Yohana 15:2 - I CILAGANE CIPYA 1991

² Mwene kaliwusaga muliʼne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Luganuzi Luswanu Kuli Wanhu Wose 2002

² Mwene kaliwusaga muli'ne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Yohana 15:2 ပူးပေါင်းရင်းမြစ်များ

Matayo 13:12

Hambi muli wose mono yena naco nha kopegwa, no kuwa na vinji, ninga ayulya mono yasina cinji, kosolelwa sunga na cono yena naco.

Matayo 13:33

Yesu yakawalonjela kanyhi cihwanicizo cinji yakutya, “U wutemi wa ku wulanga, wihwanile ne cisase cono mucekulu yunji yacisola yakacihanza hanza no wusaje we debe limonga, nawo wose wukatumba.”

Matayo 15:13

Ninga u mwene Yesu, yakawapitula, yakawatya, “Ibici lyo lyose lyono u Sogo yangu wa ku wulanga si yalihadice, lilyo langa lyokulwa.

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.

Matayo 25:29

Hambi mono yena cinji nha kopegwa no konjelezwa kuciza. Ninga ayulya mono yasina cinji, nha kosolelwa sunga na cico cono yena naco.

Matayo 3:10

Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, ale, wodumulwa no kutagwa mu moto.

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”

Matayo 7:19

No mubici wo wose wono si wukulela mikalo miswanu, wukutemangwa no kutajilwa mu moto.

Maluko 4:20

Ninga iwanhu wanji, wehwanile nhe zimbeyu zilya zono zamizwa mu muhangha muswanu. Awa wo wakuyihulika i nghani yiyo, wakuyibocela, no kulela mikalo: wanji makumi madatu, na wanji makumi mutandatu na wanji igana limonga.”

Luka 8:13

Azilya zono zalagala hono hogali mabwe, zikulajila iwanhu wono wakuyihulika nghani no kuyibocela na nyemo. Ninga hamba nha vyono zinha zimbeyu zizo, iwanhu wawo wakuwa wasina milela, wono wehuwilaga kwa cidaha du, na kolo wakujelwa, wakuwuya ne nyuma.

Yohana 15:1

“Ane yo nene muzabibu we mbeka, na Baba yo mulimi.

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Yohana 15:3

Alu anye mwakondya kwela, ku so nghani yono nimulonjelenyi.

Yohana 15:6

Munhu wo wose hono yalece kwikala muli nene, yakutagwa kunze kotya inhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Yohana 15:8

Nayo Baba kakumyagwa, hono mulele muno mikalo minji, nanye mowa wejizwa wangu.

Yohana 17:12

Lono nali nina nawo, nawakamisiza mwitagwa lyako lyono wamhela, ane nawacitila, hamba yunji muyawo si yajilila, langa u mwana wo wajilile, imandiko ho gafisilizwe.

Walumi 11:17

Heya, ninga imanhambi ganji go muzeyituni wa mu mugunda gadumulwa, ne hanhu hayo, ilinhambi lyo muzeyituni wa mu mbago likalumbicizwa. Nanye mo wanhu we makungugo ganji, yo nyenye mono lyo linhambi lilyo lyo muzeyituni wa mu mbago, aluno mukuhanga ivilungo ne mele, vyo muzeyituni wa mu mugunda.

Walumi 11:22

ale, weze kukumbucila vyono, u Mulungu muswanu kanyhi mukali. U mwene mukali kuli wono wagwa, ninga mwene muswanu kuli gwegwe, hono wujendelele mu wuswanu wakwe, hono si nha vivyo, nagwe kodumulwa.

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

1 Wakolinto 13:1

Hamba nonje i milonjele ye wanhu hamba na ye Wamalayika, ninga hono niwe sina wendo, ane nowa nihwanile nhe lizozo du lye lidebe lyono lisina cinji, hamba lunji nha kotya cenjele.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 12:15

Muhidimbale muno muno, ho yunji yalece kuyajiliza i lihewa lyo Mulungu. Mwilanjililaje, ho lisina lyo wusungu lilece kutula muli nyenye no kuwawulaga wanhu wenji ko wusungu walyo.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wuwuleco wubi wako.