Yohana 14:30 - I CILAGANE CIPYA 1991

³⁰ Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuliʼne.

Luganuzi Luswanu Kuli Wanhu Wose 2002

³⁰ Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuli'ne.

Yohana 14:30 ပူးပေါင်းရင်းမြစ်များ

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu u Mudaha vyose vyokusiciliza. Holeka mwana mono kolela kocemwa Yelile, Mwana wo Mulungu.

Luka 22:53

Lono caswezanaga nanye nhondo zose mu Nyumba yo Mulungu, nha si mwasuma kunyibata, ninga aci co cipango cenyu, co cipango co wutemi we citi.”

Yohana 12:31

Alu co cipango co kulingʼanizwa iyinze yiyi, alu muwaha we yinze yiyi kotagwa kunze.

Metumo ge Watumwa 1:3

Na lono, yali yatamiswa yakondya, yakelajila kuli wene vyono mumi, mu vitanjilo vinji vye vilungo, lono yejelaga kuli wene idaha lya vilo makumi maʼne. Wamuwona, nayo yakaduwana nawo muli zo wutemi wo Mulungu.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Waefeso 6:12

Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanya wubi, nayo yenuywe sunga ko ku wulanga.

1 Petelo 1:19

langa mwakombozwa kwe sakami yo lukumyo ya Kilisito, mono yali yenha nyana ye ngholo yono yisineliema hamba inamha.

1 Petelo 2:22

Umwene siyetuma wubi, hamba nghani yo wulambi, siyahulikwa mu mulomo wakwe.

1 Yohana 4:4

Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

1 Yohana 5:18

Ninga cimanyile vyono muli wose mono yakondya kuwa mwana wo Mulungu, siketumaga wubi, ku soko u Mwana wo Mulungu yakumukamisa. Na yuyo u Mubi si kosuma kumutamisa yaye.

1 Yohana 5:19

Cimanyile vyono ase cili wo Mulungu, hamba yiwe i yinze yose yili mu vilungo vya ayulya u Mubi.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.