Yohana 14:24 - I CILAGANE CIPYA 1991

²⁴ Nayo mono siyanyendile, si yakwibata zinghani zangu. Ne nghani yono mwayihulika si yangu langa ya Baba mono yanhuma.

Luganuzi Luswanu Kuli Wanhu Wose 2002

²⁴ Nayo mono siyanyendile, si yakwibata zinghani zangu. Ne nghani yono mwayihulika, si yangu langa ya Baba mono yanhuma.

Yohana 14:24 ပူးပေါင်းရင်းမြစ်များ

Matayo 19:21

Yesu yakamulonjela yakatya, “Ale, hono wukusaka wuwe munhu mono wukwilaniciye, ale wubite ukaviguze ivinhu vyose, wuwapele iwaciwa, nagwe ho kowa na ciwutwa ku wulanga, hanyuma ho wuze wunhyatye.”

Yohana 14:10

Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Yohana 14:15

“Hono munyende, mokwibata i malajilizo gangu.

Yohana 14:25

“Nimulonjelenyi nghani zizi, lono nghali nili hamonga nanye.

Yohana 3:11

Mbeka nghukulonjela, ase cilongaga zono cizimanyile, no kuhomelela zono caziwona, nanye si mukuwuvumila uwuhomelezi wetu.

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.

Yohana 5:19

Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, kusoko cicilya cono sogwe ketumaga, no mwana nayo vyo ketumaga nha vivyo.

Yohana 5:38

Hamba ne Nghani yakwe, si yikalaga mugati yenyu, vyono si mumwihuwiye yuyo mono yamutuma.

Yohana 7:16

Nayo Yesu yakawapitula, yakawatya, “Imejizo gono nghwijiza, si gangu yaye, langa ga yuyo mono yanhuma.

Yohana 7:28

Holeka Yesu lono yejizaga mu Nyumba yo Mulungu, yakenula lizi lyakwe, yakatya, “Ati, mumanyile hongo, sunga na kono ndawile mukumanyile! Hamba yiwe nha vivyo, ane si neyiziza ko wulajilize wangu no mweneco, ninga u mwene mono yanhuma yo we mbeka, nanye si mumumanyile.

Yohana 8:26

Nina nghani nyinji zo kulonga, no kulavya ningʼaniza mulinye. Ninga mono yanhuma yo we mbeka, nane nghuwalonjela iwanhu we yinze, zinghani zizo du, zono nazihulika kuli mwene.”

Yohana 8:28

Holeka Yesu yakawalonjela “Kolo mwakondya kumutumbika Mwana wo Munhu, baho ho molomanyila vyono ‘Ane yo Nene.’ Na kanyhi vyono si nghwitumila cinji co cose mu wulajilize wangu, langa nghulonga zizilya du zono nejizwa na Baba.

Yohana 8:38

Ane nghulonga zono nawona kwa Baba, nanye mukwituma zono mwahulika ko sogo yenyu.”

Yohana 8:42

Yesu yakawatya, “Mhali Mulungu yo Sogo yenyu, mwali munyende ane, hambi ane nha nalawa kuli Mulungu nghaza baha. Hamba si neyiziza ko wulajilize wangu no mweneco, langa umwene yo yanhuma.