Yohana 16:22 - I CILAGANE CIPYA 1991

²² Anye nanye mu cidaha cici, mwina wukalale, ninga nolomuwonenyi kanyhi, ne zinhumbula zenyu zolosecelela, ne nyemo yenyu, hasina mono yakumuwusizenyi.

Luganuzi Luswanu Kuli Wanhu Wose 2002

²² Anye nanye mu cidaha cici, mwina wukalale, ninga nolomuwonenyi kanyhi, ne zinhumbula zenyu zolosecelela, ne nyemo yenyu, hasina mono yakumuwusizenyi.

Yohana 16:22 ပူးပေါင်းရင်းမြစ်များ

Matayo 28:8

I wacekulu wawo, nawo lono akuno wali wena no woga, hamonga ne nyemo mbaha, wakawuka mbela mbela ha citenjelo, wakamangha, wakabita wakawalonjela i wejizwa wakwe.

Luka 10:42

ninga cono cikusakwa cinhu cimonga du; hambi Malyamu nha kehaga igawo iswanu lyono si kosolelwa na munhu.”

Luka 16:25

Ninga Abulahamu yakatya, ‘Mwanangu wukumbucile vyono, lono agwe wali wukali mumi, wamotaga vyako viswanu, na Lazalo yakabocela i vibi, ninga lu baha mwene mutuzwe, nagwe wuli mu wusungu.

Luka 19:26

Nayo yakawatya, “Muli wose mono yena nha kopegwa; no konjelezwa. Ninga mono yasina, kosolelwa sunga cono yena naco.

Luka 24:41

Na lono wali wakali si wakwihuwila so nyemo no wizine, Yakawatya “Mwina cinji ca kulya baha?”

Yohana 14:1

Yesu yakawalonjela, yakatya, “Mulece kugazika mu zinhumbula zenyu, Mumwihuwiye Mulungu, ale munyihuwile na nene.

Yohana 14:19

Hakali hadodo we yinze, si wowa kumbona kanyhi, anye langa mombona, na vyono ane nili mumi, na nyenye nanye mowa womi.

Yohana 14:27

“Mulamu nghumulecelenyi, mulamu wangu nghumupeleyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Yohana 16:16

“Mu cipango cidodo, si mombona hamba nhavi, na hanyuma hadodo, ho mombona kanyhi!”

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Yohana 16:6

Ninga vyono nimulonjelenyi zizi, zinhumbula zenyu zimemile wukalale.

Yohana 21:7

U mwijizwa yuyo mono yali yendigwe na Yesu, yakamutya Petelo, “Yo mwene Muwaha.” Nayo Petelo yaza kuhulika vyono yo mwene Muwaha, yakawa kwitunga mwenda wakwe (hambi nha si yali yetunjile) yakelujila mwilenga.

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Metumo ge Watumwa 13:52

Ninga iwejizwa wawo, wali wamemile nyemo, no Muhe Mono Yelile.

Metumo ge Watumwa 16:25

Ninga mu cilo mugati, Pawulo na Sila walombaga no kumwimbila u Mulungu nyimbo, zo kumukumyo Mulungu, kuno wawopwa wayawo wawahulicize.

Metumo ge Watumwa 2:46

Nawo wakajendelela kwitangʼanila mu Nyumba yo Mulungu na wuhile wumonga vilo vyose. Langa mwidaha lyo wubegule wo mukate, wetangʼanililaga mu zinyumba zawo, no kuhanga wose ndigwa yiyo ne nyemo na nhumbula nzelu,

Metumo ge Watumwa 5:41

Watumwa wakalawila hanze ye libalaza wasangalaye, vyono wejela wanojeye kukozwa cevu ku soko ye litagwa lya Yesu.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Wahebelaniya 10:34

Mwahangana u wugazwe ne wafungwa, na lono mwabokagwa zisawo zenyu, mwakangalila na nyemo, hambi nha mwali mumanyile vyono mwina sawo yono swanu muno muno kanyhi yono yikalaga cibitilila.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli hamwande yetu.

1 Petelo 1:8

Anye mumwendile, hamba muwe simunamuwona, na kanyhi mumwihuwiye hamba muwe simukumuwona lulu. Holeka, mukusecelela muno ne nyemo yo lukumyo siyakulonga.