Yohana 17:24 - I CILAGANE CIPYA 1991

²⁴ “Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali si yinawumbwa.

Luganuzi Luswanu Kuli Wanhu Wose 2002

²⁴ “Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali nawumbwa.

Yohana 17:24 ပူးပေါင်းရင်းမြစ်များ

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Matayo 25:23

U Muwaha wakwe yakamutya, ‘Ale viswanu wuli mwitumami muswanu kanyhi mwihuwilwa. Wali mwihuwilwa muli nghani ndodo du, alu nokupela i zimbaha zono zicizize zizi. Ale wuze wusangalalane hamonga no muwaha wako.’

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Matayo 26:29

Ane nghumulonjelenyi nha vyono si nongʼwela lukulu idivayi ye zizabibu, sunga mwizuwa alilya lyono nilangʼwela idivayi yimhya hamonga nanye mu Wutemi wa Baba.”

Luka 12:37

Wowa wamoti wetumami wawo wono mutwa wawo kolo yakuza, yakuwagana wekaye meso, mbeka nghumutyenyi yuyo mutwa wawo kokwiwopa musipi mu ciwino, kowekaza wene ha zindigwa, na kowetumamila.

Luka 23:43

Yesu yakamutya, “Mbeka nghukulonjela, izuwalili du cowezana nane ku Wulanga.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Yohana 14:3

Na hono mbite, nghamuwikanizizenyi wikalo, nolowuya, ho nimucemelenyi kwangu, nanye ho mwikale hono ho nili ane.

Yohana 15:9

Ane nimwendilenyi anye, nha vyono Baba yanyenda ane. Mwikalaje mu wendo wangu.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 17:22

Nane niwapela u lukumyo lono wamhela, ho wawe cinhu cimonga, nha vyono ase cili yumonga,

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba si nawumbwa.

Yohana 6:37

Wose wono yakumhela Baba wokuza kwangu, nane si nomutaga kunze wo wose mono yakuza kwangu.

Yohana 6:39

No wuhile wa mono yanhuma nha wowu, “Ndece kumwajiliza hamba yumonga muli wose wono napegwa nayo, langa niwazukule wose mwizuwa lya ku ndumo.”

Yohana 8:58

Yesu yakawatya “Ane nghumulonjelenyi mbeka, vyono lono Abulahamu yali yakali si nalelwa, ane nali nili baho.”

1 Wakolinto 13:12

Cono cikuciwona alu cinha futa du mwilole, yono si yikwijela viswanu, ninga baho hanyuma langa, ho colowona viswanu ciwonelela. Aluno manyile hadodo vivi du, ninga baho hanyuma langa, ho nolomanyila zose lukulu, nha vyono u Mulungu nayo yamanyile ane.

2 Wakolinto 3:18

Holeka ase wose mono si cifunicize wusu wetu, ale cikumulajilila lukumyo lo Muwaha kotya nha mwilole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

2 Wakolinto 5:8

Ninga hamba nha vivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

Wafilipi 1:23

Ninga ha mwande yangu ho zili nghani nyejete. Nghusulumila kuwuka mu wumi wuwu, ho nghekale hamonga na Kilisito, hambi nha yo nghani swanu muno,

1 Watesalonike 4:17

Hanyuma nase nhondo mono cili womi mwidaha lilyo, colonyasulanwa nawo mu mavunde no kumuhinjliiza u Muwaha, ale nha vivyo colowezana no Muwaha cibitilila.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Yohana 3:2

Mo wendece wangu, alu ase cili wana wo Mulungu ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

Wugubule 21:22

Hamba si nawona wuhembelo mwikaya lilyo, hambi u Muwaha Mulungu u Mudaha vyose, hamonga na yuyulya u Mwana we ngholo, nha wo wuhembelo walyo.

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.