Yohana 16:14 - I CILAGANE CIPYA 1991

¹⁴ U mwene kolonghumya nene, hambi nha kolomulonjelenyi zono kozituga kulawa kwangu.

Luganuzi Luswanu Kuli Wanhu Wose 2002

¹⁴ U mwene kolonghumya nene, hambi nha kolomulonjelenyi zono kozituga kulawa kwangu.

Yohana 16:14 ပူးပေါင်းရင်းမြစ်များ

Yohana 14:21

Mono yena malajilizo gangu no kugebata, yuyo yo yanyendile, nayo mono yanyendile kokwendwa na Baba, nane nomwenda, kanyhi nokwilajila kuli mwene.”

Yohana 15:26

“Kolo yakuza yuyo u Mutazi, mono nomutumilenyi kulawa kwa Baba, yo Muhe we mbeka, mono yakulawa kuli Baba, yuyo yo kolohomelela izangu.

Yohana 7:39

(Yalonga zizo, yakulonga zo Muhe Mono wolomubocela wono wamwihuwiye mwene. Mu cipango cico u Muhe yali yakali si naza, vyono Yesu yali yakali si nakumywa.)

1 Wakolinto 12:3

Ninga alu mumanye vyono u munhu wo wose mono yakutongwa no Muhe wo Mulungu si kosuma kutya, “Yesu mulijitwe!” Na kanyhi nha vivyo, u munhu wo wose si kosuma kutya, “Yesu yo Muwaha,” hono yalece kutongwa no Muhe Mono Yelile.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Wagalatiya 5:5

Ninga ku lubavu lwetu ase, cikulindila ko witumbilo vyono covumilwa hali Mulungu kwe vilungo vyo Muhe, mu nzila yo wihuwilo.

1 Petelo 2:7

Ale kuliʼnye mono mwihuwiye, ilibwe lilyo lyo lyo wuguzi wukamu, ninga kuli walya wono si wehuwiye, “I libwe lyono walilema iwazenji, ninga alu lyo lyeza libwe liwaha lyo musinji.”

1 Yohana 3:23

Ne lilajilizo lyakwe nha lyoli, Cimwihuwile u Mwanagwe Kilisito, no kwiyenda sese wose, nha vyono yacilajiliza.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

1 Yohana 5:6

Yesu Kilisito mono yaziza mu malenga go wubaputizo wakwe na mu sakami yo wufwe wakwe. Siyaziza mu malenga du, langa mu malenga ne sakami. No Muhe nayo yakuhomelela vyono yili mbeka, hambi u Muhe nha yo mbeka.

Wugubule 19:10

Ale, nane nghagwa hasi funama ha magulu gakwe nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, yo yikuwamulicila wawizi.