Yohana 2:13 - I CILAGANE CIPYA 1991

¹³ Sikukuu ye Wayahudi yono yicemagwa Pasaka, yikawa yasejelela, holeka Yesu yakabita ku Yelusalemi.

Luganuzi Luswanu Kuli Wanhu Wose 2002

¹³ Sikukuu ye Wayahudi yono yicemwaga Pasaka, yikawa yasejelela, holeka Yesu yakabita ku Yelusalemi.

Yohana 2:13 ပူးပေါင်းရင်းမြစ်များ

Matayo 21:12

Hodu, Yesu yakawa kwinjila mu Nyumba yo Mulungu yakawa kuwawinjila kunze, iwanhu wono waguzaga no kugula ivinhu mugati ye Nyumba yo Mulungu, yakazigalandula i zimeza za wono wakawaga zipesa, sunga ne magoda ga wono waguzaga zinziwa.

Maluko 11:15

Ale, wakafika ku Yelusalemi. Yesu yakenjila mu Nyumba yo Mulungu, yakanza kuwawinjila kunze i wanhu wono waguzaga no kugula vinhu mumo. Yakazigwisanga izimeza za wawalya wono wakawaga zipesa, ne magoda ga wawalya wono waguzaga zinziwa.

Luka 19:45

Hanyuma Yesu yakenjila mu Nyumba yo Mulungu, yakanza kuwawinjila kunze wono wambazaga,

Luka 2:41

Ne walezi wa Yesu wabitaga myaka yose ku Yelusalemi, mu cidaha ce Pasaka.

Yohana 11:55

Ale, Isikukuu ye Wayahudi yo ye Pasaka, yali yeza yili behi, na wanhu wenji wakabita ku Yelusalemi, ho weyeze lono sikukuu yiyo yikali.

Yohana 13:1

Isikukuu ye Pasaka, lono yali yikali nafika, Yesu yakamanya vyono cidaha cakwe cafika, co kuwuka mono yinze yiyi, yabite kuli Sogwe. Nayo yakawendela lukulu iwanhu wakwe, wono wali mononze sunga ko ku ndumo.

Yohana 2:23

Nayo Yesu, lono yali ku Yelusalemi ku sikukuu ya Pasaka, wanhu wenji wamwihuwila, waza kuviwona ivitanjilo vyono yavinoza kuko.

Yohana 5:1

Hanyuma ya zizi kukawa na sikukuu ya Wayahudi, nayo Yesu yakabita ku Yelusalemi.

Yohana 6:4

I Pasaka, sikukuu ye Wayahudi yali yasejelela.