Yohana 17:20 - I CILAGANE CIPYA 1991

²⁰ “Hamba si nghuwalombela wawa du, langa nghuwalombela wose wono wonyihuwila kusoko ye zinghani zawo.

Luganuzi Luswanu Kuli Wanhu Wose 2002

²⁰ “Hamba si nghuwalombela wawa du, langa nghuwalombela wose wono wonyihuwila ku soko ye zinghani zawo.

Yohana 17:20 ပူးပေါင်းရင်းမြစ်များ

Yohana 10:16

Hozili zingholo zangu zinji zono si zili mwibululu lili, yinojeye zizo nazo nizilete; Nazo zolihulika ilizi lyangu. Nazo zowa itewa limonga no mudimi yumonga.

Yohana 17:19

Na ku soko yawo, nane holeka nghwisiwanula no mweneco, nawo ho wasiwanulilwe mu mbeka.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Metumo ge Watumwa 2:41

Wenji mwizuwa lilyo, wakayibocela nghani yakwe, no kubaputizwa. Wakonjelezeka wanhu nha elufu yidatu wono wehuwila.

Metumo ge Watumwa 4:4

Ninga wenji wono wayihulika i nghani, wehuwila, na ku wuwale, wali waficile nha wanhu elufu yihano.

Walumi 16:26

Ninga aluno, imbeka yiyo yakondya kugubulwa mu nzila ye Mandiko ge wawizi, na so lilajilizo lyo Mulungu we cibitilila, yakondya kulajilwa kuli makungugo gose, ho wose wasume kwihuwila no kuwa na cihuliko.

Waefeso 4:11

Kanyhi yo mwene mono yawagawila iwanhu vipegwa. Wanji yakawawika wawe watumwa, wanji wawe wawizi, na wanji wawe waganula u Luganuzi Luswanu, na wanji wawe wadimi na wejizi.

2 Timoteyo 1:2

nane nghukwandicila agwe Timoteyo, go mwanangu u mwendece. Lihewa, no lusungu no mulamu, vyono vikulawa kuli Mulungu Baba na kuli Kilisito Yesu u Muwaha wetu, vyeze hamonga nagwe.