Yohana 20:1 - I CILAGANE CIPYA 1991

¹ Mwizuwa lye jumapili, hakali mitondo muno muno, lono kwali kukali kutitu titu, Malyamu Magadalena yakabita ku citenjelo, nayo yakawona libwe yiwuse mu mulango we citenjelo.

Luganuzi Luswanu Kuli Wanhu Wose 2002

¹ Mwizuwa lye jumapili, hakali mitondo muno muno, lono kwali kukali kutitu titu, Malyamu Magadalena yakabita ku citenjelo, nayo yakawona libwe yiwuse mu mulango we citenjelo.

Yohana 20:1 ပူးပေါင်းရင်းမြစ်များ

Matayo 27:56

Na muli wawo, mwali moyuli na Malyamu Magadalena, na Malyamu u nyina wa Yakobo na Yusufu hamonga no nyina we wana wa Zebedayo.

Matayo 27:60

yakawuwika mu citenjelo cakwe i cipya cono yali yacitulile mwitalawe. Hanyuma, yakabidusiza libwe yiwaha, ha mulango we citenjelo, hodu yakawa kubita.

Matayo 27:64

Holeka wulajilize i citenjelo cidimwe muno, sunga mwizuwa lye kadatu, iwejizwa wakwe walece kumuhiza, na hanyuma wawe kuwalonjela wanhu, nha vyono kazuka. No wulambi wuwuno we ndumilizo, nhondo wowa wubi muno muno si nha awulya u wulongozi.”

Matayo 27:66

Nawo wakabita, wakacilindiliza citenjelo wakaliwicila ilibwe citanjilo, wakamuwika no musilikale u mulindilizi.

Matayo 28:1

Ilizuwa lye Sabato lyaza kupuluta, na lono lizuwa lyali behi no kusosomoka mwizuwa lye Jumapili, Malyamu Magadalena hamonga na Malyamu ayulya yunji, wakabita ku wugoza citenjelo.

Matayo 28:2

No wucicime we yisi wukaza kwa nhinicizo muno na Malayika wo Muwaha yakatima kuwulawa ku wulanga, yakaliwusa i libwe lililya, nayo yakalikalila mucanyha yayo.

Maluko 15:46

Baho Yusufu yakagula sanda ye bafuta, yakawutimya hasi muwili wuwo, yakawudajiliza ne sanda. Yakawuwika mu citenjelo cono cali cituligwe mwitalawe, hanyuma yayo yakabidusiza libwe yiwaha ku mulango we citenjelo.

Maluko 16:9

Nayo Yesu yaza kuzuka mwizuwa lye Jumapili hakali mitondo muno, yakamula kwilajila kuli Malyamu Magadalena, mono Yesu yamulavya macisi mupunghati.

Yohana 11:38

Yesu yakakalala kanyhi mu nhumbula, yakafika ha citenjelo, naco citenjelo cali ca mhango, naco cali cigubicizwe ne libwe.

Yohana 11:41

Hodu, wakawa kuliwusa libwe. Nayo Yesu yakagalamila ku wulanga, yakatya, “Baba nghukulumba vyono agwe wukuhuliciza ane.

Yohana 19:25

Behi no musalaba wa Yesu, wali wemile u nyina wa Yesu, no mwanakwawe wo nyina, Malyamu u mugolece wa Kileyopa, na Malyamu Magadalena.

Yohana 20:26

Vyaza kupuluta vilo munana, iwejizwa wawo wakawa kanyhi mumulya mugati, hamonga na Tomaso. Ne milango yali midindwe, ninga Yesu yakaza, yakema ha ciligati yawo, yakawatya, “Mulamu wuweze muli nyenye.”

Metumo ge Watumwa 20:7

Mwizuwa lye jumamosi cinyamihe, cikekonghola ho ciwubegule umukate. Alu vyono Pawulo yahilaga kwilawa kuwuka hakali mitondo, holeka yakajendelela kuwaganulila nghani, sunga mu cilo mugati.

1 Wakolinto 16:2

Wose muli nyenye, mu vilo vyose vye jumapili, mweze kuwika siya zipesa nha vyono yinha munhu ha nghango ya vyono katugaga, ho halece kuwa na soko kanyhi yo kuwa no wuhangulize wunji wo wose kolo nghuza.

Wugubule 1:10

Ale mwizuwa linji, lizuwa lyo Muwaha, nghawa mu Muhe, nghahulika yizi yiwaha mu nyuma yangu linha mulilo we ndulele.