Yohana 16:28 - I CILAGANE CIPYA 1991

²⁸ Nalawilila kuli Mulungu, nghaza kononze, alu nghuyileka kanyhi yinze, nghubita kuli Baba.”

Luganuzi Luswanu Kuli Wanhu Wose 2002

²⁸ Nalawilila kuli Mulungu, nghaza kononze, alu nghuyileka kanyhi yinze, nghubita kuli Baba.”

Yohana 16:28 ပူးပေါင်းရင်းမြစ်များ

Luka 24:51

Kukawa lono yawalugutizaga, yakawaleka, yakasolwa, yakabita ku wulanga.

Luka 9:51

Kukawa, vilo vyo wunyasulwe wakwe Yesu wo kubitila ku wulanga vyeza kusejelela, mwene Yesu yakawa yena yo wubita ku Yelusalemi.

Yohana 13:1

Isikukuu ye Pasaka, lono yali yikali nafika, Yesu yakamanya vyono cidaha cakwe cafika, co kuwuka mono yinze yiyi, yabite kuli Sogwe. Nayo yakawendela lukulu iwanhu wakwe, wono wali mononze sunga ko ku ndumo.

Yohana 13:3

Nayo Yesu yali yamanyile vyono Sogwe yamupeye vyose mu mawoko gakwe, na vyono yalawa kuli Mulungu, na kanyhi yakuwuya kuli Mulungu.

Yohana 14:28

Mwakondya kuhulika nghumulonjelenyi, vyono, ‘Nghubita ninga nomuwuyilenyi kanyhi.’ Mhali munyendile, mwali musangalale, vyono nghubita kwa Baba; hambi mwene nha yo Muwaha yanyhizize ane.

Yohana 16:10

wasutizye kuli zo wilingʼano, ku soko vyono ane nghubita kwa baba, nanye si mowa kumbona kanyhi,

Yohana 16:16

“Mu cipango cidodo, si mombona hamba nhavi, na hanyuma hadodo, ho mombona kanyhi!”

Yohana 16:30

Alu nhondo camanya he, vyono wuzimanyile zose, hamba si wukusaka munhu yakuwuze cinji, holeka cihuwiye vyono walawa kuli Mulungu.”

Yohana 16:5

Ninga alu nghumubitila mono yanhuma, hamba hasina muyenyu yunji muli nyenye mono yakumbuza, ‘Alo kono wukubita kwihi?’

Yohana 17:11

Nane nghuza kwako luno, si nili mono yinze kanyhi. Ninga iwene wali mononze. Baba Mono Welile, wuwakamisizaje mwitagwa lyako lyono wamhela ane, nghukunena wuwakamisaje, ho wawe nha yumonga, nha vyono ase nase cili yumonga.

Yohana 17:13

Alu ninga nghuza kwako na zizi nghulonjela mononze, ho wasume kuhanga mu nyemo yangu, mu wukwilanicile.

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba si nawumbwa.

Yohana 8:14

Yesu yapitula yakawatya, “Ninga ane hamba niyihomelele no mweneco, wuhomelezi wangu wa mbeka, hambi nha manyile kono nalawa, na kono nghubita. Ninga anye si mumanyile kono nalawa, hamba kono nghubita.

Yohana 8:42

Yesu yakawatya, “Mhali Mulungu yo Sogo yenyu, mwali munyende ane, hambi ane nha nalawa kuli Mulungu nghaza baha. Hamba si neyiziza ko wulajilize wangu no mweneco, langa umwene yo yanhuma.