Yohana 19:11 - I CILAGANE CIPYA 1991

¹¹ Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Luganuzi Luswanu Kuli Wanhu Wose 2002

¹¹ Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Yohana 19:11 ပူးပေါင်းရင်းမြစ်များ

Matayo 26:65

Baho nayo Mukohani Muwaha yakavidemulanga i vivwalo vyakwe akuno yakutya, “Katovula! Alu cina sokoci kanyhi yo kusaka wahomelezi? Nha muhulika nyo weneco i zinhovu zakwe.

Matayo 27:2

Wakamuwopa ne manyolo wakamusola wakamutegula kuli Pilato u muwaha we yisi.

Matayo 6:13

Wulece kucitegula mu wujelwe, Langa wuciponye na yulya u Mubi.’

Maluko 14:44

Nayo Yuda u mugaluci, yali yakondya kuwapela citanjilo yakutya, “Yuyo mono nomunonela, ale yo yuyo mono mukumusaka, nanye mumwibataje mumutegule hasi yo walindilizi.”

Luka 22:53

Lono caswezanaga nanye nhondo zose mu Nyumba yo Mulungu, nha si mwasuma kunyibata, ninga aci co cipango cenyu, co cipango co wutemi we citi.”

Yohana 18:13

Anasi yali mukwewe wa Kayafa mono yali mukohani muwaha mu mwaka wuwo.

Yohana 18:3

Baho Yuda yakasola mhuga ye Wasilikale, ne wawaha we Nyumba yo Mulungu, wono walawa kuli Wakohani wawaha ne Wafalisayo, yakabitana nawo kuko ku busitani, wena ne zitala hamonga ne vitwalo.

Yohana 19:10

Baho Pilato yakamutya, “Hongo si wukumhitula? Siwumanyile vyono ane nina wulajilize wo kukuwopolela, no wulajilize wo kukutumbicila?”

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Yohana 7:30

Baho wanhu wakasaka kumwibata, ninga hasina hamba munhu mono yejelela kumwibata, vyono cidaha cakwe cali cikali nafika.

Yohana 9:41

Yesu yakawatya, “Mhali muwe wabofu, si mwali muwe no wusutye, ninga alu anye mukutya, ase cikuwona, na yiyo yo yikulajila vyono mukali mwina wusutye.”

Metumo ge Watumwa 2:23

na mu wutemezwe no wumanye we katali wo Mulungu, yali yakondya kudumula nghani, vyono Yesu kowikwa mu miwoko yenyu, nanye mukamuwulaga mu nzila yo kuwalecela iwanhu wabi, wamutumbice mu musalaba

Metumo ge Watumwa 3:13

U Mulungu wa Abulahamu, na wa Isaka, na wa Yakobo, u Mulungu we wasetu, yo yamukumizye Mwitumami wakwe Yesu; mono mwamulavya anye, mwene yo yuyo mono mwamutajila mu miwoko ye wawaha, no kumulema hamwande ya Pilato, hambe Pilato yasakaga kumulecela.

Metumo ge Watumwa 4:28

Heya, wetangʼanila ho wanoze zizilya, zono wetemezezya no kuziwikaniza kwe vilungo vyako, na ko wendo wako, kuwulawa mwamulizo.

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

Walumi 13:1

Yimunojeye munhu wo wose, yaweze ne cihuliko kuli walongola wono wena u wulajilize mu Selekali, hambi u wulajilize wose nha wulawaga kuli Mulungu, nawo iwalongola wono wena uwulajilize, wawicigwe no Mulungu.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Yakobo 4:17

Ale, no munhu mono siketumaga ziswanu zono yazimanyile vyono zo zimunojeye yetume, ale yuyo yakwituma wubi.