Yohana 18:12 - I CILAGANE CIPYA 1991

¹² Icipuga cicilya ce Wasilikale, hamonga no muwaha wawo, hamonga ne walongola we Wayahudi, wakamwibata Yesu, wakamuwopa, wakamutegula kwanza kwa Anasi.

Luganuzi Luswanu Kuli Wanhu Wose 2002

¹² Icipuga cicilya ce Wasilikale, hamonga no muwaha wawo, hamonga ne walongola we Wayahudi, wakamwibata Yesu, wakamuwopa, wakamula kumutegula kuli Anasi.

Yohana 18:12 ပူးပေါင်းရင်းမြစ်များ

Matayo 26:57

Hodu, iwanhu wawalya wono wamwibata Yesu, wakamutegula sunga ku kaya ya Kayafa, Mukohani Muwaha, kuko kono wali wekongholeye i wejizi wo Wulajilize ne Wanyamhala.

Matayo 27:2

Wakamuwopa ne manyolo wakamusola wakamutegula kuli Pilato u muwaha we yisi.

Matayo 27:27

Hanyuma iwasilikale wo muwaha we yisi, wakamwinjiza Yesu mwikulu, wakamwikongholela ciwumbi cose.

Maluko 14:53

Ale, wakamutegula Yesu kuli Mukohani Muwaha, kono Iwakohani wawaha wose, ne wanyamhala ne wejizi wo wulajilize wali wekongholeye.

Maluko 15:1

Wali weza kwela hakali mitondo muno muno, iwakohani wakalaganila kumonga, hamonga ne wanyamhala ne wejizi wo Wulajilize, hamonga ne libalaza lyose, wakamuwopa Yesu ne manyolo, wakamutegula no kumukombola kuli Pilato.

Luka 22:54

Wakamwibata Yesu, wakamulongoza, wakamutegula ku kaya yo Mukohani muwaha. Na Petelo yakamutyatya yakujendela kutali.

Yohana 18:3

Baho Yuda yakasola mhuga ye Wasilikale, ne wawaha we Nyumba yo Mulungu, wono walawa kuli Wakohani wawaha ne Wafalisayo, yakabitana nawo kuko ku busitani, wena ne zitala hamonga ne vitwalo.

Metumo ge Watumwa 10:1

Kwali na munhu ku Kayisaliya, litagwa lyakwe Kolineliyo, muwaha we mhuga ye wasilikale igana, yono yacemagwa “Mhuga ye ci Italiya.”

Metumo ge Watumwa 21:31

Wakawa wewikaniza ho wamuwulaje, ninga izinghani zikamuficila u muwaha mulongola we lipuga lye wasilikale we Cilumi, vyono Yelusalemi yose yisagahaye.

Metumo ge Watumwa 21:37

Nawo wasilikale lono wamwinjizaga Pawulo mwigomawakali, Pawulo yakamulomba u muwaha we wasilikale, yakutya, “Wule, ndahile kukulonjela nghani?” Nayo u muwaha we wasilikale yakamutya, “Wule, wumanyile kulonga Cigiliki?

Metumo ge Watumwa 23:10

No wiwanganile waza jendelela kucila, u muwaha we wasilikale mulongola, yakogopa, yakutya mba Pawulo kodemulangwa nawo. Holeka yakawalajiliza wasilikale, wenjile mwipuga lye wanhu, wamuwuse Pawulo wamugomoleze mwigomawakali.