Yohana 17:23 - I CILAGANE CIPYA 1991

²³ ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

Luganuzi Luswanu Kuli Wanhu Wose 2002

²³ ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono wunyendile ane.

Yohana 17:23 ပူးပေါင်းရင်းမြစ်များ

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 13:35

Hono mwiyende, iwanhu wose womanya vyono yo nyenye wejizwa wangu.”

Yohana 14:10

Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 15:9

Ane nimwendilenyi anye, nha vyono Baba yanyenda ane. Mwikalaje mu wendo wangu.

Yohana 16:27

hambi Baba nha yamwendilenyi mweneco, vyono nanye munyendile ane, mukehuwila vyono nalawa kuli Mulungu.

Yohana 17:11

Nane nghuza kwako luno, si nili mono yinze kanyhi. Ninga iwene wali mononze. Baba Mono Welile, wuwakamisizaje mwitagwa lyako lyono wamhela ane, nghukunena wuwakamisaje, ho wawe nha yumonga, nha vyono ase nase cili yumonga.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali si yinawumbwa.

Yohana 17:26

Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 3:17

Hambi u Mulungu, nha si yamutuma Mwanagwe kononze, ho yayilingʼanize iyinze, langa ho yayikomboze.”

Yohana 6:56

Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Wagalatiya 3:28

Holeka hasina kanyhi wisimajile wa muli Muyahudi no Mugilila, hamba muwanda no munhu mulelele, mucekulu hamba mulume. Hambi anye wose nha mwaweza cinhu cimonga muli Kilisito Yesu.

Wafilipi 3:15

Ale, ase wose mono cikwilaniciye mu mikalile ye Ci kilisito, yicinojeye ciweze no wuwe wuwuno. Ninga hono wawe wanji muli nyenye wakwihwesa visimajiye, ale u Mulungu komugubulilenyi nghani yiyo.

Wakolosayi 1:28

Na kusoko yiyo holeka cikumuganula Kilisito kuli wanhu wose, cikuwasugula wose kanyhi cikuwafunda wose mu mahala gose, ho cisume kuwaleta wose hali Mulungu akuno wakondizye kuwa wakangaye muli Kilisito.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Wakolosayi 3:14

Ne mbaha yono yicizize zose, mwikalanaje mu wiyendi nyenye wose. Hambi u wendo nha wo wukuwa kuvilunziza i vinhu vyose mu wumonga wono wukwilaniciye.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

1 Yohana 1:3

Cico cono cawona na cono cahulika co cikumwazizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

1 Yohana 4:19

Ase cina wendo, vyono Mulungu yamula kucenda.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuliʼgwe wakufugamile hamwande yako, ho wamanye vyono ane mbeka nghwendile agwe.