana 21:17 - I CILAGANE CIPYA 1991

¹⁷ Lwe kadatu kanyhi yakamutya, “Ati Simoni go mwana wa Yohana, wunyendile ane ʼmbi?” Nayo Petelo yakakalala vyono Yesu yamuwuzize kadatu yakutya, “Unyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Luganuzi Luswanu Kuli Wanhu Wose 2002

¹⁷ Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Yohana 21:17 ပူးပေါင်းရင်းမြစ်များ

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga muli wawa i wandugu zangu wadodo, ale, mwanhendela nene.’

Maluko 14:72

Baho nayo inzogolo yikawa kulila lwe kejete. Ale, Petelo yakakumbucila vyono Yesu yali yamulonjeye, vyono “Lono inzogolo yowa yikali siyinalila kali kejete, agwe kowa wakondya kunghana kali kadatu.” Hodu Petelo yakalila muno muno tobo ne mahozi.

Yohana 12:8

Hambi i waciwa nha mowa mwina nawo nhondo zose. Ninga ane si mowa nane nhondo zose.”

Yohana 13:38

Yesu yakatya, “Wule, wiwikanize mbeka kufwa kusoko yangu? Mbeka nghukulonjela Petelo, Nzogolo yowa yikali sinalila, nagwe kowa wanghana kali kadatu, wukutya vyono si wumanyileʼne.”

Yohana 14:15

“Hono munyende, mokwibata i malajilizo gangu.

Yohana 15:10

Hono mwibate malajilizo gangu, mokwikala mu wendo wangu, nha vyono nane nibate malajilizo ga Baba, nikaye mu wendo wakwe.

Yohana 16:30

Alu nhondo camanya he, vyono wuzimanyile zose, hamba si wukusaka munhu yakuwuze cinji, holeka cihuwiye vyono walawa kuli Mulungu.”

Yohana 18:27

Petelo yakakana kanyhi, na lulo baho du, nayo nzogolo yikawa kulila.

Yohana 18:4

Ninga Yesu vyono yali yamanyile na katali, zose zono sizoleka kumwagana, yakalawila, yakawatya, “Alo mukumulondola nani?”

Yohana 21:18

Nghukulonjela mbeka, vyono “Lono wali wukali mudodo, wali wuzoweye kwiwopa musipi no kubita ko kose kono wasakaga. Ninga kolo weza kukombipa, kologolola mawoko gako, na yunji kolokuwopa, yakutegule kono si wendile.”

Yohana 4:16

Yesu yakamutya, “Ubite ukamuceme u mulume wako wuze nayo bahano.”

Metumo ge Watumwa 1:24

Hanyuma wakalomba wakatya, “Gwe go Muwaha, mono umanyile zinhumbula ze wanhu wose, alu wulajile muli wawa vyono wejete, mono wumuhaguye,

Metumo ge Watumwa 11:10

Ne nghani yiyi yikanozeka nganghulo yidatu, na ndumilizo, vyose vikagomolwa kanyhi ku wulanga.

Metumo ge Watumwa 15:8

Nayo Mulungu mono yazimanyile zinhumbula ze wanhu, yakawahomelelela ko kuwapela Muhe Mono Yelile nha vyono yacipela sese.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

Waefeso 4:30

Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

1 Petelo 1:6

Ale, musangalale, so nghani yiyo, hambe yiwe alu mu cidaha cidodo vivi, simoleka kukalazwa so majelo ganji ganji gono mukugazika.

2 Petelo 3:1

Nyo wendece wangu, ayi yo baluwa yangu ye kejete yono nghumwandicilenyi. Na mu zibaluwa zizo zinyejete nali kujela kumuswaswanizenyi i mahweso maswanu ga mu mahala genyu, ko kumukumbucizenyi zinghani zizi.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wuwuleco wubi wako.