Yohana 20:19 - I CILAGANE CIPYA 1991

¹⁹ Mwizuwa lilyo lye jumapili cinyamihe, iwejizwa wali wehangulize hamonga mu nyumba mugati, ne milango yikawa midinde, kusoko vyono wawogopaga iwalongola we Wayahudi. Nayo Yesu yakaza, yakema haciligati yawo, yakawatya, “Mulamu wuweze muli nyenye.”

Luganuzi Luswanu Kuli Wanhu Wose 2002

¹⁹ Mwizuwa lilyo lye jumapili cinyamihe, iwejizwa wali wehangulize hamonga mu nyumba mugati, ne milango yikawa midinde, ku soko vyono wawogopaga iwalongola we Wayahudi. Nayo Yesu yakaza, yakema haciligati yawo, yakawatya, “Mulamu wuweze muli nyenye.”

Yohana 20:19 ပူးပေါင်းရင်းမြစ်များ

Matayo 10:13

Na hono iwanya kaya yiyo wamubocelenyi u mulamu wenyu, ale mulamu wenyu wokwikala hamonga nawo. Ninga hono wekale si wawuboceye u mulamu wenyu, ale u mulamu wenyu womuwuyilenyi nyenye mo weneco.

Matayo 18:20

Hambi nha ho hose hono wakwihanguliza wejete hamba wadatu, ku soko ye litagwa lyangu, nane nili baho muciligati yawo.”

Maluko 16:14

Na kundumilizo, Yesu yakejela kuli wejizwa we likumi na monga lono walizanaga ha meza. Nayo yakawatacila muno so wuleka kwihuwila kwawo no wukamu we zinhumbula zawo, hambi nha siwawehuwila wawalya wono wamuwona lono yali yazuka.

Yohana 14:27

“Mulamu nghumulecelenyi, mulamu wangu nghumupeleyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Yohana 16:22

Anye nanye mu cidaha cici, mwina wukalale, ninga nolomuwonenyi kanyhi, ne zinhumbula zenyu zolosecelela, ne nyemo yenyu, hasina mono yakumuwusizenyi.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Yohana 20:21

Nayo Yesu yakawatya kanyhi. “Mulamu wuweze muli nyenye. Nha vyono ane Baba yanhuma, nane vyo nghumutumenyi nanye nhavivyo.”

Yohana 20:26

Vyaza kupuluta vilo munana, iwejizwa wawo wakawa kanyhi mumulya mugati, hamonga na Tomaso. Ne milango yali midindwe, ninga Yesu yakaza, yakema ha ciligati yawo, yakawatya, “Mulamu wuweze muli nyenye.”

Yohana 21:1

Hanyuma ya zizo, yakelajila kanyhi kuli wejizwa wakwe ha mwejelele we lilenga lya Tibeliya. Nayo yelajila nhavi kuli wene.

Yohana 21:14

Alu lwali lo lwe kadatu, lwa Yesu kwilajila kuli wejizwa wakwe, lono yali yakondya kuzuka muli wafu.

Yohana 7:13

Hamba nha vivyo, hasina munhu mono yejelela kumulonga ciwonelela so kuwogopa i walongola we Wayahudi.

Metumo ge Watumwa 1:3

Na lono, yali yatamiswa yakondya, yakelajila kuli wene vyono mumi, mu vitanjilo vinji vye vilungo, lono yejelaga kuli wene idaha lya vilo makumi maʼne. Wamuwona, nayo yakaduwana nawo muli zo wutemi wo Mulungu.

Walumi 15:33

Ale u Mulungu wo Mulamu yawezane na nyenye wose. Heya.

1 Wakolinto 15:5

na vyono kanyhi yejela kuli Kefa, na hanyuma yayo yakejela kuli awalya we likumi na wejete.

Waefeso 2:14

Hambi Kilisito mweneco nha yo yaciletela u mulamu ko kuwanoza i Wayahudi ne wanhu we makungugo ganji wawe nha ndugu monga. Yakalipambula ko muwili wakwe, i libupa lyono lyali liwatemanuye, no kuwaletela wulugu munhu na muyagwe.

Waefeso 6:23

Nghulomba mulamu wuwe muli nyenye we zindugu wose, hamonga no wendo, no wihuwilo wono wukulawa kuli Mulungu Baba na kuli u Muwaha Yesu Kilisito.

Wafilipi 1:2

Ilihewa no mulamu vyono vikulawa kuli Mulungu Sogo yetu, na kulawa kuli Muwaha Yesu Kilisito.

2 Watesalonike 3:16

U Muwaha mweneco, yo mwamulizo wo mulamu, yamupelenyi mulamu nhondo zose muli zose. U Muwaha yawezane na nyenye wose.

Wahebelaniya 7:2

nayo Abulahamu yakamugawila i lipinga lye likumi lya muli vyose vyono yali yena navyo. (Ne nhunizo yino nongozi ye litagwa lili lya Melicizedeki, wo wutya, “U mutemi wo wilingʼano,” na vyono u mwene yali mutemi wa Salemi, ilitagwa lilyo nalyo lina nhunizo yo wutya, “U mutemi wo Mulamu.”)

3 Yohana 1:14

Ninga nitumbiye vyono si notinya kukuwona, baho ho coduwana meso kwa meso.

Wugubule 1:4

Ane yo nene Yohana mono nghugandicila makanisa mupunghati gono gali mu yisi ya Asiya. Ilihewa no mulamu vyeze kulinye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga heʼgoda lyakwe lyo lukumyo,