Yohana 17:26 - I CILAGANE CIPYA 1991

²⁶ Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Luganuzi Luswanu Kuli Wanhu Wose 2002

²⁶ Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Yohana 17:26 ပူးပေါင်းရင်းမြစ်များ

Yohana 14:20

Mwizuwa lilyo, anye ho molomanya vyono ane nili muli Baba, nanye muli muli nene, nane nili muli nyenye.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 15:15

Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, kusoko vyono nimulonjelenyi zose zono nazihulika kulawa kuli Baba.

Yohana 15:4

Mwikalaje muli nene, nane nikale muli nyenye. Nhe linhambi vyono si lyosuma kulela mikalo lili wene, hono lilece kwikala mu muzabibu, na nyenye si mosuma kulela mikalo, hono mulece kwikala muli nene.

Yohana 15:9

Ane nimwendilenyi anye, nha vyono Baba yanyenda ane. Mwikalaje mu wendo wangu.

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

Yohana 17:6

“Nane nghunoza agwe, wumanyice kuli wanhu wono wamhela kononze. Wali wanhu wako, nagwe ukamhela wawe wangu, nawo wayikamise inghani yako.

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 6:56

Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

Yohana 8:50

Ninga ane si niyilondolelaga lukumyo lwangu no mweneco, ko yuli yunji mono kalondolaga lukumyo lulo, nayo yo Mulingʼanizi.

Walumi 8:10

Ninga hono Kilisito yawe yali muli nyenye, hamba miwili yenyu yitwe kusoko yo wubi, ninga kuli ʼnye u Muhe, wo wumi, vyono mwanozwa muwe muvumiywe hali Mulungu.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

1 Wakolinto 12:12

Nha vyono winha u muwili monga, ninga wina wilunzwa vinji, ninga vikunoza muwili monga, ale nha vivyo vyo yinha kuli Kilisito.

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

Waefeso 1:6

Ninga cimukumyaje u Mulungu ku soko ye lihewa lyakwe lyo lukumyo muli Mwanagwe mwendece.

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

Waefeso 5:30

hambi ase nha cili vilunzwa vyo muwili wakwe.

Waefeso 5:32

Mu zinghani zizi moyili i mbeka yono yihundikwe mumo, nane nghuwona vyono yidomile kuli Kilisito ne Likanisa lyakwe.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Wakolosayi 2:10

Nanye mwapegwa wumi wono wukwilaniciye mu wilunza hamonga nayo. U Mwene yo Muwaha kuli myuhe yose yono yitemile sunga na kuli wawaha wose.

Wakolosayi 3:11

Na mu wuwe wuwo, musina kanyhi wisimajile kuli Mugiliki no Muyahudi, kuli mono yalame na mono si yalame, u musomi na mono si yasomile, u muwanda no munhu mwelecele. Langa vyose vili muli Kilisito du, nayo Kilisito yali muli vyose.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Wahebelaniya 2:12

nha vyono yakutya, “Gwe go Mulungu, nowalonjela i wandugu zangu ze metumo gako. Nane nokukumizya mu ciligati yo wihangulize wawo.”

1 Yohana 3:24

Mono yakugebata malajilizo go Mulungu, yo kekalaga muli Mulungu, nayo Mulungu yakwikala muli mwene. Mu nzila yo Muhe mono Mulungu yacipela, nase mo cikumanyila vyono Mulungu yakwikala muli sese.