Yohana 15:15 - I CILAGANE CIPYA 1991

¹⁵ Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, kusoko vyono nimulonjelenyi zose zono nazihulika kulawa kuli Baba.

Luganuzi Luswanu Kuli Wanhu Wose 2002

¹⁵ Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, ku soko vyono nimulonjelenyi zose zono nazihulika kulawa kuli Baba.

Yohana 15:15 ပူးပေါင်းရင်းမြစ်များ

Matayo 13:11

Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Luka 10:23

Yakawapitucila wejizwa wakwe, yakawalonjela cinyele, “Wamoti wono wakuzilanga zono mukuzilanga nyenye.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Yohana 13:16

Mbeka nghumutyenyi, u mwitumami si yamucizize u muwaha wakwe, hamba mono yatumwa, si yamucizize mono yamutumile.

Yohana 15:20

Mukumbucile inghani yono namulonjelenyi, yono natya, “U mwitumami si yamucizize u muwaha wakwe.” Hono ane wangaza, womugazenyi na nyenye nha vivyo. Na hono wawe wayibata inghani yangu, woyibata ne nghani yenyu nha vivilya.

Yohana 16:12

“Nina nyinji zo kumulonjelenyi kanyhi, ninga si mosuma kuzibocela lulu.

Yohana 17:26

Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Yohana 20:17

Yesu yakamutya “Wulece kungʼangʼanila, hambi nha nghali sininabita kucanyha kwa Baba. Langa wubite wukawalonjele wandugu zangu, vyono ane nghubita kuli Baba, mono nanye yo Sogo yenyu, na kuli Mulungu wangu, mono nanye yo Mulungu wenyu.”

Yohana 4:19

Nayo mucekulu yakamutya, “Muwaha, nghuwona vyono agwe wuli muwizi.

Yohana 8:26

Nina nghani nyinji zo kulonga, no kulavya ningʼaniza mulinye. Ninga mono yanhuma yo we mbeka, nane nghuwalonjela iwanhu we yinze, zinghani zizo du, zono nazihulika kuli mwene.”

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

Walumi 7:15

Hamba si niyimanyaga yono nghwituma, ku soko yono nghuyisaka niyitume, yo si nghwituma, langa cicilya cono nicisulile, co nitumaga.

1 Wakolinto 2:16

Nago i Mandiko Gono Gelile gakutya, “Yo nani mbi mono kosuma kugamanya i mahala go Muwaha? Yo naniʼmbi mono kosuma kumulanjiza?” Ninga ase, cina i lihala lya Kilisito.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Waefeso 3:5

Zono katali wanhu si wamanyizwa, ninga alu u Mulungu yakondya kuwamanyiza iwatumwa, ne wawizi wakwe wono welile ntu nzila yo Muhe.

Wakolosayi 1:26

yo nghani yono yali hundikwe kuli wanhu wose kulawa katali na katali, ninga aluno yakondya kuwamanyiza wanhu wakwe.

Filemoni 1:16

Naluno mwene, si yenha muwanda du kanyhi, langa yawa muswanu kuciza muno si nha muwanda, u mwene yaweza ndugu yetu mwendece. Kanyhi yaweza munhu wa cambuzi ciwaha u kwangu, sunga no kwako nhavivyo si koleka kuwa munhu wa cambuzi ciwaha kotya muwanda na kanyhi kotya ndugu yetu muli Muwaha.

Yakobo 1:1

Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo zinghungugo ikumi na nyejete, zono ziyagaye kononze kose. Lamucenyi!

Yakobo 2:23

Holeka gakafisilizwa gagalye i Mandiko Gono Gelile gono gatezaga: “Abulahamu yakamwihuwilo Mulungu, na mu wihuwilo wakwe, yakavumilwa yawe munhu we lingʼani, holeka Abulahamu yakacemwa mwendece wo Mulungu.”

1 Petelo 1:11

Wakajela kumanya ivilo ne ndawililo ye litumo lilyo, nha cinji vilo vyono yalonga u Muhe wa Kilisito mono yali yali muli wene, lono yawilaga ze magazo gono gomuziza Kilisito, no lukumyo lono lotyatya.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,