Yohana 15:26 - I CILAGANE CIPYA 1991

²⁶ “Kolo yakuza yuyo u Mutazi, mono nomutumilenyi kulawa kwa Baba, yo Muhe we mbeka, mono yakulawa kuli Baba, yuyo yo kolohomelela izangu.

Luganuzi Luswanu Kuli Wanhu Wose 2002

²⁶ “Kolo yakuza yuyo u Mutazi, mono nomutumilenyi kuwulawa kwa Baba, yo Muhe we mbeka, mono yakulawa kuli Baba, yuyo yo kolohomelela izangu.

Yohana 15:26 ပူးပေါင်းရင်းမြစ်များ

Luka 24:49

Nane nomuletelenyi yuyo mono Baba yehuwiza vyono komutuma, ninga mulindilize mumo mwikaya, sunga muvwikwe i vilungo avilya vya kucanyha.”

Yohana 14:26

Ninga u mutazi, Muhe Mono Yelile, mono Baba komutuma mwitagwa lyangu, ko mwijizenyi zose no kumukumbucizenyi zose zono nomulonjelenyi.

Yohana 16:7

Ninga nghumulonjelenyi mbeka, vyono, ho vyowa viswanu kuli nyenye hono mbite, kusoko ane hono ndece kubita, u Mutazi si komuzizenyi yaye. Ninga hono mbite, ale, nomutuma kuli nyenye.

Yohana 8:42

Yesu yakawatya, “Mhali Mulungu yo Sogo yenyu, mwali munyende ane, hambi ane nha nalawa kuli Mulungu nghaza baha. Hamba si neyiziza ko wulajilize wangu no mweneco, langa umwene yo yanhuma.

Metumo ge Watumwa 1:4

Na lono wali wetangʼanila hamonga, yakawalonjela yakutya “Mulece kuwuka ku Yelusalemi, langa mucilindilaje icipegwa cono yehuwiza Baba, icipegwa cono mwakondya kucihulika kulawa kwangu.

Metumo ge Watumwa 15:8

Nayo Mulungu mono yazimanyile zinhumbula ze wanhu, yakawahomelelela ko kuwapela Muhe Mono Yelile nha vyono yacipela sese.

Metumo ge Watumwa 5:32

Nase cili wahomelezi we zinghani zizi, nayo nha vivyo Muhe Mono Yelile, mono u Mulungu yawapela wono wakumuhulika, nayo yakuyihomelela nghani yiyo.”

1 Wakolinto 1:6

hambi inghani ya Kilisito nha yakondya kukangazwa muliʼnye,

Wahebelaniya 2:4

Nayo u Mulungu yakonjeleza u wuhomelezi wakwe nha vivyo, lono yanozeza vitanjilo ne mezino ge mawala menji, na lono yawagawila wanhu i vipegwa vyo Muhe Mono Yelile nha vyono mweneco yali yendile.

Wugubule 22:1

Hanyuma kanyhi malayika yakandajila i likolongo lye malenga go wumi gono gakungʼalala nha cilole, gakulawilila heʼgoda lyo wutemi lyo Mulungu, hamonga ne Mwana we ngholo.