Yohana 19:38 - I CILAGANE CIPYA 1991

³⁸ Zaza kukondya zizi, Yusufu wa Alimataya, yuyo yakamulomba Pilato, yawusole u muwili wa Yesu. (Nayo Yusufu yali mwijizwa wa Yesu, ninga kwa cinyele hambi nha yawogopaga i walongola we Wayahudi.) Nayo Pilato yakalumba. Holeka Yusufu yakaza yakawusola u muwili wa Yesu.

Luganuzi Luswanu Kuli Wanhu Wose 2002

³⁸ Zaza kukondya zizi, Yusufu wa Alimataya, yuyo yakamulomba Pilato, yawusole u muwili wa Yesu. (Nayo Yusufu yali mwijizwa wa Yesu, ninga kwa cinyele, hambi nha yawogopaga i walongola we Wayahudi.) Nayo Pilato yakalumba. Holeka Yusufu yakaza, yakawusola u muwili wa Yesu.

Yohana 19:38 ပူးပေါင်းရင်းမြစ်များ

Wafilipi 1:14

Na wuwu wuwopwe wangu wawanoza we zindugu wenji wawe no wihuwilo muli Muwaha, sunga wakucila kuwa ne vilungo mu wuganula i nghani yo Mulungu wasina woga.

Yohana 7:13

Hamba nha vivyo, hasina munhu mono yejelela kumulonga ciwonelela so kuwogopa i walongola we Wayahudi.

Yohana 12:42

Hamba nhavivyo, iwalongola wenji we Wayahudi, wamwihuwila Yesu. Ninga si wasuma kumuvumila ciwonelela, vyono wawogopaga Iwafalisayo, ho walece kuwawinga mu nhangʼanilo yo wuhembelo.

Yohana 9:22

Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhangʼanilo yo wuhembelo.

Metumo ge Watumwa 13:29

Sunga waza kukondeleza zose zono zandikwa muli mwene, wakamutungula mu musalaba, wakamuwika mu citenjelo.